اقتراح لادارة المنتدى والأعضاء بفتح قسم اقتصادى للبورصة المصرية والفوركس وتوقع اتجاة العملات والدولار والتصويت من هنا خصوصا ان كتير من الأعضاء بيسال عن البورصة والفوركس !!
غلما ان الموضوع سيكون مربح للكل وللمنتدى من اعلانات شركات الوسائط في البورصة المصرية والكل سيستفيد معلوماتيا وماديا وشكرا
مع كامل تقديرى لحضرتك
طبعا غير موافق ..
هههههههه والله ضحكتنى طيب لية غير مواقف ممكن اعرف السبب؟اقتباس:
المشاركة الأصلية كتبت بواسطة بحار
غير موافق
بصرف النظر عن الحلال والحرام البورصات والفوركس ده اسمه نصب على الناس
جميل حتى الان 2 الى واحد غير موافق؟؟ نرى حكم الأعضاء الاخريين
في منتديات للبورصه واخري للسيارات زي ماوفي منتديات للافلام وللكوره وهكذا.. مش شايف استفاده الحقيقه من الاقتراح ده
ماشى .. بغض النظر !!!اقتباس:
المشاركة الأصلية كتبت بواسطة الفجر
موضوع الفوركس ده كنت متحمس له جدا وبعد دراسة وقراءات متعدده .. اكتشفت انه فنكوش وبختك يابو بخيت
ومش ده الاستثمار الصح .. اول شروطه والكل مجمع عليها تقريبا .. ان المبلغ اللى تساهم بيه تبقى مستغنى عنه ومستعد لخسارته .. ومين النهارده مستغنى عن جنيه من فلوسه ..؟؟
طيب والفوركس والموضوع انتهى طيب والبورصة لية رفضها ؟؟اقتباس:
المشاركة الأصلية كتبت بواسطة بحار
غير موافق طبعاً..
المجال ده بالذات ليه علمه و ناسه المتخصصين, بعيداً عن الفهلوة و الاحاسيس, و المعلومة الغلط فيه ممكن تودي في داهية..
اولا مش موافق علي وجوده في المنتدي للمشاكل اللي حتيجي من وراه
الحاجات دي محتاجه منتديات متخصصه تشرح لناس فاهمين
مش حد يشرح لناس ويعملهم البحر طحينه وفي الاخر ياخد فلوسهم يشغلهالهم
وطبعا ساعه المكسب محدش من المساهمين حيفتح بوقه
وساعه الخساره حتنهال اللعنات عليه وعلي المكان اللي معمول فيه القسم واتهامات بالنصب وحوارات ملهاش اول من اخر
أنا أرفض أيضا
وسبب رفضي أن المنتدى غير متخصص لأنه منتدى سيارات والمنتدى الاجتماعي يحتوي على أي مشاركات أخرى لا علاقة لها بالسيارات وأي حد بيحتاج معلومة في أي حاجة بيعمل توبيك وممكن التوبيك يغطي كل حاجة متعلقة بالحاجة دي زي موضوع سعر الدولار مثلا شوف كام مشاركة وكام مشاهدة لحد دلوقتي ويوميا بيتجدد ومقضي الغرض ومش محتاجين نعمل قسم مخصوص لسعر الدولار علشان كل يوم ننزل توبيك مستقل عن السعر اليوم
لكن لو عملنا قسم مخصوص للفوركس والبورصة يبقى هييجي حد تاني يقولك عايز قسم مخصوص لهواية جمع الطوابع مثلا واحد تاني يقولك عايز قسم مخصوص للحيوانات الأليفة واحد برده ييجي عايز قسم مخصوص لعروض الهايبرماركتس وأنا هاجي أقولك عايز قسم مخصوص للويب ديزاين والإي ماركيتينج اشمعنى أنا :d وتبقى هيصة بقى والمنتدى يخرج عن تخصصه الأساسي ويبقى بتاع كله ودي أول عوامل الفشل
مع العلم إني رافض بعض الأقسام المتفرعة من المنتدى الاجتماعي زي هواة التصوير الفوتوغرافي وعيادة نايل موتورز وفيس بوك المنتدى والأقسام دي اللي تقريبا محدش بيدخل عليها وبعضها آخر مشاركة فيه عدت الشهر ونص وأرى أنها تدمج مع الاجتماعي واللي عايز يسأل في حاجة طبية أساسا بيسأل على الاجتماعي مش بيدخل قسم العيادة ده علشان يضمن أكتر عدد مشاهدات فأرجو إلغاء الأقسام دي لعدم التشتت أو جعلها أرشيفية فقط بمعنى لا يمكن إضافة مواضيع جديدة فيها ولكن المواضيع القديمة في الاجتماعي تنقل إليها مع وجود إمكانية التعليق فقط على التوبيكات ولكن بدون إضافة توبيك جديد لو وجدت إمكانية لكده
موافق بشرط الاعتماد على وقائع و تحليلات علمية بعيدا عن الأحلام و الرؤى
بلاش وجع دماغ ديه بتعمل خلافات ومشاكل اوسخ واقذر من الكلام فى السياسة
غير موافق بشخصي وليس صفتي
برجاء الاطلاع استاذ كريماقتباس:
المشاركة الأصلية كتبت بواسطة Karim_Monir
http://www.nilemotors.net/Nile/457288-2011.html