من كتالوج السيراتو نفسه , كيف تحتار زيت المحرك المناسب

السلام عليكم ورحمه الله وبركاته
الاخوه الكرام اتمني تكونوا بخير وفي افضل حال

وانا نازل تحت السرير مش عارف بجيب ايه لقيت كتالوج السيراتو اليتيم وعليه كوم تراب قد كده
قولت انظفه واكسب فيه ثواب وبعدين قولت اقرأ شويه فيه اشوف الكتالوج ده بيتكلم عن ايه :)

لقيت الصوره دي واللي بتخليك تختار الزيت المناسب بناء علي درجه الحراره وافتكرت ان كان في نقاش هنا كبير في المنتدي بين انصار الزيت الخفيف اللي بيوفر في البنزين والزيت التقيل اللي بيحافظ علي المكنه وبيتحمل كيلوات كتير قبل تغييره فقولت اعرضها عليكم لتعم الفائده ويطمئن صدر من يستخدم زيت ثقيل زي حالاتي :)

http://nileup.com/up/uploads/nilemotors_14224659731.jpg

حضرتك بتحط زيت ايه ؟

كاسترول 20w50 وبغير كل 5000

اقتباس:

---

المشاركة الأصلية كتبت بواسطة hi_nmr

كاسترول 20w50 وبغير كل 5000

---

تقيل جداً
لو عربيتك زيرو و مش عامله كيلو متر كتير
خليك فى وولفر 5w-40 أو شيل 5w-30
أكتر من 5w-40 حرام أوى

انا جايب عربيتي زيرو ونصحوني في الاول احط الزيت ده ودلوقت وصلت 120 الف الحمد لله وبصراحه مرتاح عليه كل 5000 اغير زيت وفلتر وشكرا
في مره غيرت بزيت مش عارف نوعه اكده من شل لما جيت اغير بعديها لقيته محروق مش زي الكاسترول فمعجبنيش ولا دخل دماغي
ومره تانيه غيرت بزيت بترومين ولقيته زي الشل بس افضل حال شويه بس برضو الكاسترول افضل بكتير
ومن ساعتها وانا شغال علي الزيت ده كلو تمام