يا ريت يا جماعة كل اللي معاه جيب يشارك في الاستطلاع علشان نقدر نفيد بعض بطريقة ايجابية و نتبادل الخبرات في أماكن بيع قطع الغيار و الصيانة و العيوب الشهيرة و كل الTips & Tricks الخاصة بكل موديل...
عرض للطباعة
يا ريت يا جماعة كل اللي معاه جيب يشارك في الاستطلاع علشان نقدر نفيد بعض بطريقة ايجابية و نتبادل الخبرات في أماكن بيع قطع الغيار و الصيانة و العيوب الشهيرة و كل الTips & Tricks الخاصة بكل موديل...
السلام عليكم
معايا جراند شيروكي 1998 5.2l 8سليندر طبعا
بس مش موجودة في الاستطلاع الي فوق
اهلا بحضرتك :) ... و فعلا أنا ما أخدتش الجراند شيروكي ضمن الاستطلاع لندرتها... الا اني فعلا نفسي أعرف معلومات أكتر عن العربية ديه من حد يكون استخدمها فعلا...
ياريت تديلنا تقييم كامل عن العربية علشان الكل يستفيد...
و يكون التقييم من ناحية السرعة... العزم... الطرق الوعرة.. الراحة... وسع الصالون و الشنطة... استهلاك الوقود... قطع الغيار (سعر و durability)
إن شاء الله ياباشا.....شكرا
'طيب انا عندي شيروكي موديل 88 اتوماتيك ملهاش في لليلة دي:_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]:
اعتقد موديل ال 88 اسمة واجونيير مش شيروكيي
والله يا مينا بك الشيروكي واي حاجه من ريحة الشيروكي مقرفه انا هنا مقيم بابوظبي واول ما جيت واخدت الرخصه هنا عالطول من غير ما افكر قولت مش هاركب الا الشيروكي عربية البشوات في مصر مع العلم ان جميع اللي اعرفهم هنا نصحوني بعدم الاقتراب منها لانها بتسخن بسرعه وعايزه بنزينه تجري وراها ومش مرغوبه بالمره هنا في دول الخليخ ولا حد بيقولها انت فين المهم لقيت بنت الحلال اللي هيه جيب جراند شيروكي موديل 93 اتوماتيك 6 سلندر باور سنتر تكييف المهم ركبها وعجبتني كتير وابتديت احس انها بتشرب البنزين شرب وهنا بملاها فل بـ 135 درهم اماراتي بيمشوها مده قليله جدا في حين ان التويوتا كورولا بتتفول بـ 55 درهم بس وبتمشي بيهم كتير جدا مقارنه بالشيروكي ولما جيت اغير ليها بطاريه لقيت بطاريتها تمنها 440 درهم روحت عاطول جبت ليها بطاريه 50 سعرها 235 درهم ودورتها وكبرت دماغي والسير بتاعها تمنه 70 درهم يعني قطع غيارها مولعه نارواللي عرفته هنا ان الشيروكي افضل كثير من الجراند شيروكي لان الجراند عيوبه كثير وان شاء الله هابيعها وارتاح منها واجيب ياباني يريحني نفسيا وماديا
أتفق معاك بنسبة 100%
الشيروكي لا يمكن أن تقارن بالياباني أبداااااااااااااااا اللي من نفس الفئة... (زي البرادو و اللاند كروزر و التعلب و غيرهم...)
و بيعيبها ارتفاع استهلاكها للبنزين و افتقارها للراحة (في الطرق الوعرة) دا غير قطع الغيار اللي فعلا غالية بجنووووووووووووون
بس هنا في مصرأنا شايف أنها أنسب حاجة للشوارع و الحفر... لأنها حمالة آسية جدااا ...
كمان الميكروباصات و النص نقل بيعملولها حساب أوي...
و ممكن تركنها في أي حته و ماتخافش عليها... (فوق رصيف مثلا..)
الخوارج مش غالية أوي... يعني زجاج الفابريكة بتاعها جريش... أنا جايب البربريز الأمامي ب340 جنيه...
(مش زي عربيات تانية اللي بنسمع فيها أرقام تخض في أسعار الإزاز بتاعها) و الخوارج بصفة عامة...
كلامك مضبوط مينا باشا بس لو سمحت ليه استفسار واحد انه انا ركبت ليها بطاريه 50 امبير ماركة اسديلكو صناعة سعودي جافه مع العلم ان الشيروكي ليها بطاريه مقاس خاص علي ما سمعت والعربيه بتدور بالبطاريه الجديده زي الفل فهل ده غلط علي العربيه ولا لازم اغير البطاريه تاني ولا اتوكل علي الله وادوس ياريت ترد عليه