الموضوع: أراء ملاك سوزوكى فى توكيل مودرن موتورز ( الصيانة الدورية - توفير قطع غيار ) لعام 2015

اسمح لي اشارك بحاجتين في الموضوع ممكن يساعدوا التوكيل ع المتابعة و التحسين

اولهما تقييم الاعضاء للتوكيل للفترة من 2008-2013

http://www.nilemotors.net/Nile/21214-2008-2010-a-2.html

http://www.nilemotors.net/Nile/286547-2011-2012-a.html

http://www.nilemotors.net/Nile/337891-2013.html


اما ثانيهما هو تقييمي الشخصي في 2008 و ليس حديثا و ليس للاخذ به لكن لأن حضرتك او عضو اخر قال فيه تغير في التوكيل فعلا و اتمني ذلك فهكتب تقييمي و نقارن هل اختلف و لا لأ و اتمني يكون فعلا حصل تغير لأني عجباني السياز و خاصة اني مجرب جودة و تكنولوجيا مواتير عربيات سوزوكي من زمان بداية من السويفت و الماروتي و الالتو و كنت امتلكهم جميعا و ده اللي مخليني فكرت اجيبها في البيت بس ده هيعتمد ع التوكيل حاليا لأن فيه في المقارنة عربيات تانية تتفوق بالذات في نقطة التوكيل من جميع الجوانب
و للعلم حاولت اتواصل مع احد ممثلي التوكيل بسبب الشكاوي و كان فيه اهتمام و ابلغوني ان فيه متابعة للشكاوي ع المنتدي فعلا و هتتحل و هنشوف تغيير و بعدها في فترة الناس ابتدت تشكر في فرع ابو رواش فقط و انه اتغير عن الأول ديه كانت اخر حاجة

التقييم من 2008 للبيان فقط

1/ نوع السيارة ....... / سنة الصنع ..........
ألتو 2008

2/ صيانة .... كلم
1000

3/ مستوى الصيانة فرع ....... (جيدة - سيئة )
الهايكستب مجربتش غير اول صيانة اللي هي الـ1000 و مفيش حل للمشاكل اللي واجهتها لكن تم تغيير الزيت و غسيل العربية بس هنقول مقبول

4/ مستوى المهندسين الصيانة وتعاملهم مع المشكلة (ممتازة - متوسطة - سيئة )
سيئة بداية من دخولي البوابة و تفضيل عملاء نيسان بالرغم ان معانا نيسان صني بس لما دخلت كعميل سوزوكي شوفت التعامل و كأني جي من الشارع بعد ما خلصت صيانة الـ1000 و قولت المشاكل قالولي اتحلت و لو ظهرت حاجة شرفنا في اي وقت بدري حتي بدون حجز و لما جيت تاني مرة عشان المشاكل اللي متحلتش اتعاملت معاملة سيئة جداااا لحد ما وصلت للمدير و دخلت

5/ تم حل المشكلة بنسبة .... %
0 % حدفة و اصوات تزييق من التابلوه و كركبة من العفشة
و تم حل المشاكل كلها برة ع يدي تزييق التابلوه اعادة تربيط و وضع قطع لباد منعت الصوت و العفشة تم تربيطها و الزوايا تم ضبطها

6/ مدى توفر قطع الغيار لسيارتى داخل التوكيل ( متوفرة كلها - بعضها متوفرة - غير متوفرة )
بعض القطع للأسف لم تكن متوافرة في منفذ بيع قطع الغيار

7/ متابعة التوكيل بعد الصيانة (يوجد متابعة - لايوجد )
لا يوجد متابعة

8/ اسعار الصيانة (متوفرة - غير معلومة )
للأسف من وجهة نظري عالية بالنسبة لعربية في الفئة ديه يعني ايه اجيب عربية عشان تكون اقتصادية خاصة بمشواير وسط البلد و الاقيها بتكلف نفس مصاريف عربيات اعلي منها في الصيانات و قطع الغيار

9/اسعار قطع الغيار داخل التوكيل (متوفرة - غير معلومة )
عالية و الاسعار كانت من كام سنة ع سبيل المثال تيل فرامل 350 ج بوجهيات 120-140 و فلتر هوا 80 ع ما اتذكر طقم الدبرياج قالي في منفذ بيع قطع الغيار برده حوالي 1500 ج
لكن احقاقا للحق الحاجة الوحيدة اللي جبتها و كان سعرها مقبول بالنسبة برة كان ماستر فرامل عمومي و جبته من منفذ بيع قطع غيار مودرن الدقي و كان في حدود 300 ج لو لم تخني الذاكرة

10/ خدمة حجز الصيانة والسؤال عن توفر قطع غيار بالهاتف (رد سريع - يتم الرد بعد فترة من المحاولات - لايتم الرد واضطر للذهاب للتوكيل بنفسى ) .
لايتم الرد واضطر للذهاب للتوكيل بنفسى و للأسف كنت بدب مشوار للدقي من القاهرة الجديدة عشان اشوف قطع غيار ياما مكنتش بلاقي المسئول و الباب مقفول ياما مكنتش بلاقي القطعة اللي عايزها
طبعا ده خلاني مروحش التوكيل من ساعتها للصيانات و اتعاملت انا

و ده كما سبق و اشرت تقييمي للبيان فقط و المقارنة و اتمني يكون فيه فعلا تغيير