مساعدة في شراء بايك ريس

**M.Aladawy** · 01-02-2015 09:31 AM

(السلام عليكم ورحمة الله وبركاته)

إن شاء الله يومين كده ورايح اشتري بايك ريس واحترت بين نوعين اول نوع cbr 400rr وثاني نوع kawasaki ninga 250r والسبب اللي مخليني محتار ومخنوق

ان cbr400r هي الي انا عايزها بس في ناس كتير اشتكت منها ان مفيش منها جديد وكله استعمال وبيبقي طالع عينها وكل ما اسال واحد يقولي اشتري حاجة زيرو ومتركبتش قبل كده زي الkawasaki ninga 250r فبعد اذن حضراتكم كنت عاوز اعرف هو الريس مفيش منه جديد خالص في مصر ولو في الاسعار بتبقي كام وايه احسن نوع موجود في مصر وبخصوص kawasaki ninga 250r عامل كام وهل كويس ولا لا ويا ريت يا جماعة لوحد يدلني علي معرض يكون موثوق منه

ارجو الرد وشكرا

**M.Aladawy** · 01-02-2015 01:16 PM

يا ريت حد يرد

**brown-eyes** · 01-02-2015 02:49 PM

طب ليه مافكرتش تجيب اسكوتر سواقته اسهل وشكله حلو بردو

**M.Aladawy** · 01-02-2015 11:54 PM

شكرا يا باشا علي الرد الصراحة انا نفسي اجيب حاجة ياباني زي بتاعت السباقات الدولية لكن الاسكوتر ده بحس ان شكله مش حلو

**M.Aladawy** · 02-02-2015 01:08 AM

يا ريت يا جماعة حد يقدر يفيدني

**M.Aladawy** · 02-02-2015 01:28 AM

لو سمحتوا محدش يبخل عليا بالنصيحة لاني عارف ان المنتدي مليان خبراء في الريس وانا واثق فيهم ولو مش واثق مكنتش سالت فارجوا الافادة

**M.Aladawy** · 02-02-2015 02:29 AM

معقولة محدش عنده خبره في الموضوع ده

**pepo2011** · 02-02-2015 11:38 AM

ياباشا في ريس جديد بس غااااااالي من 70000 وانت طالع فحرام انت ممكن تلاقي حاجة نضيفة اوي واستيراد مش مشكلة مستعمل يعني وبعدين انت ميزانيتك كام؟؟؟
اصل النوعين اللي انت كاتبهم دول تعبانين اوي -- طالما هاتركب ريس يبقي الشياكة والاداء عامل مهم انا معايا Honda 600 Fire 1998 اقل من كده ماتركبش

**M.Aladawy** · 02-02-2015 02:14 PM

شكرا يا باشا علي ردك طاب ممكن تقولي علي معرض كويس اجيب منة حاجة افراج علشان البلد دلوقت اتملت نصابين وبخصوص 600 ده مناسب ليه انا طولي تقريبا 175سم وسني 18سنة ولا افضل ابتدي ب 400 كمبتدأ والميزانية هتكون انشاء الله 30 الف جنيه

**pepo2011** · 02-02-2015 03:34 PM

اه طبعا مناسب -- والميزانية كويسة هو بيعمل من 26000 الي 32000
الفرق ان 600 اضخم وشياكة والفير بتاعة كبير وشيك جدا والمكنة عفية اوي هاشوفلك معارض وابعتلك