ممكن معلومات عن البرافا1200 16v
بفكر اشتريها لانى ركبتها وعجبتنى بس عايز اعرف مميزاتها وعيوبها
مع الشكر
عرض للطباعة
ممكن معلومات عن البرافا1200 16v
بفكر اشتريها لانى ركبتها وعجبتنى بس عايز اعرف مميزاتها وعيوبها
مع الشكر
انا عندي العربية دي منذ ثلاث سنوات قبل ماتشتريها لازم تتأكد من حالة العربية ونوع الصيانة ومكانها الذي أجري للسيارة ولا يغرك العداد اهم شي الحالة والماتور
ونصيحة انك تكون عارف ميكانيكي تعامل مع البرافا من قبل أو عليك وعلى التوكيل والأسعار فيه نار ( المصنعيات بالذات)
قطع غيارها متوفرة 80% وال 20 هتلاقيها استيراد
بالنسبة للركوب فهي عربية رائعة بكل ماتعنية الكلمة من معاني
واسعة من الداخل واقتصادية في البنزين وماتور رائع
العربية ايطالي بالكامل يعني فنش وصناعة تمام
صاج وبودي زي كل الفيات ممتاز
اخر حاجة ماتور السيارة حساس من الحرارة - يعني العربية المؤشر بيكون ثابت على 90 درجة مع التكييف بدون تكييف هيبقى ثابت
بس لو زاد سنة واحدة على النص لازم تشوف فورا اية السبب لأن اكيد في سبب جوهري واياك تسيبها تسخن علشان متخش في مواويل
دة كدة بختصار
تحياتي
جزاك الله كل خير على الرد الوافي ده .
وممكن أسأل لو عايز أكشف على واحدة يبقي أروح لمين ميكانيكى كويس يعرف يقوللي حالتها بالضبط غير التوكيل ؟
وشكراً
والله الميكانيكي اللي بتعامل معاه كان اصلا شغال في توكيل النيل الهندسية (التوكيل القديم) وسابة وفتح ورشة تحت نزلة الدائري بتاعة كرداسة وشغلة ممتاز
تحياتي