مساعدة عاجلة بروتون برسونا

**mfarouk85** · 31-01-2015 06:45 PM

السلام عليكم
أنا لسة مستلم برسونا مكلمتش 5 أيام وكانت ماشية زي الفل من غير مشاكل النهاردة حصل الأتي
على الساعة 2 الظهر, نزلت قربت العريبة عشان كنت ركنها بعيد , ومكنش فيه مشاكل
بعد ساعتين, نزلت عشان أروح بيها مشوار بس الموتور مش بيقوم ولمبة البطارية منورة
رحت جبت كهربائي وادلها وصلة, بس برده مفيش , المارش ملوش صوت أصلا يعني حتى مش بتحاول تقوم لأ مفيش أي صوت
الكاشفات شغالة عالي وواطي والكاسيت و كله تمام بس مابتدورش
كلمت التوكيل و بكرة هنشيلها على التوكيل

كنت عاوز نصايحكم ممكن يكون إيه السبب في اللي حصل ده, أنا شاكك إن لسبب ما الامبوليزر اشتغل , بس مش متأكد طبعا

**Dr\Mohamed** · 31-01-2015 06:58 PM

المشاركة الأصلية كتبت بواسطة mfarouk85

السلام عليكم
أنا شاكك إن لسبب ما الامبوليزر اشتغل , بس مش متأكد طبعا

وعليكم السلام ورحمة الله وبركاته

جرب حضرتك المفتاح التاني لو الامبوليزر فيه مشكلة ممكن تتحل كده وشوف اللمبة الحمراء بتاعة الانذار منورة ولا لأ

كمان العربية مش بتدور إلا على p & n لو قفل الدواسة شغال معاك لما بتحط المفتاح في الكونتاك حاول تحرك الفتيس على n وجرب تدور

ربنا معاك

**mfarouk85** · 31-01-2015 07:32 PM

الحمدلله المفتاح التاني اشتغل تمام, بس أنا كده مش فاهم إيه المشكلة
يعني أنا كنت شغال بال spare وبعدين وقف مرة واحدة كده ؟؟
للتوضيح أنا استلمت مفتاحين واحد فيهم معاه حديدة مكتوب عليها كود , التاني مفيش معاه حاجة, والمفتاحين شبه بعض بالظبط
أنا كنت شغال بالمفتاح اللي مش معاه كود, ده كده spare ؟ طيب إيه اللي يوقفه ؟ وحتى بعد ماالعربية دارت بالمفتاح الأساسي, المفتاح التاني مش شغال برده

ممكن حد يشرحلي بعد اذنكم