الموضوع: إعلان عن تنظيم جمعية بمبلغ 10000ج بقيمة 1000ج للسهم لمدة 10 شهور

انا كنت فاكر ان محدش اشترك لحد الآن ولكن في مبشرات يا جماعة..
وفي انتظار المزيد ان شاء الله..
النتائج حتى الآن:

المركز الأول والعاشر 00%
المركز الثاني والتاسع 00%
المركز الثالث والثامن mohamed1992 25.00%
المركز الرابع والسابع 00%
المركز الخامس والسادس enafea, hagras, MoDyBeNz2008 75.00%

المصوتون: 4.

والله هى الفكرة جامدة جدآ وحل سليم لمواجهة الربا والفوائد العالية جدآ من البنوك بس إسمحلى يا أخ مسلم إنى أوضحلك المشكلة بالنسبالى ويمكن لناس تانية كمان وكلم حضرتك بدون إحراج
أولآ : حضرتك لسه عضو جديد فى المنتدى وتقريبآ دا أول مواضيعك ( يعنى داخل علينا بتقلك زى مابيقولوا ) وده مش عدم ثقة فى ذاتك على آد ما ممكن يكون بيدور فى زهن الغالبية اللى بيفكروا فى الموضوع
ثانيآ : حكاية الضمانات وإن كانت كتيرة بس برضوا إن وجد واحد مش آمين هنقعد نلف وندور
ثالثآ : فى وجهة نظرى الصغيرة إن لازم الإدارة ومعها بعض الأخوة القدامى آوى فى المنتدى لازم دول هما اللى يشرفوا على موضوع زى ده وحكاية الإدارة دى شرط مهم
على فكرة أنا فى الإستطلاع أبديت موافقتى على الموضوع بس برضه فى قلق وكمان حكاية ال 10000 تتقسم على إتنين دى صعبة شويه إحنا بنتكلم على جمعيه تساهم فى شراء عربية

السلام عليكم
هوالموضوع اتشمع بالشمع الاحمر ولا ايه؟ :)
بالنسبة للي مستغرب من ان دا اول مواضيعي وشايف ان دي حاجة تقلق..
هو بصراحة انا عضو من سنة تقريبا بس باسم تاني ومظنش ان في حاجة تمنع ان يكون للواحد اكثر من عضوية..انا فضلت اني اعمل الموضوع دا بعضوية جديدة لعدة اسباب .. سبب منهم اني كنت متوقع ان يقابل الموضوع بسخرية .. وفي اسباب تانية ممكن تكون ساذجة في نظر البعض فلذلك افضل الاحتفاظ بها لنفسي..
انا بس يا جماعة عايز اوضح حاجة مهمة ..
انا مش بعمل الموضوع دا مش علشان مصلحة او علشان انا عايز جمعية ولا حتى عايز اكون منظم او مشرف على الموضوع دا.. انا بس بروج لفكرة عندي واتمنى انها تنجح -يعني تنفيذ الموضوع مش مرتبط بوجودي-..
وزي ماقلت قبل كدا انا مش محتاج جمعية حاليا بس ممكن ادخل في جمعية من 5000ج واقبضها الاخير من باب تحريك الموضوع
بس انا شايف 11 عضو مشاركين في الجمعية -انا مش واحد فيهم- بس فيه تضارب في الترتيب.. ياريت لو نتناقش ونحاول نظبط الترتيب دا يعني نعمل قرعة مثلا ولا ايه..

المشاركة الأصلية كتبت بواسطة الإدارة

تنوية هام

تعلن إدارة نـايـل مـوتـورز عدم وجود أي صلة لها بهذا الموضوع وعدم ابرام أي اتفاقات من أي نوع مع السيد كاتب الموضوع، كما تعلن إدارة المنتدى عن عدم مسؤوليتها عن اي اتفاق يبرم بهذا الموضوع وإن حدث اتفاق فهو على مسؤولية الااعضاء الشخصية. وسنعلمكم إذا كان هناك تفاصيل اخرى.

إدارة المنتدى 2

(إ.م.2)

وبالنسبة لرسالة الادارة هذه.. انا مش عارف سببها ان كان في ايحاء اني بعلن نتيجة تعاون مع الادارة ولا سببها ايه .. ومش عارف تأثيرها ايه على الموضوع .. لان انا نفسي اخدت فكرة مش كويسة عن نفسي..:)
وبالمناسبة برضه انا بعلن عدم مسؤليتي عن اي اتفاقات تتم بين الاعضاء . زي ماقلت ان بروج لفكرة انا مقتنع بيها وشايف انها ممكن تكون مفيدة
اسمحوا لي اسوق الفقرات اللي ورد فيها ذكر الادارة في كلامي.. وبعتذر ان كان حصل لبس او سوء فهم للكلام
مع ملاحظة اني لما كنت بقول نأجل دور الادارة كنت بقصد نأجل عرض الفكرة على الادارة لحد ما الفكرة تنجح وكنت بقول كدا لان كان في ناس منتظرة موقف الادارة من الفكرة...
وبقول ان كل اللي كنت بطمع فيه من الادارة ان تخصص جزء يكون ملتقى للافراد الراغبين في تنظيم الجمعيات ، وصعب جدا بل ومستحيل ان يكون للادارة مسئولية عن الموضوع.. انا قلت اكثر من مرة ان الموضو ع موضوع افراد ومفيش منظم ولا مشرف والناس هاتلتقي شهريا بناء على ترتيب بينهم فقط

المشاركة الأصلية كتبت بواسطة Muslim

حاعرض عليكم الفكرة واترك لكم الحكم:
مع ملاحظة ان الادارة هايكون لها دور تنظيمي فقط دون ادنى مسئولية منها ( معرفش دا تجاوز مني ولا ايه !! بس انا عايز اعرض تصوري للفكرة بشكل كامل، وهذا من باب العشم لما أراه من حرص هذه الادارة على كل ماينفع اعضاء المنتدى وتفاعلهم مع اعضاء المنتدى)

المشاركة الأصلية كتبت بواسطة Muslim

وانا عايز رأيكم في بديل لطرح الفكرة هنا للتأييد او الرفض من البدائل التالية:
1- اعمل موضوعات مباشرة في المنتدى عن تكوين جمعيات يعني مثلا اعلان عن جمعية ب 50 ألف واعلان عن جمعية ب 100 الف واعلان عن جمعية ب 150 الف وهكذا .... واترك الموضوع للتنفيذ الفعلي وساعتها اللي عايز فعلا جمعية هايشترك في الموضوع
2- كنت اعرض الموضوع مباشرة على الادارة وهي تقوم بالتنفيذ اذا اقتنعت وهاتبقى نفس النتيجة زي اللي فوق اللي عايز هايشترك
3- اني اقوم بتنفيذ هذه الفكرة على موقع خاص واقوم بمجرد الاعلان عنه هنا في المنتدى وبرضه اللي عايز يشترك هايشترك
ايهم افضل الحلول في رأيكم؟
ولكم جزيل الشكر

المشاركة الأصلية كتبت بواسطة Muslim

في افكار وكلام زي الفل بالنسبة لتطوير الفكرة مثل ماقال م/ياسر عياد.. الكلام فعلا جميل جدا.. وممكن تنفيذه ان شاء الله.. ولكن لي تعليق بسيط وهو ان الكلام دا ممكن يكون سابق لآوانه شوية.. لاننا لحد الان مش متخيلين ان فكرة بسيطة زي دي ممكن تنجح.. اقصد الجمعية.. وفي نفس الوقت الافكار فيها دور كبير اوي للادارة واجراءات متعددة .. وبصراحة مع اني اقترحت في البداية ان الادارة تعمل قسم القرض الحسن ولكن لما بفكر في الموضوع واحط نفسي مكان الادارة بقول ايه اللي يخليني اعمل حاجة مش في صميم موضوع السيارات ومش مضمون نجاحها.. يعني شايف من الافضل ان نأجل دور الادارة شوية...
.
..
.
من غير مايكون في قسم مستقل ولا حاجة ومع تأجيل دور الادارة حتى نجاح الفكرة ..ممكن لو حد محتاج جمعية فعلا يتوكل على الله ويعمل اعلان في قسم الاجتماعي أو القسم المناسب كالتالي:
جمعية لتيسير الزواج بقيمة ..... على مدة .... شهر بقيمة السهم .....
أو جمعية لشراء سيارة بقيمة ....... على مدة ..... شهر بقيمة السهم ......
أو حتى جمعية بدون سبب مش لازم ذكر السبب.
بالنسبة لي -نظرا لاني مش محتاج جمعيات اليومين دول- ممكن اشارك في جمعية صغيرة من 5000ج بقيمة سهم 1000ج واقبضها اخر واحد..
في حد محتاج فعلا يبدأ ويعلن عن جمعية؟

المشاركة الأصلية كتبت بواسطة Muslim

ومحدش هايمسك الجمعية لوحده ولا حاجة
هي الناس هاتتقابل كل شهر وواحد يستلم المبلغ ويسلم الايصالات..

المشاركة الأصلية كتبت بواسطة Muslim

- لن يكون هناك شخص منظم ولا مشرف ولا مسئول عن جمع المبالغ وتسليمها.. الناس كل شهر على المنتدى في قسم الجمعية الخاص بهم هايعلنوا عن الميعاد والمكان وكلهم يوافقوا عليه ويتقابلوا وكل واحد يجيب ال2000ج بتوعه يسلمهوم لواحد او اتنين وياخدوا الايصالات..

ياريت لو الناس تشارك بآراء تساهم في دفع الموضوع للامام وان كان في رغبة لتعديل المبلغ

هيا فكرة جميلة يا اخى
بس اعتقد من اكثر معوقاتها عدم معرفة الناس ببعضها
فأنا شخصيا لو لم اكن اعرف الشخصيات معى فى الجمعية جيدا
لا اشترك بها فنحن فى زمن اجارك الله منة