الموضوع: عندى فكره بس مش عارف ازى انفذها ؟

هات كاميرا كويسة ...وشوف حد صحبك يكون بيفهم شوية في الاخراج ..بحيث تقدر تضيف لشرحك الفيديو ..حاجات خارجية ..زي برنامج باسم يوسف اللي كان علي اليوتيوب كدا وجيو تيوب حاليا

وعلي فكرة انتا ممكن تعمل ريفيوهات عادي من معارض السيارات الكبيرة ..اسمها test drive

انا عملت تسجيل علشان ارد عليك مخصوص...
فكرة ممتازة-لاني ف المجال دا-:-بس فيه خطوات:
1-ممكن تبدا خطوة -ع قد القماشة يعني-بس التصوير جودة عالية والصوت والشرح طبعا.
2-قناتك حتتشهر واحدة واحدة -اذا حبيت تشهرها بسرعة بتبقي فيه اعلانات بس مكلفة شوية فكك منها واصبر واحدة واحدة وحتتشهر وحيبقي فيه مشتركين وتفاعل وممكن تعمل صفحة فيس بوك وكدا.
3-اليوتيوب بتشجع القنوات الجديدة-زيك يعني الحاجات الحصرية الشخصية - فالارباح بتبقي احسن من قنوات النقل-طبعا عارفها سقوط فستان اليسا وسب مش عارف مين-لان قناتك جودتها وصداقيتها اعلي منهم.
4-الجودة في العمل والصبر.
5-الجودة في العمل والصبر..
6-الجودة في العمل والصبر...
-موضوع طويل شوية-معلش بس هيا حاجات مهمة-وممكن مااقدرش ارد عليك لاني ضعيف الدخول للمنتدي-
Muhamed

نصيحتي
انا بتفرج على شروحات كتتير في مجالات مختلفه على اليوتيوب
ابعد تماما عن حكاية الشرح بالكتابه بدون صوت لانها اسوأ حاجه بتبقى عاليوتيوب
وحضرتك ناوي تشرح معلومات تفصيليه يعني اكيد مش هينفعها الكتابه
نصيحتي انك تشتري كاميرا ومايك كويس لان الصوت ووضوحه بيبقى مهم وحاول في الشرح كل الفيديو كلام وتعمل مونتاج للمقاطع بحيث انه يبقى كل الكلام والمعلومات متصله ببعض واهم حاجه في الموضوع وانت بتشرح عن حاجه حط صورتها او فيديو ليها انت مصوره قبل كدا واشرح عليه بصوتك المعلومه هتوصل اسرع بكتير وبالتوفيق ان شاء الله

لا انت كدا كدا هتحتاج الكام لان الفيديو انت هتكون مصوره ومركز على النقطه الي هتتكلم عليها مثلا هتتكلم على تصميم العربيه فا انت هتصور التصميم وطبعا لازم تثوير بطريقه حلوه ومثلا لو عندك اعتراض على نقطه في التصميم تقرب عليها وتركز كلامك عليها وتشرح ليه هيا مش كويسه
مثلا تصور العربيه لواحدها كامله من بره بس انت شايف ان النور الخلفي بتاعها تصميمه مش كويس
تتنقل من الفيديو بتاع العربيه لمشهد ليكي وانت واقف جمبها وبتشاور على التصميم بتاع النور وتتكلم على النقط السلبيه كل ده والمايكرفون معاك سواء عادي او الي هوا بيتعلق على الهدوم ده

زي ما العين بتاكل الاول
برضه العين بتشوف الفيديو وبتقرر هتكمله ولا ﻷ لازم تعمل مجهود عشان الي هيتفرج يقدر تعبك ممكن متشتريش كام لو خايف تشتري ومتنجحش ممكن تأجرها تخلص تصويرك وتحط الفيديوهات على جهازك وتتعلم انت المونتاج وهتلاقيه سهل ان شاء الله

ومتكسلش لان دا اوحش حاجه ان يبقى قدامك هدف وتستغنى عنه انت لو عملت فكرتك كويس وبطريقه كويسه زي ما بتقول هتلاقي الناس بتتفرج عليك حتى لو مش مهتمين بالعربيات بس طول ماهما بيحسوا انه بيفهموا من شرحك وان انت بتديهم معلومات تفيدهم ( اهم حاجه تفيدهم دي)
وممكن تعمل حلقات عن الاوبشنز الي في العربيات بحيث ان الي يجي يشتري يحدد الحجات الي هتفيده ويقرر يشتري انهي عربيه ودي حجات هتجيبلك متابعين كتير
ومتقلقش لو نجحت على اليوتيوب هتلاقي ربح كويس منه واحتمال يكفيك عن شغلك