الموضوع: فين شقة بالسعر دا ف اسكندرية

الهانوفيل ثم البيطاش
منطقة العجمي بشكل عام

طبعا اسعار الشقق في العجمي ممكن توصل لـ 400 ألف في الاماكن المميزة والشوارع الرئيسية والمساحات الكبيرة
وبتبدأ من 60 ألف في الشوارع الداخلية لمنطقة الهانوفيل
أنا بتكلم عن الشقق اللي مش متشطبة نهائيا

فالمبلغ اللي مع حضرتك لو بتدور على شقة على الطوبة مش متشطبة
يعتبر مبلغ جيد وممكن تاخد حاجة كويسة وقريبة من شارع البيطاش الرئيسي ان شاء الله

ده بخصوص الشقق السكنية لكن لو مصيفية فأظن أن الأمر سيختلف

هو العجمي تبعد كام دقيقة من محرم بيه ؟ و هل امان للسكن ولا العرباوية بيتحكموا فيها ؟

المشاركة الأصلية كتبت بواسطة matrix_it

هو العجمي تبعد كام دقيقة من محرم بيه ؟ و هل امان للسكن ولا العرباوية بيتحكموا فيها ؟

بالعربية نص ساعة تقريبا ان شاء الله
ولو الطريق زحمة ممكن اكتر

وموضوع العرباوية مش مشكلة اطلاقا
سكان عادي جدا حواليك
الفكرة فقط انهم بيعرفوا ياخدوا حقهم لو حصل معاهم مشكلة

تلاقي فى المناطق الشعبية
يعني في مناطق شعبية بجوار محرم بيك
دور كويس في مناطق كتير قريبة من محرم بيه وبالسعر دا
بس حتبقي شعبيه اوي

طيب ايه رايكم في برج العرب الاسعار هناك عاملة ايه

المشاركة الأصلية كتبت بواسطة matrix_it

طيب ايه رايكم في برج العرب الاسعار هناك عاملة ايه

برج العرب تعتبر بعيدة عن الاسكندرية
تقدر تقول محافظة تانية تابعة للإسكندرية
طبعا حتلاقي هناك اسعار مقبولة واسعار عالية
لو شغلك مش في قلب الاسكندرية ماظنش انه حيكون فيه مشكلة من سكنك هناك ان شاء الله

المشاركة الأصلية كتبت بواسطة مُصْطٓفٓى

برج العرب تعتبر بعيدة عن الاسكندرية
تقدر تقول محافظة تانية تابعة للإسكندرية
طبعا حتلاقي هناك اسعار مقبولة واسعار عالية
لو شغلك مش في قلب الاسكندرية ماظنش انه حيكون فيه مشكلة من سكنك هناك ان شاء الله

ما فيش منطقة تانية غير برج العرب

انا معايا شقة في العجمي في شارع ورشة البلاط دور ثاني ومرخصة وبحرية وشطبتها فاضل بس الدهان الأخير
بفكر أبيعها ( أشتريتها من سنتين على الطوب ب 85000 )