استفسار بخصوص باسات ٢٠٠٨ هاى لاين

**ابراهيم الجندى** · 30-01-2015 10:24 PM

يا جماعة مساء الخير

قدامى باسات ٢٠٠٨ هاى لاين مش محتاجة اى مصاريف بس عاملة ٢٠٠ الف كيلو و كسور هل الكيلوهات كتير و ممكن يبقى ليها تاثير و لا المهم حالة العربية الكويسة جدا ؟
مع الاخذ فى الاعتبار انى لسة هاكشف عليها فى التوكيل

**ENG.MaRk** · 30-01-2015 10:42 PM

يا باشا أنا شفت عربيات معدّية ال900000 كيلو و لسة بحالتها و بتمشي تمام ... الفكرة كلها في المحافظة عليها و عمل الصيانات الدورية في مواعيدها ... حضرتك اكشف عليها في التوكيل و لو مفيهاش مشاكل يبقي مبروك عليك :) و علي فكرة أنا كان معايا باسات 2008 توب لاين و كنت عامل بيها 380000 كيلو (هي كانت بتاعت أخويا الصغير) يعني ماتقلقش من حاجة و إن شاء الله ربنا يوفّقك لما فيه الخير

**Mostafa.Mahran** · 31-01-2015 04:21 AM

العداد كتير جدا على العربية و العربيات دى بتعيش مع الاهتمام و الصيانة بس برضه هتلاقى العمر الافتراضى قرب ينتهى لحاجات كتير و المشكلة لو كلها جت فى نفس الوقت او وقت متقارب ساعتها هتكره العربية و خصوصا ان العربيات الالمانى صيانتها مش بسيطة