أبتداء من يوليو زيادة جديدة فى أسعار البنزين
MBC.net - ابتداءً من يوليو..زيادة جديدة في أسعار الوقود
عرض للطباعة
أبتداء من يوليو زيادة جديدة فى أسعار البنزين
MBC.net - ابتداءً من يوليو..زيادة جديدة في أسعار الوقود
ودا كلام يعقل ,منين يزودو واسعار النفط في النازل
أتمني لما يزيد يقل سعر العربيات شوية علشان ماتبقاش سودة من كل ناحية !!!
خطوه ايجابيه جدا من الحكومه
و بعدين خلي الزحمه تخف شوية ولا انتم عايزين كل من هب و دب يشتري عربيه و يركبها كمان
انتم مش عارفين ان انتم نور عنينا ولا ايه
في شرع مين إنه يزود البنزين وليه
Nnnnn
اللي هيحصل كالاتي
هيزيد فجاه بدون سابق انذار
الناس هتتافف وتعترض بس في سرها طبعا
والاعلام هيطلع يشكر القائد المبجل علي الخطوة العبقريه
والناس هتتكحرت اكتر واكتر وبعد شويه هيتعودوا عالوضع الجديد زي ما حصل بالظبط في الزيادة الاولى
وهتعدي زي ما كل مرة بتعدي
االحاجه للي فيها دعم بنزين 80 والسولار ,والسولار حدث ولاحرج
قذر جدا وبيكلفك فلاتر وانسدادات وعمرات طرمبة ورشاشات كتير جدا
كتبر كده ............... وهى مش هتقف عند زياده البنزين ..لأ .... وزياده في كل حاجه ..
دعم البنزين بيكلف الدولة خمس الميزانية 100 مليار جنية يعني مئة الف مليون جنيه تحيل لو الفلوس دي اتصرفت على التعليم ولا الصحة شكل البلد هيتغير ازاي
متفكرش ازاي حياتك تبقى سهلة فكر في مستقبل ولادك مش مستقبلك انت
وتخيل انت ميزانه وزاره التربيه والتعليم بيتعمل بيها ايه ؟!
وتخيل انت برضو كم الدعم اللى بيجوا من الدول والامم المتحده والمفروض انه للتعليم والصحه وغيره .. وفلوسه الله اعلم بتروح فين ؟!
تخيل انت ان السجاير لما غليت والبنزين لما غلي فرق الفلوس دي راح فين واتعمل بيه ايه ؟!
الشيء اللطيف ان هناك من يعتقد ان الغاء الدعم هدفه توجيه الأموال لقضايا أهم (على افتراض ان الوقود شيء ترفيهي تافه لا يقتضي الدعم في بلد فقيرة زي مصر )
بس الحقيقة ان الحكومة بتلغي دعم الوقود علشان تسد بيه عجز الموازنة .. يعني علشان تداري على خيبتها .. يعني بدل ما تبتكر حلول لتدفق الأموال .. بتاخد طاقية ده تلبسها لده .. زي ما كان الفاسدون بتوع توظيف الأموال بيعملوا في الثمانينات
معنى كده .. ان الفشلة لما يتزنقوا في فلوس تاني .. هيدورو على حاجة تانية يشيلو من عليها الدعم .. ساعتها ممكن يبقى التعليم مثلا زيه زي الوقود .. رفاهية
ااااه يا بلد كل حاجه فيه بتغلي الا البني آدم هو اللي بيرخص
صدق اللي قال هركبكوا عجل
في كلب هربان بره وعليه قضايا وهما عارفين اسمه حسين سالم الراجل دا معاه فلوس كتير كتيييييير اوي سرقها من الشعب الغلبان
وفي كلاب كتير غيرة وكلاب مسعورة قاعده معانا بتمص دمنا بالبطئ واحنا بنتفرج عليهم
وفي فئران معدومة تكاد تموت من اقل شئ بتساعد الكلاب المسعورة انها تتسعر اكتر واكتر واكتر
انما الناس النضيفة بجد والشريفة لا عارفين ينجوا من عضة الكلاب ولا من قرف الفئران
حسبي الله ونعم الوكيل
سعر 51 , 52 في روسيا وماليزيا علي الترتيب ,السودان اللي زينا 33 سنت حسب 26-1-15 . انا ملقتش سعر عالمي للتر البنزين .واعرف ان مصر بتستورد الزيت خام وتكرره عشان توصل لاقل تكلفة.وزمان كانوا يقولوا ديما المدعم السولار وبنزين 80 .في دول كتير سعر الوقود نزل بس مش كتير حدود 20-30 سنت وطبعا الشركات حاليا بتربح جدا بس مستوي المعيشه مساعد والوقود نضيف فمحدش بيشتكي .لكن محدش خدها بالعكس ويزود السعر ...وعجبي.
http://www.globalpetrolprices.com/gasoline_prices/
لو زاد تاني
نص العربيات الي فشارع هتختفي
لماذا الاصرار على نشر الشائعات؟!
http://www.nilemotors.net/Nile/457053-a.html
دا موضوع لاخونا محمد يوسف و اتناقشنا و اثبتنا عدم زيادة الاسعار
و دا شرح للخبر مع تعديل فى اخر جملة
الدعم سبب عجز للدولة
الدعم قدمه عبد الناصر للمصريين لزيادة شعبيته
(و عاملا بعكس الحكمة القائلة : لاتعطيني سمكة و لكن علمني كيف اصطاد )
مصادر الدعم كانت بتأميم ممتلكات بعض المصريين الاغنياء
(فى تقرير فرنسي مليون مواطن مصري هاجروا بعد الاصلاح الزراعي 1954)
عبد الناصر ادخل فكر فهم على اساس جعل الجميع اغنياء
بس المال الحرام ما بيدومش
بعد سنوات طويلة من اعتماد الدولة على ناتج التأميمات و تقديم دعم للجميع
اصبح الدعم مصدر من مصادر العجز
و بالمنطق لا يمكن علاج العجز ما لم يتم الغاء الدعم
الخلاصة
الله و اعلم عبد الناصر كانت نيته ايه؟
بس اللى انا شايفوا على ارض الواقع ان تصرفاته حولت الشعب المصري الى انسان سلبي جدا منتظر يد العون و منتظر من يقدم له كل شئ فى حياته و بتصرفاته تفتت الارض الزراعية و جرفت و بنيت و دمر التعليم لاسباب كثيرة جدا و دمر الصناعة لانه اقام مصانع رائعة و لكنها فقدت القدرة على الاستمرار لعدم الاستثمار فى الجهود البشرية الصحيحة و انتشرت المحسوبية و الرشوة و الجهل(غير الامية) و العشوائيات و كافة اشكال التجاوزات و اصبحت القوانين حبر على ورق .
الاف من المصريين اصبحوا مليونيرات عن طريق استغلال كل تصرف غير مدروس اتخذه عبد الناصر منها دعم الوقود الذي اصبح مصدر دخل لالاف المليونيرات و بل كافة اشكال الدعم تستغل ببشاعة .
دا رأى الشخصي
لك الله يا مصر .
يا جماعه هوا قايل كده من الاول انه ممعهووش ومفيش
وقال انه حيشيل كل الدعم خلال 4 سنوات
امال عجز الميزانيه يسده ازاى
انا عن نفسى موافق اننا نشد الحزام ..... بس نشد الحزام كلنا ..... مش رفع معاشات القوات المسلحه بأثر رجعى من 2007 ومن ناحيه تانيه نرفع الدعم ونضيق على الخلق
منهج اننا نشد الحزام والتقلييل من الرفاهيه حتى تحسن الوضع انا موااافق عليه تمااامااا بس يبقى على الكل ميبقاش فى ابن البطه البيضه والبطه السودا
وعلى فكره الكلام ده برضه بالونه اختبار على لما يحصل بجد يبقى مخدتهاش وش فى وشك كده ... لا لامؤاخذه خدت الخابور واحده واحده علشان متحسش
اللهم اخربيتنا احنا ياشيخ
رفع الدعم يؤدي الي رفع اسعار السلع و الخدمات مما يؤدي الي التقليل الاجباري في الصرف و المشتروات مما يؤدي الي اضمحلال اقتصادي و ركود في السوق مما يؤدي إلى اغلاق خطوط الانتاج لقلة السحب على البضائع و زيادة حجم البطاله مما يؤدي إلى التقليل في الإنفاق ..... الخ الخ
السعر هيزيد ايوا هيزيد...
واللي بيقول بلاش شائعات يفتكر قبل الزيادة الاخيرة قالو مفيش زيادة الا بعد رمضان وتاني يوم او تالت يوم رمضان كان السعر زايد....
اما بخصوص الناس عادي ولا حاجة هيدافعوا ويبررو بحاجات هما مش مقتنعين بيها اساسا....وفيه ناس هتغني تسلم الايادي لكن هينهشوا في بعض ويخلصوا من بعض كلا في مهنتة هيحاول يعوض على حساب التاني......تنمية زيرو....سياحة زيرو....بطالة في ازدياد....رفع اسعار....الناتج ربنا يسترها علينا في اللي جاي..
عذرا استاذ mif ....
نقطة واحدة لفتت نظرى فى كلام حضرتك و حبيت اتناقش فيها .....
مين الى بيدفع ميزانية الجيش ؟؟؟!!!!! يعنى مين الى بيدى الجيش الفلوس الى حيديها مرتبات للعاملين فيه ؟؟!!!!!!!! الحكومة
طيب و مشاريع الجيش ؟؟!!! محدش يعرف عنها حاجة ... يعنى بتدخل كام و تصرف كام ؟؟!!! محدش يعرف عنها حاجة .. و اقصد بمحدش ..... جهة رقابية
نقطة تأمل ....
ايه الى حصل كويس من ساعة ما رفعوا سعر البنزين المرة السابقة ؟؟!!!!
قرار ما .... اى قرار فى اى وزارة ... سهلت على الناس و حسستهم بأمل فى الغد !!!! بأمل فى التغيير
يا فندم التاريخ بيتكرر تقريبا .... و لم ارى فى التاريخ اى تحسن نتيجة زيادة الاسعار بدون وضح خطة و تتم متابعتها و مراقبتها بوضوح و شفافية مطلقة
الاشاعة دى ... حصلت قبل كدة فى الزيادة الى فاتت ... و السعر غلى مرة واحدة ... و كل الاسعار زادت
الاشاعة دى وحدها كفيلة بان الدولار يزيد
لنا الله
عادى يجماعة مش الراجل قال متعرفوش انكم نور عنينا ولا ايه اكيد لازم ندفع علشان نور عنية تفضل منورة **قطيعة ***قبر يلم العفش **
هي الدوله فعلا بتدعم البنزين بس البنزين اللي بيروح لسيارات الهيئات الحكوميه بكافه اشكالها وكمان لكل اليات الجيش من سيارات ودبابات ومدرعات وطيارات دا غير مصانع الجيش والحكومه كل دا داخل في فلوس دعم الوقود. يعني لو الدوله صرحت انها بتدعم الوقود ب 100 مليون مثلا فا في الغالب اللي بيوصلك منه دلوقتي ولا حاجه..مفهومه دي؟!!
وبكرة تشوفوا مصر