-
اوكتافيا a5
السلام عليكم
رجالة الاسكودا عايز رائيكم
معروض عليا سكودا اوكتافيا a5 موديل 2005 مانيوال. فبريكا دواخل ورشة حزام. 2 ايرباج وفرامل ABS وسعرها 85 الف جنيه..
انا حاليا معايا النترا 2006 اوتوماتيك..لكن فكرت اغير الالنترا واجيب اسكودا ولقيت دي اقرب موديل من حيث فرق السعر يعني لو بيعت الالنترا مش هدفع فرق سعر كبير علشان اجيب الاسكودا..
ترشحولي الاسكودا دي ولا اصرف نظر عنها..
-
انت كده هتستغنى عن الاوتوماتيك وتروح للمانيول والتعب ..وخصوصا فى الزحمة المانيول متعب جداااا
-
لو أنتا تعودت علي الاوتو تتعب في ألمانوال
بس علي العموم هي عربيه كويسه وطبعها ركوبه اعلي من الالنترا بس في الاخر دي منوال فكر كويس علشان ما تتعبش
-
المقارنة هنا
للالنترا لو انتا حابب الاوتو
اما لو من هواة المنوال زى حالتى
المنوال الخاص بسكودا سلسل جداااااااااااا
بدال الدبرياج على بستم و دة بيعطى نعومة فى البدال و لو جيت تقارن بدواسة البنزين هتلاقى دواسة الدبرياج اخف بكتييييييييييير و مش مرهق
بالتوفيق ان شاء الله
-
العربية الالنترا 2006 دي ممتازه جدا في فئتها وهتغير من اوتو الي مانويال ده صعب جدا بس اسكودا حاجه تانيه بس خليك في الاوتو علشان تستمتع بالعربيه
-
الاوكتافيا وضع تانى بجد
بس صعب جدا بعد التاقلم مع الاوتوماتيك تركب مانوال ....... كنت وقعت فى نفس الحيره من قبل انا بعشق حاجه اسمها جولف لكن اغلب المتاح كان مانوال لغيت الفكره كلها لان الاوتو مريح
Content Relevant URLs by
vBSEO 3.6.0 PL2