مقارنة العمالقه (سبورتاج-xv-ix35-قاشقاى-3008)

**elenawy** · 04-02-2015 11:01 PM

ناس كتير فى المنتدى يهمهم المقارنه دى جدا و انا واحد منهم
المقارنه بين :كيا سبورتاج و هيونداى ix35 و نيسان قاشقاى و سوبارو xv و بيجو 3008
بس لازم تلتزموا بهذه الشروط اولا :
١- تكونوا حياديين
٢- محدش يقول دى كورى ودى يابانى و الكلام ده المقارنه كعربيات مش كصناعه
٣- المقارنه دى هتهم ناس كتير و ناس هتشترى بناء على المقارنه دى فياريت كل واحد يتكلم بصراحه
٤- الشكل مهم
٥- المقارنه من حيث : الثبات و الاتزان على الطريق و الكماليات و الراحه و الخامات و جودة التقفيل و استهلاك البنزين و الوسع و قوة الموتور . يعنى تقريبا كل حاجه .

**mohaismail** · 04-02-2015 11:34 PM

ياريت اعرف الخلوص بتاع ال 3008 والقشقاى الجديدة عن الأرض كام سم ؟

**ENG.MaRk** · 05-02-2015 12:00 AM

البيجو 3008 أقوي موتور و أحسن سحب فيهم

**scientist9508** · 05-02-2015 12:13 AM

من وجهة نظرى الشخصيه السوبارو تحقق لك الثبات و الاتزان على الطريق و الكماليات و الراحه و الخامات و جودة التقفيل و الوسع و قوة الموتور و لكن تستهلك وقود بكميه ملحوظه

**elenawy** · 05-02-2015 01:22 AM

فى انتظار باقى الردود

**haithamelhagar** · 05-02-2015 03:13 AM

سوبارو

**elenawy** · 05-02-2015 01:10 PM

ياريت اللى عنده راى يجاوب على الاستطلاع.
انا اصلا احترت
الكيا : استهلاك البنزين عالى و وسائل الامان فيها مش زى الالمانى و اليابانى
هيونداى : الثبات فيها اقل شويه من السبورتاج
السوبارو : العربيه سقفها واطى و صغيره و مفهاش كماليات زى الكورى و مش منتشره
البيجو : بحس انها صينى و شكلها وحش جدا جدا كمان انا هشترى الشكل القديم
القاشقاى : لسه جديده و مش متجربه و شكلها مش هتنتشر علشان الموتور التربو

**scientist9508** · 05-02-2015 02:51 PM

بسم الله الرحمن الرحيم

اﻷخ الفاضل elenawy

أرى أنك قد رأيت ما بكل سياره من عيوب و لكن هل رأيت ما بها من مميزات؟.

أخى الفاضل . . كل سياره لها مميزات و عيوب و قد أوضحت لك مميزات السوبارو و ها أنت تعلم عيوبها (و لكن من وجهة نظرك ﻷن العيوب التى ذكرتها أنا مثلآ ﻻ أعتبرها عيوب بل قد ﻻ ألتفت لها من اﻷساس).

ولو طلبت منى رأى ثانى . . . سأؤكد إختيارى السابق و أختار للمره الثانيه السوبارو

هداك الله ﻷرشد أمرك و أقومه

السلام عليكم و رحمة الله و بركاته

**adel1212** · 05-02-2015 04:03 PM

بالنسبة لي الموضوع قتل بحثا لمده شهرين و فغلا الموضوع في غاية الصعوبة
اختياري الاساسي كان قشقاي من قبل ما ابيع عربيتي الاولى للاسف مش موجودة الشكل قديم خلص و اللي في السوق بيطلب اوفر في السعر يصل لأكثر من 20000 ج وده بالنسبة لي مستحيل و الشكل الجديد على الابواب يعنى مغامرة كبيرة و الشكل الجديد غامض لا مواصفات و لا سعر ولا اي تفاصيل
وبدأ البحث عن البديل
البيجو+السوبارو استبعدهم من البداية نظرا لعدم الأنتشار و اعادة البيع و التوكيل(رغم انهم الاكفاء و الافضل كسيارات)
تبقي الكوري بعد صراع داخلي عنيف توكلت على الله ف الهيونداي (فى كيميا و حب راحة شخصية عن السبورتاج)
وبعد تجربة 3 شهور اقدر اقول لك العربية ثابتة بشكل ممتاز طرقي اغلبة دائري
هذه تجربتي و عليك انزل و اتفرج واقرا تقارير و اتفرج على اليوتيوب وشوف قلبك حيختار ايه
خالص امنياتي بحس الاختيار