دواسة الدبرياج لانوس

**asteraster** · 30-01-2015 11:12 PM

يا جماعه افيدوني بسرعه ربنا يكرمكم حبيت اغير زيت الفرامل من اللانوس المهم بعد ما ظبطت الاربع عجلات رحت عشان اخد هوا من ماستر الدبرياج السفلي هويت المسمار وخليت حد داس علي دواسة الدبرياج الدواسة مرجعتش تاني ومش راضيه ترجع ارجعها بايدي وادوس تاني تفضل تحت وحاولت اخد هوا من الماستر اللي فوق مش راضي يجيب زيت خالص

**hardmind_doc** · 31-01-2015 12:04 AM

طيب ماستر الدبرياج اللى فوق فيه زيت فى العلبة بتاعته ولا ايه ؟
لو مفيش زيت زود زيت وجرب تانى اسحب وشوف
لو ماسحبش شوف الخراطيم كويس
لو كله تمام يبقى جايز يكون الماستر الله يرحمه
ونصيحة لو الماستر بايظ اوعى تعمل طقم اصلاح هات الماستر جديد او استيراد لان طقم الاصلاح اخره معاه شهرين تلاتة ويبظ تانى

**modyegypt** · 31-01-2015 09:44 AM

انت عملت كل حاجة صح
ما عدا
انك لما جيت تاخد هوا من ماستر الدبرياج خليت حد يدوس
شوف الحد دة مين
بتفك المسمار وتضغط براحة ايدك على القربة بالراحة .

**gemy152** · 02-02-2015 09:22 PM

املا القربه زييت و فك مسمار الهوا و شيله، راقب الزيت اللي بيطلع من مكان مسمار الهوا لغايت ميبطل يطلع وهو فيه فقاقيع هوا، بعد كده ركب مسمار الهوا و سيبه مهوي شويه و خلي حد يكارك دواسه الديبرياج بايده لغايت متتقل و و اقفل المسمار و خد الهوا عادي خالص