إعلان عن تنظيم جمعية بمبلغ 10000ج بقيمة 1000ج للسهم لمدة 10 شهور

**Muslim** · 05-11-2008 12:43 PM

السلام عليكم ورحمة الله وبركاته
استكمالا وتنفيذا للموضوع السابق ذكره على الرابط التالي:

(القرض الحسن) الحل لشراء سيارة بالتقسيط بطريقة حلال بدون فوائد

وكما ذكرت في الموضوع ان دور الادارة ممكن ان يأتي بعد نجاح الفكرة بشكل فعلي..
وكما واضح من الموضوع السابق ان عدد المؤيدين المستعدين للمشاركة في الموضوع تجاوزوا ال 20 عضوا
أعتقد ان افضل طريقة للحكم على الفكرة هو تطبيقها..
فلذلك اعلن اليوم عن تكوين جمعية بمبلغ 10000ج بقيمة 1000ج للسهم يعني المفروض مكونة من 10 أعضاء على 10 شهور

وبالنسبة لمشكلة ترتيب الاعضاء بالنسبة للقبض..
فقد توصلت لفكرة وكنت قد عرضتها سابقا وارجو مشاركتكم فيها وابداء الرأي فالأمر شورى
ألا وهي تقسيم المنافع .. بمعنى ان هايبقى عندنا منفعتين:

الأولى: وهي القبض في ترتيب متقدم.
الثانية: وهي الحصول على المبلغ كاملا.

وبالتالي التقسيم يكون لهاتين المنفعتين بمعنى ان من يقبض اولا يقبض نصف مبلغ الجمعية (5000ج) والنصف الثاني في اخر الجمعية..
ومن يقبض الثاني يقبض التاسع وهكذا حتى المركز الخامس هايقبض الخامس والسادس..
يبقى الاول حصل على منفعة القبض الاول ولكن منفعة المبلغ الكامل فقدها
ومن يقبض الخامس فقد منفعة القبض الأول ولكنه تحصل على منفعة المبلغ الكامل في الشهر الذي يليه مباشرة..
ومابين المركزين الاول والخامس تفاوت في كل منفعة واحدة تزيد والتانية تقل..
يعني بدل ماواحد يقبض 10000ج كل شهر هايقبض اتنين كل واحد منهم 5000ج
افيدوني برأيكم..
وبالتالي كل شخص يريد الاشتراك في الجمعية يشارك برسالة وكذلك في الاستطلاع بحيث يختار الترتيب الذي يقبض فيه..وحتى ان وجد في الترتيب الذي يريده اكثر من شخصين يضيف نفسه برضه مفيش مشكلة ممكن نعمل اكتر من جمعية ماشيين مع بعض في نفس الوقت..
أما بالنسبة للضمانات.. ماتوصلت له حتى الآن..:
صورة البطاقة وايصال امانة وايصال نور مع التأكد من ان العنوان في ايصال النور مطابق للعنوان في البطاقة.. وممكن بصمة الاصبع..افيدوني برأيكم برضه..
الفكرة الآن اصبحت على ارض الواقع.. وهي الآن في موضع الاختبار الحقيقي والحكم عليها بالفشل او النجاح...
طبعا هي المبالغ دي ممكن متفدش اوي الناس اللي عايزين يشتروا عربيات بالقسط ومحتاجين مبالغ كبيرة ولكنها تجربة وياريت اللي عايز يعمل جمعية لشراء سيارة يعمل اعلان تاني عن جمعية بمبلغ اكبر.
نسأل الله التوفيق

**Muslim** · 05-11-2008 12:57 PM

ممكن يكون موضوع التنصيف دا للمراكز الثلاثة الاولى وبالتالي للثلاثة الأواخر
ويكون باقي المراكز من الرابع حتى السابع هايقبضوا المبلغ كامل على ان يكون تحديدهم بالقرعة

**شريف** · 05-11-2008 01:06 PM

فكرة جميلة و روح حلوة من صاحب الموضوع
بس رجاء الناس اللى تصوت تكون جادة فعلا لو كانت الضمانات كافية و مفيش خوف

**Dr.A.Nabil** · 05-11-2008 03:20 PM

فكره جميله

بس اعتقد ان هاتواجه صعوبه في التنفيذ لهذه النقاط:

- عدم معرفة الاعضاء بعضهم معرفه شخصيه( ممكن تخلي الناس تقلق)

- ابتعاد اماكن السكن بين الاعضاء وتفرق مساكنهم ومحافظتهم

- عادة ما اعتقد ان اصلا نسبه كبيره من الاعضاء عادة (زيي انا كده ) ما دائما بيدخل في جمعيات ومرتبط بيها لفترات طويله وشهور لسه قدام

انا والله احيكم للفكره
بس حبيت اوضح بعد المشاكل التي قد تواجهكم وحبيت انوركم بيها

**Muslim** · 05-11-2008 03:34 PM

اشكركم يا اخواني على الردود
والموضوع مطروح للمناقشة ومحاولة حل الصعوبات,,,
وان شاء الله النقاط سهلة الحل يا دكتور احمد
ماتسيبك من الجمعيات اللي برة دي وتخليك معانا :)

**Goodle** · 05-11-2008 03:36 PM

أنا مش هاقدر اشترك

**Samir Elshahawy** · 05-11-2008 03:50 PM

أولا الفكرة جميلة و لكن لي تعليق بسيط و هو ان معظم الاعضاء لايعرفون بعضهم البعض بشكل مباشر و معظمهم لم يلتقوا من قبل لذا فمن الصعب نجاح الفكرة مهما كانت الضمانات , فأنا عن نفسي صعب ان اشترك في جمعية مع اشخاص اعرفهم معرفة شخصية فما بالك بأشخاص كل معرفتي بهم مايكتبونه من افكار علي صفحات المنتدي

معلش ماحدش يزعل مني الموضوع مش عدم ثقة او شك في نية احد , لذا اقترح مناقشة الفكرة كلها في لقاء المنتدي الشهري حيث لقاء الاعضاء و تعارفهم ببعض