الموضوع: درجة حرارة الموتور فى السرعات العالية لل 516 !!!

المشاركة الأصلية كتبت بواسطة bassemali

ممكن توضح ايه الفرق بين موبيل وشل؟

الفرق فى اللزوجة و كمان لاحظت ان العربية كانت بتسخن بسرعة ( بمعنى مش تاخد وقت ) فى التسخين مع زيت موبيل عكس زيت شيل امبير الحرارة بيطلع واحدة واحدة على ما يوصل للنص انا احيانآ بكون رايح مشوار قريب المروحة مش بتلحق تشتغل و ده انا لاحظته من تجربة النوعين واضح ان سرعة انتشار الزيت فى الموتور بتساعد على خفض درجة حرارة الموتور عكس الزيت الثقيل و تحياتى لك

المشاركة الأصلية كتبت بواسطة borio1704

اختيار الزيت المناسب مهم جدا... والمرجع بتاعك هو كتالوج العربية.. وليس تجربة أي شخص آخر.

اختار دايما اللزوجة الموصى بيها في الكتالوج وماتغيرهاش مهما حصل.. ولو الكتالوج بيوصي بأكتر من درجة لزوجة.. اختار المناسب منها حسب درجات حرارة الجو اللي العربية بتشتغل فيه..

ولو العربية بتمشي كتير بأوزان تقيلة أو عليها أحمال عالية.. يفضل تروح للزيوت الأتقل (اختار من الموجود في الكتالوج بردو).


وما تنساش كمان حاجة في منتهى الأهمية... أكواد الـAPI والـACEA .. لإن ليهم دخل أساسي في أداء الزيوت حتى ولو ليهم نفس درجات اللزوجة.

لو عايز تعرف أكتر عن الطرق الصحيحة لاختيار زيت الموتور... أنصحك تقرا الموضوع ده:
http://www.nilemotors.net/Nile/341680-a.html


...

تحياتى لك حتصدقنى لو قلت لك الملخص الآتى :
تاريخ الشراء 2/2008 ( زيرو )
الزيت المستخدم فى التوكيل : موبيل وان بدرجة لزوجة 5w50
الزيت المستخدم بعد انتهاء فترة الضمان : شيل بدرجة لزوجة 5w40
الزيت الموصى به فى كتالوج العربية : بالاسم زيت موبيل وان بدرجة لزوجة 0w40 ( و هو ما لم يكن متوفر فى ذلك الوقت 2008 )
انا حاولت ارفع لحضرتك صورة من صفحة الكتالوج على المنتدى و لكن باءت بالفشل و هى موجودة على جوجل لو بحثت عنها و ده طبعآ يؤكد ان الموضوع مع ابو الفتوح فى ذلك الوقت كان تجارى بحت لان كل الزيوت المكتوبة فى الكتالوج زيوت موبيل ( فقط ) انا كمان عرفت درجة اللزوجة المناسبة من مواقع شركات الزيوت المتخصصة مثل شيل و وولف البلجيكى و ذلك من خلال كتابة كود الموتور و ليس من الاسم التجارى للعربية فى مصر و فى النهاية انا استقريت على لزوجة 5w40 على اعتبار انها مناسبة دلوقتى لموتور العربية بعد ما قطعت بيها دلوقتى 134 الف كيلو و تحياتى لك