المشاركة الأصلية كتبت بواسطة islam.3bada
السلام عليكم ورحمة الله وبركاته
1- الفتيس جيد بيوفر عزم حلو جدا للعربية و متجاوب و به sport mode و snow mode
الفتيس اربع نقلات ستيبترونيك
لا يوجد ملاحظات عليه سوى الاحساس بالنقلة بين الغيار الاول والتانى لما العربية تنقل فى رنج من 2.2 الى 2.5 rpm اقل من كده او اعلى من كده لا تشعربشئ
2- العربية الصاج بتاعها كويس و محمل و الاكصدامات متصممة بشكل جيد و بتحمى جسم العربية العربية فعلا و بتمتص هى الصدمة وبدلا من جسم السيارة
الاكصدامات خامتها كويسة مش بتتكسر بسهولة و بتحمى وش العربية و الفوانيس
3- نقطة الثبات دى مش هقدر ارد على حضرتك فيها الا بكلام محدد عشان الكلام فى النقطة دى بالذات بيكون عايم و الناس بتقول ثابتة وخلاص , قولى حضرتك بتقارنها فى الثبات بعربية ايه و انا اقولك
كمثال الاليزيه ثابتة عن الياريس و الاكسنت ار بى و الريو و الافيو و الاوبترا و البوما والسراتو شكل قديم
لكن لو هتقارنها بسيفيك - كورولا 2014 - اوكتافيا - ميجان - استرا كلهم اكثر منها ثباتا
4- هرد على حضرتك باختصار , الموتور كويس جداا
انا سافرت بالعربية 900 كم بالتكييف ذهابا و مثلهم فى العودة و العربية زى الفل ما شاء الله
5- تكييف الاليزيه اقوى تكييف من تشوفه فى عربية اوروبى بيسقع كويس لكنه لا يصل لكفاءة تكييف التويوتا و النيسان
6- عربيتى اتوماتيك
7- الفرامل قوية جدا و بتلم العربية كويس و تعتبر من نقط قوة العربية