فين احسن مكان تشتري منه عفش محترم

**new_man** · 29-01-2015 06:57 PM

انزل مول الاثاث بتاع القوات المسلحة اللى عند سور الكليه الحربيه فطريق المطار ومش هتندم اطلاقا وهتدعيلى :)

**abdulkhaleq** · 30-01-2015 02:07 AM

لأ انت لازم تلف شويه معلش لكذا سبب
السوق فيه تركي وصيني
والحاجه اللي هتجيبها من محل في مدينة نصر
غير اللي هتجيبها من محل في الحلميه (كسعر يعني)

**الاستاذ** · 30-01-2015 04:45 AM

عايز رائى انتت تشوف شكل اوضة النوم على النت وتروح لنجار بيفهم هيعملك اوضة نوم عمولة هتخشلها من 10 الاف الى 15 الاف

**esam_refaat** · 30-01-2015 09:45 AM

العمولة ثم العمولة ثم العمولة
اعمل عند نجار موثوق فيه عفشك هيعيش عشرين سنة ويزيد
وكده كده هتدفع فلوس فلو دفعت 20% زيادة انت الكسبان عن تجربة
بس المهم انك تدور على نجار امين وشاطر ومش حرامى
انا لسه على بالى النجارين اللى عملولى عفشى من 15 سنة وباذكرهم بكل خير مع انى ماشفتهومش من ساعتها
ولو محتاج ادلك عليهم ممكن هما واحد فى الهرم وواحد فى ارض اللواء من ش السودان

**adel1212** · 30-01-2015 12:06 PM

المشاركة الأصلية كتبت بواسطة esam_refaat

العمولة ثم العمولة ثم العمولة
اعمل عند نجار موثوق فيه عفشك هيعيش عشرين سنة ويزيد
وكده كده هتدفع فلوس فلو دفعت 20% زيادة انت الكسبان عن تجربة
بس المهم انك تدور على نجار امين وشاطر ومش حرامى
انا لسه على بالى النجارين اللى عملولى عفشى من 15 سنة وباذكرهم بكل خير مع انى ماشفتهومش من ساعتها
ولو محتاج ادلك عليهم ممكن هما واحد فى الهرم وواحد فى ارض اللواء من ش السودان

+1
حضرتك قولت اللي عايز اقوله بالضبط حتى المدة الزمنية (15 سنة)
الفرش بالكامل على مزاجك ممكن تعدل فى الصور اللي حتختارها
حتشوف الخشب قبل الدهانات و الكسوة+ختختار درجة الالوان+حتختار الوان وخامات و ممكن تنسق ما بين الوان المكان و الستائر.................و الاختيارات احسن بكتيييييييييييييييييير
15 سنة 3 اطفال بنهد فى الفرش و خبط و رزع و ما شاء الله جديد
و كل الابواب و المطبخ و الشبابيك و المكتبات و الديكورات كل الخشب اللي في البيت عمولة و ميه واحدة
الحمد لله البيت كله ستايل واحد
تحياتي ومبروك مقدما

**cameeron** · 30-01-2015 01:06 PM

بص كنج المحلات فى دمياط و بقاله فرعين هنا فى مصر محل البدرى و ليه فرعين فى مدينة نصر و المهندسين على حسب مين اقربلك

**sasatony** · 30-01-2015 01:08 PM

بص انا كنت زيك محتار نفس حيرتك وفي الاخر بعمل الحاجة عمولة عند نجار معرفة جبتله الصور من علي النت وهو بيعملهالي واحسن حاجة كمان انك بتفصل اوضة النوم علي الاوضة عندك يعني هتطلع مظبوطة معاك ونفس النظام طبعا في باقي العفش فنصيحة لوجه الله شوف نجار كويس وأمين يعملك العفش عمولة هتوفر فلوس وهتاخد خشب واستايل نضيف يقعد معاك سنين

**A.samy** · 30-01-2015 01:38 PM

افضل مكان عن تجربة جهاز الخدمات للقوات المسلحة اللى فى العباسية او اللى عند سور الكلية الحربية احسن مكان فى مصر ومفهوش نصب وفاصل كويس

**hon** · 30-01-2015 01:55 PM

حضرتك لو نزلت دمياط اسال على حسان راجل برنس وعدو مصنع ومبيشتغلش فى الصينى
عندو اثاث وموديلات محترمة

**Mohamed_Hamid** · 31-01-2015 12:25 PM

روح دمياط :)
صدقنى ده احسن شئ. ممكن تلف على كام معرض هنا فى القاهرة والحاجة اللى تعجبك صورها بالموبايل وانزل دمياط وهتلاقى زيها واحسن منها ان شاء الله.
بالتوفيق ان شاء الله.

الموضوع: فين احسن مكان تشتري منه عفش محترم

LinkBack

أدوات الموضوع

عرض

-

-

-

-

-

-

المواضيع المتشابهه

مساعدة في مكان محترم لكورسات sap

مكان محترم للنايتروجين

حد يعرف مكان محترم لتصليح الحوادث

حد يعرف مكان عائلى محترم

لو معاك فلوس تشتري شقه في مكان راقي ولا فيلا في مكان اقل؟

الكلمات الدلالية لهذا الموضوع

المفضلات

المفضلات

ضوابط المشاركة