يوجد زرار صغير فى دراع فتيس الاتوماتك اما بشغلة بيكتب على الشاشةباور ممكن اعرف بيشغال على سرعة كام يفهمنى كل حاجة عنة السيارة لانوس 1999
عرض للطباعة
يوجد زرار صغير فى دراع فتيس الاتوماتك اما بشغلة بيكتب على الشاشةباور ممكن اعرف بيشغال على سرعة كام يفهمنى كل حاجة عنة السيارة لانوس 1999
over drive
الزرار دة بتاع الكيك داون يعنى ممكن بدل مادوس على دواسة البنزين تدوس علية عشان يجيب سحبة جامدة وبعدين تفصلة
وبيبقى على سرعات اعلى
الاوفر درايف وموجود فى بعض الاتوماتيك مش كلة
اعتقد فى الجيل اللى قبل الاخير التسعينات واوائل الافينات كدة
وشوفتة فى كذا ماركة عربية ميتسوبيشى وصنى ومش متذكر اوى الصراحة
هو نظام من ضمن الانظمة فى الاوتوماتيك و زى الكيك داون كل موديل بيكون فية خاصية مختلفة عن غيرة
دلوقتى بقى الايزى ترونيك والتيب ترونيك ولسة الجديد فى الطريق
شوف...لما تضغط على الزرار ده عشان ده عندي في عربيتي..بيعمل كذا حاجة:
1-بيزود روح النقله ويستخدم للقيادة الرياضية والشد..يعني بعد ما كانت بتنقل على 2.5 او 3 RPM هتنقل على 4 RPM وده في الضغطة العادية على دواسة البنزين.
2-في حلة الضغط القوي على دواسة البنزين..فهيحصل كيك داون اي تسقيط نقلة ..يعني العربية لو كانت على الرابع هتنزل على الثالث وبكده ال RPM هيعلى جدا ويخلي العربية تطير.
3- في حالة استمرار الضغط على دواسة الوقود من غير ماتشيل رجلك هتفضل العربية على النقلة الاقل والموتور يعلى ويعلى لحد ما تقرر تشيل رجلك وعندها هينقل على النقلة اللي بعدها..يعني لو انت عايز تشد من واحد وكانت العربية على الرابع ورحت دايس على الPower فهتروح العربية مسقطة نقلة يعني هتبقى على الثالث وهتفضل على الثالث لحد ما تشيل رجلك عن البنزين وبعدين هتنقل على الرابع ..وهكذا
ارجو ان اكون افادتك...لكن نصيحة ما تحاولش تستخدمة كثير لانه ممكن يضر الفتيس