صاج العربيه بقي خشن

السلام عليكم
انا ساكن بجوار كوبري قناه السويس بالاسكندريه
و من حوالي اسبوع كان بيتم صنفره حتت من الكوبري علشان يتدهن بويه ضد الصدأ
و ده بيتعمل بماكينه بتتملي رمله و تدفعها بقوة و سرعه عن طريق خرطوم علي جسم الكوبري الحديد علشان يشييل الصدأ من عليه
المهم انا كنت راكن العربيه و لقيت العربيه كلها متغطيه تراب الرمله الي كان في الجو من اثر عمليه الصنفره
بعد ما مسحت العربيه منها لقيت العربيه بقت خشنه و فيه طبقه من حبيبات الرمله ماسكه في الصاج بتاع العربيه و كمان في الزجاج بتاع العربيه كله
حاولت امسحها و غسلتها الخشونه مراحتش
هل لو جبت بولش تلميع الخشونه ديه تروح و لا لازم اوديها لمكات متخصص في التلميع

ماتحولش تستخدم بولش أو تكحتها

حلك تدور على مغسلة بالبخار ودى نادرة أنا عن نفسى شوفتها فترة زمان فى وطنية المطار القاهرة و بعد كده غيروها بالماية العادية تانى بس دى ميزتها إن البخار السخن ده بيطلع أى حاجة لازقة فى العربية بدون خساير

مالقتش جرب توديها كار كير

مانفعش جرب تركن العربية فى الشمس حبة و هات ماية دافيه و نضفها بيها

ربنا معاك