لو عرضت عربيتي الألنترا للبيع بعد الحادثة هتجيب كام والأفضل أصلح ولا أبيع

**AshTurbo** · 31-01-2015 02:21 PM

السلام عليكم يا رجالة ... أنا في حيرة جامدة جداً ....

انا مش عارف أصلح عربيتي بعد ماعملت الحادثة ولا أبيعها على كدة وأستعوض ربنا وبقالي 8 أيام بسمع في كلام الناس لما دماغي ولعت

اللي يقولي أطلع بورسعيد واللي يقولي صلح واللي يقول حرفيين واللي يقولي بيع وانا مش عارف ياجماعة أعمل أيه ياريت لو حد يقدر يقولي أعمل أيه خاصة أن العربية لسة هبقى بدفع في أقساطها لمدة سنتين جايين وهي حالتها ممتازة بمشي بيها خفيف أوي وكنت مدلعها أحلى دلع بس نصيب وقضاء الله لا أعتراض عليه والحمد لله على نعمته أني طلعت أنا واللي معايا سليم ....

هي اخدت خبطة في الأمام بجنبها الشمال الجير بوكس عاوز يتغير والآيرباج أتفتحت ومحتاجه مقص ومساعد والجنوط قدام أتعوجت ومحتاجة أكصدام و كبوت ومحتاجة طبعاً نظام التبريد لكن الموتور والكمبريسور سلام الحمد لله متلمسوش

**Molham** · 31-01-2015 02:33 PM

طيب مش تفهمنا الاول وعلى حسب برده الحادثة عشان محدش فاهم حاجة

**Eng.Mina** · 31-01-2015 02:42 PM

أنا رأيي صلحها بس عند حد معروف وشغله متجرب ونضيف المشكلة ان حضرتك في الإسكندرية فممكن تلاقي ان عدد الاعضاء اللي ممكن يفيدوك في مراكز ممكن تصلحها قليل لو في القاهرة متهيألي مركز نايل موتورز حايكون انسب حل بعد ما شوفنا شغلهم الممتاز في كذا عربية ده المركز اللي انا اعرفه انا صحيح ماتعاملتش معاهم بشكل مباشر بس من كلام وصور الاعضاء هم ناس محترفين فعلا فحضرتك شوف لو في امكانية لنقلها للقاهرة ( انا عارف انها حاتبقي مكلفة ) بس متهيألي المجال أوسع عن إسكندرية وممكن حضرتك تبعت صورها لأستاذ كريم منير وهو حايقولك رأيه لو عندك النية .
طبعا الكلام ده كله يتوقف علي الناحية النفسية هل حضرتك حتكون قابلها بعد التصليح ولا قفلت منها ولو صلحتها مش حاتبقي مرتاح معاها لو كده يبقي اكيد بيعها لان مصاريف الاصلاح مش حاتكون قليلة

**AshTurbo** · 31-01-2015 02:43 PM

المشاركة الأصلية كتبت بواسطة molham

طيب مش تفهمنا الاول وعلى حسب برده الحادثة عشان محدش فاهم حاجة

تمام عدلت وكتبت فكرة عن الحادثة للي حابب يفهم أكتر وشكراً لحضرتك .

**DXT** · 31-01-2015 02:53 PM

صلحها افضل من بيعها

**atef_5005** · 31-01-2015 02:55 PM

المشاركة الأصلية كتبت بواسطة ashturbo

تمام عدلت وكتبت فكرة عن الحادثة للي حابب يفهم أكتر وشكراً لحضرتك .

افضل حاجه انك تصلحها و تبيعها بعد كده
لان من غير تصليح مش هتجيبلك فلوس
و اعمل برضو مقارنه شوف تمن التصليح كام و لما تبيع تجيب كام
و لما تبيعها كده تجيب كام