السلام عليكم ،
بفكر ان شاء الله فى شراء سياره جديده فى حدود 3 شهور لو الدولار بطل الجنان بتاعه و متهطلش أكتر من كده .. وبالنسبالى كانت من اولوياتى انى اركب طبقات حمايه جسم السياره بانواعها .. وبعد البحث توصلت للمعلومات الاتيه :

بالنسبه للقاهره .. فيه مكان تقريبا اسمه Protect me شغال فى الموضوع ده .. اتصلت بيهم أسألهم عليه .. وجاوبوا عليا كالاتى :
ان بالنسبه لجسم السياره و الفوانيس هناك طبقه بتتلزق عليه من شركه اسمها XPEL وهى مكونه من 4 طبقات لحمايه جسم السياره من الخدوش و المسامير .. ولو حدث و كان الخدش جامد شويه و ادى للتأثير على طبقه او اتنين منهم بيعالج نفسه بنفسه بالتعرض للشمس و المياه Self heal .. وعليه ضمان مش فاكر 5 ولا 7 سنين ضد الاصفرار و عيوب التصنيع .... و التكلفه على حسب مقاسات العربيه و بتكون فى حدود 12 الف جنيه

بالنسبه للعزل الحرارى للزجاج عندهم ماركه مش فاكر اسمها بس مش ال Vcool دى للزجاج فقط وللعزل الحرارى فقط .. وسعرها يتراوح من 1500 الى 4500 على حسب درجه اللون و درجه العزل

بالنسبه لحمايه الزجاج الامامى من النقر و الطوب الصغير و صنفره الطريق فيه عندهم طبقه مخصوص للزجاج الامامى و سعرها ثابت تقريبا 600 جنيه

صفحتهم على الفيس بوك ... فيها شويه عربيات تهبل
https://m.facebook.com/ProtectMeEgypt

بالنسبه لﻷسكندريه فيه مكان اسمه Le garage بيركب نفس الطبقه بس نوع تانى من شركه 3m معرفتش اتصل بيهم ولا لقيت ليهم صفحه فيها معلومات .. بس زميلى عنده انسيجنيا ركب عندهم طبقه جسم السياره و تقريبا العازل الحرارى و كانت تقريبا التكلفه حوالين ال 12000 جنيه

اسئلتى بقى للزملاء الخبراء فى الموضوع ..
اى النوعين افضل ؟
ما مدى العتماديه بتاعه الطبقات دى فى حمايه جسم السياره من الخدوش و حمايه الازاز من النقر و الحصو ﻷن الموضوع ده يهمنى اوى ﻷنى دائما على طرق سريعه و العربيات النقل متتوصاش ... وكمان انا بفكر فى عربيه نادره ( سيتروين DS5) لو الازاز حصله حاجه هيزعلنى جامد خاصه ان سقفها كله ازاز

دعواتكم ان العربيات متغلاش الفتره اللى جايه والا هلغى فكره تغيير العربيه من الاساس ... واهى جينا قايمه بالواجب