الموضوع: رينو داستر 4x2 ولا 4x4 ؟

علي حسب استخدامك للعربية يعني عايز عربية تتحرك بيها في مشاويرك العادية يبقي 4*2 هيكون كافي وكويس
انا معايا 4*4 ومعرفش بصراحة حاجة عن 4*2 وعن اختلافها عن 4*4
بالنسبة للتست دريف مش بتقول ان صاحبك معاه العربية ممكن تجربها منه وتشوف الدنيا ايه نظامها معاك
واحب اطمنك ان والله اعلم عيب العربية دي الوحيد انها مانيول غير كده فهي فلا عربية كويس قوي

المشاركة الأصلية كتبت بواسطة ehabomar1987

السلام عليكم انا الصراحة عاجباني العربية الداستر جدا ومقتنع بيها الحمد لله وكنت بفكر اشتريها ان شاء الله وكمان انا عارف الفرق بين ال 4x2 وال 4x4 في المواصفات والكماليات وكمان انا اخدت بعضي كده وروحت اتفرج عليها في التوكيل واتكلمت مع مسئول البيع وسالته علي كل حاجة ومنها موضوع الاوتوماتيك وقالي ان مستحيل ان ينزل منها اوتو علشان شركة رينو بتهتم باسمها ومش ممكن تنزل عربية ويبقي العزم بتاعها ضعيف علي حساب الفتيس وقالي ان فيه عربيات تانية في السوق في نفس الفئة ونازلة ب 1600 بس الموتور مش علي قد عزم العربية وقالي ان الشركة مش هاتغامر باسمها في مقابل الفتيس علشان هيا شركة رينو اوروبية وليها اسمها في السوق وقالي انهم في مصر فكروا ينزلوا الاوتو زي برة بس تكون 2000 سي سي وعاملوا دراسة بسيطة كده وحسبوا سعرها تقريبا هاتبقي حوالي 270 وقالوا انها مش هاتمشي في السوق علشان هاتنافس عربيات تانية ليها وزنها واسمها ودفع رباعي ومن زمان ومتجربة ومحدش هايشتري الداستر علشان كده هما لغوا الفكرة والاقتراح ده
انا بقي اللي محتار فيه اجيب انه فئة في الاتنين وانا واحد صاحبي جاب ال 4x2 وقالي ان ال 4x4 ملوش اي لزمة وكمان اني لو مستخدمتوش هيأثر علي العربية وانه مش مفيد ياريت اي حد من ملاك الداستر يقولي الفرق بينهم في الاستخدام والاحتمال والاعتمادية وكمان انا فيه حاجة مهمة نسيت اسال عليها وانا في التوكيل هو فيه تيست درايف علشان اجرب العربية وشكرا

طبعا اولا كلام صاحبك مع كامل احترامي ليه كله غلط
بالنسبة للفروق يكفي ان عفشة السيارة multilinks وده بيجعل العفشة انعم بكتير من الـ 4X2 . ثانيا التصفيح الحديد اسفل السيارة الـ 4X4 . ثالثا السيارة الـ 4X4 بها خاصية انها تتظبط علي الـ auto بمعني انك بتترك للسيارة الاختيار متي تتاج نظام الدفع الرباعي او الثنائي وده كمان له ميزة اخري وهو الثبات علي الطرق ( مذكور في كتالوج السيارة ) ان ده بيعطي ثبات اكتر علي الطرق المبللة وكل هذا غير موجود في السيارة الدفع الثنائي
اما موضوع انك لو مستخدمتوش هيأثر علي العربية فدي حاجة بصراحة اول مرة اسمعها !!!!!!!

دايما خد النصيحة من متخصص او من مجرب فقط

علي فكرة انا عندي داستر 2015 4X4 وعربية اكتر من رائعة
اسف علي الاطالة

يعنى ممكن ينزلوها اوتو مثلا فى معرض اوتوماك الاهرام يعنى كده الناس كلها بتنصحنى بال 4x4 علشان احسن وانعم ان شاء الله طيب محدش عنده معلومة اكيدة عن التيست درايف للعربية

4*4 أحسن بكتير طبعاً

بسم الله الرحمن الرحيم

اﻹخوه اﻷفاضل ملاك داستر 4x4

أخبرنى أحد ملاك هذه السياره منذ عام تقريبآ أن صوت المحرك عالى جدآ فى السرعات العاليه . . . . فهل تغير هذا فى الموديل الجديد أم هى بنفس هذا اﻹزعاج على السرعات العاليه؟

جزاكم الله خيرآ

السلام عليكم ورحمة الله و بركاته

انا سالت على التست درايف للعربية اولا مفيش تست لل 4x4 موجودة بس فى ال 4x2 والتست مش متوفر اليومين دول علشان العربية فى الاقصر وهيا كل شهر بتبقى موجودة فى محافظة معينة