عليكم السلام ورحمة الله وبركاته
الربح من الانترنت بيكون بالتعب و الشغل الحقيقي. فيه ناس فاتحة بيوت و عاملة شركات عن طريق الانترنت. المهم انت تعرف تعمل ايه ؟
موضوع الضغطات والتسجيل عشان تكسب فلوس والكلام دا كله اوهام وسراب متجريش وراه, هتضيع وقتك ولو كسبت هتكسب ملاليم. لكن عشان تكسب فعلا يبقى قدامك طريقين (على الاقل هم دول اللي اعرفهم)
1 - انك تبقى عندك حرفة معينة بتتقنها (تصميم مواقع - تطوير مواقع - تسويق الكتروني - الخ)
لو متعرفش حاجة من دول انت تقدر تتعلمهم في وقت قصير حسب مهارتك. و تقدر بعد كدا تبدأ تشتغل بيهم ومع الوقت هتلاقي عائد كويس جدا حسب اجتهادك . انا اعرف ناس بتكسب شهريا ألف دولار على الأقل في المجال دا.
2 - انك تصمم موقع في مجال معين تكون بتفهم فيه, أو تعمل موقع عام وتبدأ تنزل عليه مقالات ومواضيع مهمة للزوار, أو تنشئ قناة على اليوتيوب تقدم فيها أي محتوى يجذب الزوار والمهتمين. و عائد الاعلانات بيزيد على حسب انتشار الموقع او القناة.
هديك مثال, شوف على اليوتيوب هتلاقي قنوات كل نشاطها نشر برامج التوك شو مقطعه على مقاطع صغيرة, وبينشروها على مواقع التواصل الاجتماعي و لهم شعبية كبيرة جدا. حسب معرفتي, لو حققت مشاهدات في حدود 2 مليون مشاهدة شهريا ممكن تكسب في حدود 500 - 600 دولار. و 2 مليون مشاهدة دا رقم قليل لو انت فكرت كويس وقدرت توصل للي يهم الناس و عرفت ازاي تنشره بشكل صحيح.
كمثال, انا شوفت فيديو عامله واحد من امريكا عن تجربه عملها مع المتسولين في الشارع , الفيديو حقق 25 مليون مشاهدة في 3 او 4 ايام.
الاختيار التاني طبعا أسهل واسرع و تكلفته تقريبا (صفر) كل اللي محتاجه مجهودك انت بس, و شوية بحث بسيط على الانترنت هتلاقي مصادر كتير جدا تعلمك ازاي تعمل كل حاجة بالتفصيل الممل. وبالتوفيق ان شاء الله.
المفضلات