بيع سيارة فى الشهر العقاري بدون إمضاء المشتري

السلام عليكم و رحمة الله ,,

أنا قريت الموضوع المثبت فى المنتدى هنا و كان عندي استفسار بخصوص طريقة البيع عن طريق الشهر العقاري بس بدون إمضاء المشتري.

اللي فهمته ( و أرجو ان حد يصححلي لو كنت غلطان) ان البائع بيروح الشهر العقاري و يعمل عقد بيع للمشتري بس بدون ما المشتري ما يمضي .. و ده هيخلي المشتري يعرف يمشي بالرخصة القديمة من غير ما يضطر يجدد الرخصة فى خلال شهر.. هل انا كده فاهم صح؟

و هل البيع بالطريقة دي بيعفي و يخلي مسؤوولية البائع من أي مشاكل (لا قدر الله) المشتري ممكن يعملها بالعربية فى الفترة قبل ما ينقل الترخيص باسمه؟ و لا هيبقى فيه مسؤوولية على البائع؟


و جزاكم الله كل خير

عقد البيع بدون توقيع المشتري لكي يستفيد المشتري من المده المتبقيه في الترخيص و عندما ينقل الملكيه في وحده المرور يوقع أمام الموظف و ينقل السياره باسمه ...

بس ده كده ميثبتش ان المشتري فعلا استلم العربية ؟... يعني لو المشتري (لا قدر الله) عمل بيها اي مشكلة او مصيبة .. ممكن يبقى فيه مسؤوولية على البائع ؟

البائع و المشتري لازم يكونوا مع بعض أمام موظف الشهر العقاري و الموظف بيثبت تاريخ البيع و كافه البيانات الشخصيه لكل من البائع و المشتري و أظن الاجراء ده أفضل من التوكيل بكتير لأن كده البائع انتهت علاقته بالسياره بمجرد كتابه العقد و سداد المشتري لرسوم تسجيل العقد............

يعنى لو المشترى مضى العقد كده لازم يجدد الرخصة و مينفعش يمشى بالرخصة القديمة و عقد البيع ؟

لازم لما بتبيع بعقد مسجل يكون البايع والشاري موجودين وبيمضوا في الدفتر بعد ما الموظف بيسئل البايع قبضت فلوسك يا عم الحاج ؟ يقوله اه... يقولهم طيب امضوا هنا
مينفعش تبيع لحد بعقد مسجل وهو مش موجود
انما ينفع عادي تعمله توكيل وهو بيمشي بيه وبيتعامل بيه مع المرور علشان ينقل ويجدد
ونصيحه لما تعمل توكيل تشطب منه وتجديد الترخيص علشان ما يجددش الرخصه باسمك