رأيكم فى اوبل كورسا 95 (( اول عربية ليا ))

رجالة المنتدى الكرام

اتشارتكم فى اول عربية ليا
و لإنى متردد ،، و القرار كبير حبتين

فـ كنت بدأت من فيات 128 ، 125 .. لادا ،، اونو

إلى ان لقيت قدامى عربية اوبل كورسا 1995 ..
دواخل فابريكا ، رشه خوارج ماعدا السقف .. و لسه هاعرف باقى تفاصيلها بكرة بإذن الله
مطلوب 35 و لسه هانتكلم

ايه وضع الموديل ده ؟؟
انا كنت متمسك بالاونو اوى و عمال بدور على حاجة اونو بحالة حلوة .. بس لما ظهرت الاوبل لقيت اخويا بيشجعنى
و سألت واحد قريبى قالى كفاية انها المانى ، بس المهم تكون مش محتاجة حاجة لإن قطع غيارها غااالية جدا ( و معمرة )

انا كانت اقصى ميزانية ليا 30 الف ... فـ دى هاتاخد كل ما املك ، اتوكل على الله و اشوف ميكانيكى اتفق معاه و نشوفها ؟
ولا الاونو اختيار الغلابة :) ؟؟

بص حضرتك هي لازم تتحسب الاول
انت بتقول اول عربيه ليا
والميزانيه اقصاها 30 الف
اول نقطه لازم تكون عامل حسابك على السرفيس بتاع العربيه
بالاضافه لقرشين لو احتجت تغير حاجه
اول عربيه الواحد بيخبط فيها شويه وبيحتاج يغير فيها حاجات من وقت للتاني
العربيه قطع غيارها زي الاوبل عموما غاليه بس معمره
وبرضه استني راي حد معاه العربيه فعلا يديك خلاصه تجربته
وربنا يوفقك في اختيارك

السلام عليكم,

نصيحة بسيطة مني, ماتخلصش فلوسك كلها علي عربية, خصوصا لو كانت مستعملة, بالذات لو اول عربية ليك

لازم يكون معاك مخظون تعتكد عليه لو احتجت حاجة لا قدر الله في اي وقت, محدش ضامن الظروف