لا معلش هو انا معرفش ازاى وليه بس كلمت اكبر منك دى تقريبا عندنا عيب
عرض للطباعة
ابعد افضل عنها لان واضح انكوا موش مناسبين لبعض أبداااا وبلاش تعلقها بيك أكتر لانه في النهاية "كما تدين تدان"
انا شايف انى اكلمها بهدوء فى الموضوع
انا بقول انى اقلها حاجه زى احنا لسنه ادمنا سنه وكده امسك العصايه من النص
واهو منها ادى نفسى فرصه وافكر فى موضوع اكبر منك والحاجات كلها
موضوع برضو الخروج الى نط ده طبعا تربيتى متسمحش انى اخرج مع واحده مفيش بنا حاجه رسميه
ومش معنى كده انها مش محترمه ولا حاجه لا انا متاكد من انها متربيه احسن منى كمان
موضوع الجيش والكلام ده مظنش انه جده على بال حد شكلك مجرب يا ريس ولا ايه ههههههه
انا الفكره ان كل ما افكر فيها مش لاقى عيب بجد لاكن فيه حاجه حاسسها تقول لا عيب مش عارف سببها ممكن انى شايف واحده فيها كل حاجه تتحب من كل الناس مش انا وبس
بس انا لما حبيت حبيت صديقه مش الحب الحب
واهو ان شاء الله احاول كده اشوف الجو الاسرى واشوفها برضو اتكلمت مع حد ولا ايه النظام عندهم
اه وانا فعلا متشكر جدا لكل تعليقاتكم بدون تخصيص نا قراتها كلها حكم والله
اوعي
علي اﻻقل ﻻزم يكون في فرق 5 سنوات
بينك وبين مرااتك
خد التجربه من ناس اكبر منك
سيبك من كلام الحب اﻻول
خاصه معلش انك لسه صغير
واول تجربه ليك
لو انت حاسس حاجة من ناحيتها مكنتش هتكتب الموضوع اصلا ..
كل الموضوع انك شايفها فرصة و بنت فيها كل حاجة كويسة و مش عايز تضيعها بس انت مش بتحبها و فى الاغلب و الله اعلم مش هتحبها مستقبلا برضو
انا رأيى تقولها بكل صراحة ان مفيش مشاعر من ناحيتك عشان متخليش عندها امل فى حاجة مش هتتحقق
حب بلا بتنجان لسه لما اشتغل وبيت وعيال وكرش
الى صاحب الموضوع
انا عندى 34 سنه ولما كنت فى الجامعه فى سنه اولى كان فى اعجاب بينى وبين واحدة زميلتى وفكرت افاتحها فى الموضوع
بس لما فكرت فى موضوع انى لسه فى سنه اولى ولسه قدامى جيش والكلام ده وانى معرفش ان كان ممكن تسنانى ولا مش ممكن ......... فشلت الموضوع من دماغى وبعدت عنها وانا فاكر انى هعيش ايام العذاب من البعد
بس فوجئت ان الموضوع كله كان تعود ........ بمعنى انى اتعودت اشوفها كل يوم تقرببا فافتكرت انى بحبها بس لما بعدت عنها ظهرت عيوبها ليا وكان الموضوع تعود لا اكثر
وقلبت المواضيع دى كلها ورا ضهرى وركزت فى مذاكرتى وجبت تقدير واتعينت والحمدلله حاليا فى وظيفة محترمة وبعد ما اتعينت بحوالى ثلاث سنوات قابلت زميلة لى فى العمل وكنت ساتقدم لاخطبها بس اكتشفت انها اكبر منى بسنه تقريبا ومقدرتش ابلع الموضوع ده وصرفت نظر عنها وقعدت ادور على بنت الحلال لغاية ما ربنى رزقنى ببنت الحلال واتجوزت وانا عندى 30 سنه وحاليا عندى طفلين والحمدلله
اما بالنسبة للحب ايام الجامعه فاحب اصدم حضرتك واقولك ان ده كلام فاضى ومفيش حاجة اسمها حب قبل الزواج لان ده هجص والحب الحقيقى هو المودة والسكن والرحمه الى بيجى بعد الزواج الحلال ....... اما حب الجامعه ده فلا معنى له غير انه معصية لله عز وجل ...... ومعظم اصدقائى الى اتجوزوا عن حب الجامعه فمش عايز اقول لحضرتك حالهم عامل ازاى دلوقتى ...... اتنين طلقوا والتالت عايش تعيس علشان خاطر عياله
ركز احسن فى مذاكرتك واتخرج واشتغل ان شاء الله ..... ومتنساش ان الواقع العملى فى الحياه حاجة تانية والدنيا مش وردية ومش رحلات جامعه وكلام حلو ونظرات وابتسامات
الجواز مسئولية ولازم تقدر تستحملة وجاهز له من الناحية النفسية لان الجواز مش امر بسيط زى ما انت فاكر