عاجل اكصدام البيكانتو

**drmona** · 02-02-2015 08:09 PM

السلام عليكم انا لسه جايبة بيكانتو2015 و عملت بيها حادثة صغيرة كده تاكسي خبط مقدمة العربية و الاكصدام اتفك الناس ساعدوني و ثبتهولي بمسمار و واحد قال لي محتاج بس تركيب كلبسات رحت لسمكري قريب ثبته بكليبسات بس قال لي محتاج يتثبت بمسامير من بره لان في شريط تقريبا اتكسر اللي هي من الجنب دي و قال لي لو رحتي التوكيل هيقولولك غيري االاكصدام و انا لسه جديدة في عالم

**drmona** · 02-02-2015 08:19 PM

عايزة اعرف اعمل ايه لو حد عنده تجربة و هل ممكن امشي بيها كده شوية مؤقتا لغاية ميعاد الصيانة بدل ما اروح مشوار مخصوص و لا اعملها عند حد بره و خلاص ؟؟

**drmona** · 02-02-2015 09:54 PM

مفيش و لا رد ؟؟؟

**shiko85** · 02-02-2015 10:16 PM

وعليكم السلام ورحمة الله وبركاته
قدر الله و ما شاء فعل
مفيش مشاكل ان شاء الله و ممكن تمشى بيه كده عادى و لو محتاج تثبيت بمسامير زياده مش مشكله و ممكن برشام كمان بس الصور هتحدد ايه الأحسن لو حضرتك صورتيه هيكون افضل
موضوع ان التوكيل هيقول انه عايز يتغير ده لو حضرتك عايزه تعمليه عندهم مش عايزه يبقى خلاص مش لازم و ده ملهوش علاقه بالضمان خالص و لو العربيه متأمن عليها يبقى التأمين هيصلحه او يغيره

**drmona** · 02-02-2015 11:28 PM

المشاركة الأصلية كتبت بواسطة shiko85

وعليكم السلام ورحمة الله وبركاته
قدر الله و ما شاء فعل
مفيش مشاكل ان شاء الله و ممكن تمشى بيه كده عادى و لو محتاج تثبيت بمسامير زياده مش مشكله و ممكن برشام كمان بس الصور هتحدد ايه الأحسن لو حضرتك صورتيه هيكون افضل
موضوع ان التوكيل هيقول انه عايز يتغير ده لو حضرتك عايزه تعمليه عندهم مش عايزه يبقى خلاص مش لازم و ده ملهوش علاقه بالضمان خالص و لو العربيه متأمن عليها يبقى التأمين هيصلحه او يغيره

شكرا على الرد انا فعلا كنت خايفة من موضوع الضمان ده عشان كده مرضيتش اخليه يحط مسامير غير لما اسال و هحاول اصورها للتوضيح

**drmona** · 03-02-2015 11:15 AM

انا بصيت عليها النهاردة لاني بعد الحادثة من التوتر مكنتش مركزة لقيت الاكصدام مظبوط في مكانه و مش باين عليها حاجة خالص و مشيت بيها مشوار صغير مكانش في مشكله طبعا كنت خايفة و حذرة جدا اني اخبط مقدمة العربية بس مش عارفة هل كده كفاية و لا محتاجة اعمل حاجة تاني مع العلم اني مش عايزة اعمل حاجة تبوظ شكل العربية و لا تكون حاجى مكلفة حاليا لغاية ما اتمكن من السواقة و العربية ممكن ساعتها اغير الاكصدام لو كان اتبهدل

**S O P H O S** · 03-02-2015 12:23 PM

شايف تسبيه كده طالما مثبت كويس
لان التوكيل هيغير والعربية جديدة ومعرضة اثناء الركن
لحاجات مشابه لكده

**pepo2011** · 05-02-2015 02:30 PM

يافندم بسيطة محتاجة واحد بتاع فايبر يكون فنان بس وبلاش طبعا مسامير
لو في مشكلة مع حضرتك كلميني هابعتك لواحد تمام واسعارة كويسة جدا بس لازم تقوليله من طرفي

**fadymohsen** · 07-02-2015 08:56 PM

د.منا انا برضو مره ريحت عالعربيه الي قدام الشراعه البلاستك اتكسرت
مش عارف اقصدام البيكانتو ضعيف كده ليه
هل في اي حل يحمي الاكصدام شويه او حاجه بتتركب حمايه

**shiko85** · 07-02-2015 10:25 PM

المشاركة الأصلية كتبت بواسطة fadymohsen

مش عارف اقصدام البيكانتو ضعيف كده ليه
هل في اي حل يحمي الاكصدام شويه او حاجه بتتركب حمايه

الأكصدام لازم يكون مرن علشان يتحمل الخبطات البسيطه و فحاله الخبطات القويه المفروض انه يمتص الصدمه و يتفك و يقع و ده بيقلل تأثير الخبطه على جسم العربيه
اوقات كتير نوع البلاستيك المستخدم فالأكصدام بيكون سئ و ناشف (للتوفير) و ده اللى بيتكسر او بيتشرخ بسهوله
فيه ناس بتركب قطعه معدنيه خلف الأكصدام و لو خبطوا حد او حد خبطهم الضرر النتاج من الخبطه هيكون اكبر من الضرر فحاله بدون القطعه المعدنيه دى و نفس الكلام بالنسبه للصدادات (بتاعت الجيب) فيه ناس بتركبها فعربيات ملاكى للحمايه من الخبطات لكنها بتأثر على الشاسيه لان العربيه مش مجهزه اصلا لوجود صدادات و بتزود من ضرر الخبطه على العربيه التانيه