السلام عليكم ورحمة الله وبركاته،
شباب ازيكم،
انا معايا حوالى 45 الف جنية وانا بفضل العربيات الاروبى عامة على الكورى والصينى والماليزى. انا كان معايا رينو كليو وهى عربية ممتازة جدا جدا بس مشكلتها انها ضيقة شوية.
تنصحونى بايه،
جزاكم الله خير،
عرض للطباعة
السلام عليكم ورحمة الله وبركاته،
شباب ازيكم،
انا معايا حوالى 45 الف جنية وانا بفضل العربيات الاروبى عامة على الكورى والصينى والماليزى. انا كان معايا رينو كليو وهى عربية ممتازة جدا جدا بس مشكلتها انها ضيقة شوية.
تنصحونى بايه،
جزاكم الله خير،
انا بنصحك تشترى عربية دايو لانوس هتبقى من موديل 1999 لغاية 2004 وقطع غيارها متوفرة ورخيصة
بس بدل حضرتك عايز اوربى يبقى فى سيات ابيزا من موديل 1998 لغاية 2001
يا اما جولف 3
او سكودا فابيا
او هوندا سيفيك
او اوبل استرا
او رينو ميجان 1
رينو ميجان 1
استرا 2001
فيكترا b
لانسر كريستاله
هوندا سيفك 92~95
السلام عليكم ورحمة الله وبركاته
جزاكم الله خيرا والله انتو فتحتو عينى على عريبات ماكانتش فى بالى اصلا. طيب بصوا حضراتكم انا حاليا بفكر فى تقريبا 3 عريبات من اللى حضراتكم قولتولهم بناء على ان الفول اللى معايا ممكن تجيب حاجة حديثة شوية وده الترتيب اللى وصلتلو
1. سكودا فابيا ممكن موديلات 2004 او 2005
2. اوبل استرا ممكن موديلات 2001 او 2002 او 2003
3. رينو ميجان موديلات 2005 او 2006
اما بالنسبة للهوندا السيفك والانسر كريستالة والجولف 3 لاقيت ان الفلوس اللى معايا هتجيب موديلات التسعينات
هل انا كده بفكر صح؟ ولا ممكن عربية هوندا سيفك موديل التسعينات تكون افضل مثلا
كمان بالنسبة للعربيات اللى انا حاليا بفكر فيها مثلا رينو ميجان عربية جميلة جدا بس لو هجيب موديل 2005 او 2006 بميلغ حوالى 45000 هتكون اكيد حالتها وحشة، هل ده صحيح ولا؟
اكيد عربية فيهم عجبانى من حيث الشكل والحداثة هى سكودا فابيا، هل من وجهة نظركم هى الافضل فى العريبات دى ولا ايه؟
جزاكم الله خيرا
الفلوس دى هتجيبلك لانوس كويسة او اوروبى هيتعبك في صيانته
بس لو قافله معاك اوروبى وعاوز حاجه واسعه يباه فيكترا بى
هى طبعا الاوبل افضلهم دة واحد عضو هنا كان معانا باع الاوبل وجاب كيا سيراتو 2015 ندم انوا باع الاسترا
تصدق بقى ان الاوبل احسن من السيراتو وربنا الموفق
ربنا يجزيكم خير ان شاء الله
يعنى انتو شايفين ان الاسترا او الفكتيرا هى الافضل
طيب وانا بدور على النت لاقيت فيه عريبة رينو سينيك 2000 ودى سعرها كويس واتوماتيك بتعمل 47 مثلا، هى العربية دى اخبارها ايه يا ريت لو حد عنده خبرة يفيدمى.
وجزاكم الله خيرا
لانوس او نوبيرا 1 (مواصفات اوربيه -او خليجيه) هما الانسب ولك الاختيار
مع لانوس سليمة
جزاكم الله خير
طيب هى دايو لانوس احسن ولا شيفروليه لانوس ولا مفيش فرق؟
شيفروليه لانوس هي نفسها دايو لانوس ..شيفروليه اشترت دايو تقريبا سنه 2007 فيشيفروليه دى موديلات احدث..
بال45 الف دول ركز فالدايو لانوس والدايو نوبيرا 99-2001 كده..واكشف على العربية عند حد ضامنه عشان متتغشش..
وفكك من الرينو سينيك والكلام ده..بجد رينو في الفئه السعرية دى هتكرهك في حياتك
جزاكم الله خيرا
السلام عليكم ورحمة الله وبركاته
طيب ايه راى حضراتكم فى فولكس باراتى 2006؟
جزاكم الله خير
الله المستعان. جزاكم الله خيرا
السلام عليكم ورحمة الله
اخي الكريم رد هات
دى انا ممكن اساعدك فيها لان عربيتى القديمة كانت كليو 2008 وهى عربية ممتازة جداجدا اقتصادية فى البنزين وقطع غيارها متوفرة ورخيصة يمكن ارخص من الكورى وخصوصا بعد ما تركيا والصين بقوا يعملوا قطع غثيار السيارة دى
يعنى مثلا فيه طقم مرايات من 110 جنيه وانت طالع والفانوس 130 و 140 لو فيه حاجة فى العفشة ممكن تجيب استيراد وده موجود انا غيرت حوز المساعدين الامامى 600 او 700 مش فاكر بالظيط.
وكمان عربية ثباتها على الطريق ممتاز جدا جدا وتكيفها تلاجة بس عيبها الوحيد انها ضيقة شوية وده اللى كان بيخلاينى ادور على حاجة تانية بس اكتشفت ان العيب موجود فى عربيات كتير زى الاسترا والفينوا واللانوس.
انا بعد ما سالت ودورت غالبا ان شاء الله هدور على عربية رينو كليو تكون حالتها كويسة. وبالمناسبة المبلغ ده يجيب لك رينو كليو 2008 مش 2003
وبالتوفيق ان شاء الله
ممكن ابيزا 2002
ليه حضرتك صرفت نظر عن السكودا فابيا..؟ هل في بحثك وتدويرك اكتشفت عيوب معينة فيها.. يا ريت تتكرم وتقول لي عشان حالياً بدوّر على سكودا فابيا ولقيت كذا واحدة مناسبة بس مقريتش كتير عن العربية دي في العموم كعادتي قبل ما أشتري أي عربية لضيق الوقت وشدة احتياجي لسيارة حالياً لظروف الشغل وكدة..!
السلام عليكم،
انا للاسف ما لقتش معلومات كافية عن السكودا فابيه وده اللى خلالها بعدت عن تفكيرى. يا ريت لو عندك معلومات عن قطع الغيار واستهلاك البنزين والصيانة زكده تقولنا وكمان الاسعار الفعلية فى السوق ايه دلوقتى بحكم انك دورت وشفت.
جزاكم الله خيرا