معروض عليا سيارة جيلي مابل سما 303 مانيوال كاملة موديل 2006
ممكن اعرف عيوبها ومميزاتها ومدي صعوبة وسهولة بيعها مستقبلا ، وتوافر قطع غيارها من عدمه ، لانى رايح ارفعها بكرة والمفروض احدد
ولكم جزيل الشكر
عرض للطباعة
معروض عليا سيارة جيلي مابل سما 303 مانيوال كاملة موديل 2006
ممكن اعرف عيوبها ومميزاتها ومدي صعوبة وسهولة بيعها مستقبلا ، وتوافر قطع غيارها من عدمه ، لانى رايح ارفعها بكرة والمفروض احدد
ولكم جزيل الشكر
ملهاش سوق و قليلة فقطع غيارها اكيد غالية... لانك حتكون صيد ثمين لتجار قطع الغيار و مراكز صيانة الصيني.
عايز تركب صيني اركب حاجة منتشرة
او مش لازم عربية فيها اوبشن بص على الاعتمادية الاول
تمااااااااااااام ، بس انا سألت على قطع غيارها موجوده فى تلات محلات فى التوفيقية ، وكل الموتور تويوتا كرولا والعفشة ستروين
شوف غالبية قطع غيار الدواخل موجوده وبتركب عليها من كذا مارركه اما الصاج والفوانيس مثلا قليل الا زي ما بتقول في ال3 محلات
اه هي فى تلات محلات فى التوفيقية بس ، الموتور كورولا والعفشة ستروين والفوانيس وكده تويوتا برده انما الصاج معرفش الصراحة
هي معروضه بكام علشان التقييم وحالتها ايه وبعدين ازاي الفوانيس تايوتا اعتقد متركبش علي بعضهي مشكلتها انها بطلت تتصنع في مصر وعلشان كده قطع غيارها قليله واللي يحدد اكتر انك تشتريها سعرها كام لانك لوفكرت تبيعها بعد كده لاي سبب تمنها حينقص كتير بغض النظر عن حالنها
بـ 35 الف
اعتقد كتير انا جايب جيلي ck2 2009 بسعر 34500
كتير يا فندم انا معايا جيلي ck موديل 2006 ماتور 1600 بـ 36 الف
العربيه زي الفل بس مشكلتي في قطع الغيار غاليه ومش موجوده غير عند محلين فقط في الحرفيين ومش كل حاجه موجوده في حاجات بيقولك مفيش وهنبعت نستوردها يعني بعد شهر ونص او شهرين
نقطه ماتور كورولا دي نصب انا لما قلت للرجل في المحل قال لا يا باشا هي تكنولوجيا تويوتا وليس ماتور تويوتا
وبعدين اصلا حتي لو كانت ماتور تويوتا : انا كنت بدور علي حساس شكمان ملقيتش قلت اجيب بتاع تويوتا واعدل الفيشه بتاعته عارف لقيته بكام؟ ب 840 جنيه هههههههه
ولما قلتله لييييييييييييه قالي ده بتاع تويوتا
نصيحه زود شويه وهات دايو لانوس او انزل شويه وهات فيات تمبرا
علي الاقل لو عاوز تبيع في اي وقت هتلاقي اللي يشتري منك
بلاش مالهاش سوق