الموضوع: مشكلة مع امين شرطه

المشاركة الأصلية كتبت بواسطة احمد المصرى

طبعا موقف رخم جدااااااااااااا بس انت مش عاجز انك ترد بس انت اتحملت علشان الموضوع مش يبوظ انت اقعد مع خطيبتك وفهمها الموقف وفهمها انك ممكن ترد بس سكت علشان الموضوع وان شاء الله خير


بعيد عن النقطه دى الامين دا بيشتغلك ولما انت سكت هو عاش فى الدور بس حاليا وفى الاوضاع ال البلد فيها ممكن يتبلى عليك باى حاجه وخلاص والحمد لله ان الموقف خلص لحد كدا كل مهمتك حاليا توضح الصوره قدام خطيبتك

انا خوفت من نقطه انه يلبسني اي تهمه دي لا الوضع كان خطر الايام الي فاتت بسبب 25 يناير وانا والله الظابط الي قبله اتكلم معايا واحترمته جدا جدا بس هوا فعلا في الكويس وفي الوحش

شكرا لرد حضرتك

انت خنت الأمانة من الأول
و أمين الشرطة .. دا أمين شرطة يعني منتظر ايه ؟ ربنا يخلصنا منهم قريب دول اسوأ فئات المجتمع وانت موقفك كان ضعيف وواضح ان تعبيرات وشك كان باين عليها انك قلقان فهو استغل دا.
وزي ما قالك الاستاذ graffittiii خد الموضوع بهزار لما تفتكروه عشان يعدي الموقف وخلاص
واسعى ان يبقى فيه بينكم ارتباط رسمي قريب

بصراحه بصرف النظر عن الاسلوب و بصرف النظر عن اي حاجه تانيه انا كنت خايف تقول انه اتحرش بيها ..
بس بصراحه طلع انسان و مشاها و اداها در س في الاخلاق - عل افتراض انه فاهم انها بتعمل حاجه غلط - و بكده اثبت انه انسان قبل مايكون راجل شرطه ... وستر عليها و مشاها..
ودور عليك انت و اداك اللي فيه النصيب ..
الراجل ماغلطش - انتت حطيت نفسك في موضع شبهه - و هما سترو عليك بصراحه
اللي في النص شويه تحابيش

هو حضرتك مستنى الرد يكون عامل ازى طب انا هقولك على حاجه احسن خلى الموقف ده حصل لاختك زى ما حصلك بالضبط بس المره دى الشخص اللى مع اختك اللى المفروض هااااااااااااايبقى خطبها عمل مشاكل مع امين الشرطه وخدهم على القسم موقف اختك وموقفك سعاتها هيبقى ايه وطبعا اهلك قدام الناس يا راجل

كل الناس خايفة تقول اننا فى بلد لا احترام فيها لقانون ولا ابسط قواعد حقوق الانسان يقولك موقف شبهة ومش عارف ايه ... مش من حق اى حد انه يعترضك ولا يدى دروس و عظات لحد يروح ينصح نفسه الأول و يبطلوا رشاوى وسرقة ... مش من حق حد يفتش عربيتك بدون اذن نيابة .. مش من حق حد يدخل شقتك بدون اذن نيابة مش من حق حد بعد ما اتحقق من شخصيتك و انك سليم جنائيا انه يعترضك ولا يديك محاضرات و لا عظات لا انت ولا خطيبتك

مجتمع عقيم بيبرر خوفه و القهر بأن هو اللى غلطان واحنا اللى مفروض نصلح من نفسنا
بالمناسبة انا لو مكانك كنت عملت نفس اللى انت عملته لأنى للأسف مليش ضهر