جماعه هوه انا كان المفروض اسيبله باقى ال 50 جنيه ؟

**a raafat** · 30-01-2015 06:04 PM

السلام عليكم

كنت عايز اخد رأيكم يا جماعه فى موقف حصلى النهارده بعد الصلاه روحت اخد العربيه واطلع بيها مشوار وكنت راكنها حوالى 20 يوم لقيت تحتها بنزين كتير فى الارض والتانك عمال ينزل بنزين باستمرار روحت للميكانيكى طلع خرطوم البنزين عايز يتغير وغيره فى نص ساعه جاب خرطوم من عنده وركبه بعد ما خلص قولتله عايز كام ياحمد ؟ قالى 40 جنيه وانا مبفاصلش معاه كان معايا 100 جنيه قولتله هات باقى ميه قالى صعب الاقى فكه دلوقتى روحت فكيتها لخمسينتين وبعدين روحت اديله 50 قولتله هات 10 ضحك وقالى انت مصمم عالعشره يعنى ؟ قولتله خلاص ياعم خليها يبقالى فواحد جنبه قالى استنى انا معايا 10 وادهالى وخدتها
السؤال بقى : هوه انا فى موقف زى ده المفروض كنت من الاول اديله ال50 كلها واسيبله العشره دى ؟ مع العلم انى على طول مش بفاصل معاه وبديله اللى يطلبه وهوه بيطلع بمصالح من ورايا وانا بعديها بمزاجى بس الموقف ده انا اتصرفت صح ولا غلط بعد ما مشيت كان معايا اتنين صحابى فى العربيه سألتهم قالولى كنت المفروض تسيبله ال50 كلها وحسيت انى اتصرفت غلط وشكلى بخيل قدامه :(انا مشكلتى ان فى تعاملات الفلوس والبقشيش دى مش بعرف اتعامل فيها اوى فياريت تقولولى اتصرفت صح ولا غلط :(

**matrix_it** · 30-01-2015 06:21 PM

مش هو مقضيها مصالح من وراك و انت بتعديها ! عادي يعني يا باشا انك تديله اللي طلبه
طلب 40 فكيت و اديته 40 ، بس لو كان معاه صبي كان يفضل تديله ال10

**besokate** · 30-01-2015 06:21 PM

لا طبعا تديله 50 بتاع ايه بس انت كنت فكتله بالمرة طالما رحت تفك وادتله ال 40 بتوعه

**S O P H O S** · 30-01-2015 06:23 PM

الموضوع بسيط وحضرتك معملتش شئ غلط
هو طلب مبلغ وخده الزيادة او بدون زيادة قرارك انت فقط
مش هو الي يطلب

**ENG.MaRk** · 30-01-2015 07:48 PM

دايماً امشي بمبدأ أنا أدفع بمزاجي محدش يقلبّني هترتاح قوي و المليم اللي يخرج من جيبك سامح فيه و لو مش مسامح فيه بلاش تخرجه أحسن :) !!!

**محمد يوسف** · 30-01-2015 07:59 PM

المشاركة الأصلية كتبت بواسطة ENG.MaRk

دايماً امشي بمبدأ أنا أدفع بمزاجي محدش يقلبّني هترتاح قوي و المليم اللي يخرج من جيبك سامح فيه و لو مش مسامح فيه بلاش تخرجه أحسن :) !!!

صح جدا

**بحار** · 30-01-2015 08:11 PM

سيبك انته من الموضوع ده ... الخمسين التانيه وديتها فين ..؟

**DODGE2013** · 30-01-2015 08:39 PM

مش طلب 40 خلاص

ال 10 لو محيراك اوي اديها لاي عامل نظافه

وبعدين انت لو سبتهاله فا معليهاش ثواب

لانك قلت مش عايز شكلك يبقى بخيل قدامه ... يبقى ده اسمه رئاء الناس

وَالَّذِينَ يُنفِقُونَ أَمْوَالَهُمْ رِئَاءَ النَّاسِ وَلَا يُؤْمِنُونَ بِاللَّهِ وَلَا بِالْيَوْمِ الْآخِرِ ۗ وَمَن يَكُنِ الشَّيْطَانُ لَهُ قَرِينًا فَسَاءَ قَرِينًا