نصايحكم ايه فى أول يوم شغل ؟

**S O P H O S** · 05-02-2015 12:04 PM

خليك طبيعي خالص
والكلام فمحله وميبقاش زيادة

**korkor** · 05-02-2015 12:13 PM

اول حاجه انسى موضوع الواسطه كله بيتعين بالواسطه
لازم تستعد انك تتعلم بس ماتفتحتش صدرك اوى لو عندك خبرات او مهارات معينه اعلى من اللى مطلوبه فى شغلك ماتبينهاش الا اذا استدعى الامر ذلك لان لو حصل عكس كده يااما هتشيل طين او زمايلك هيقولوا بتتنطط
فى الفتره الاولانيه اسمع اكتر من ما تتكلم
وربنا يوفقك ان شاء الله

**a raafat** · 06-02-2015 12:27 PM

شكرا يا جماعه عالردود والنصايح الغاليه والقيمه دى وان شاء الله احاول اعمل بيها

**dede_dodo88** · 06-02-2015 01:03 PM

أنا هزود بس كام نقطة تكملة للردود اللي قبلي,
لو شغلك بيتطلب منك الأحتكاك الكتير مع الناس و مع زمايلك في العمل, يبقى لازم تخلي بالك كويس أوي في كل كلمة بتطلع من بؤك, حتى لو كنت بتتكلم مع شخص يبدولك أنه كويس و محترم, فمهما حصل أبعد نفسك تماماً عن ذكر سيرة أي زميل حتى لو كان على سبيل الهزار..
الحقيقة المؤلمة, متنتظرش أنك تلاقي الحياة مثالية في الشغل و أنك تلاقي الناس كلها مصلحتها اتمام العمل, الكلام ده مش موجود في أي حتة..
هو مبدئياً كده, مفيش حد هيحب يشوف حد أحسن منه, سواء معاه في نفس الدرجة الوظيفية أو أقل منه, كله همه الأول و الأخير هو أظهار ذاته أمام مديريه حتى لو كان على حساب الأخرين..
متحاولش أبداً تتخطى مديرك أو أنك تحط نفسك في موقف راس برأس قدامه حتى لو أنت شايف أنه غير كفؤ..
حاول دايماً أنك تحافظ على شخصيتك المستقلة بعيداً عن روتينية العمل, لأن بعد فترة ممكن تلاقي نفسك لا ارادياً بتعمل نفس الحاجات اللي زمايلك بيعملوها كل يوم, بتضحك على نفس النكت, بتتكلم في نفس المواضيع, تتطبع بنفس الطباع, و تلاقي نفسك بتفقد هويتك من غير ما تحس..
لو عندك معلومة زيادة عن حد متبخلش عليه بيها, و أسلوب المساعدة بيفرق جداً بين أنك عندك معلومة بتتنطط بيها و بين أنك بتساعد غيرك بكل تواضع..
كون علاقات جيدة مع كل زملائك في العمل و عودهم أن يكون في دايماً حدود في التعامل معاك, لأن موضوع التدخل في الخصوصيات ده شيء عادي جداً بالنسبة لأغلبية الناس..
لو عندك معلومة زيادة عن حد متبخلش عليه بيها, و أسلوب المساعدة بيفرق جداً بين أنك عندك معلومة بتتنطط بيها و بين أنك بتساعد غيرك بكل تواضع..
و تذكر دايماً أنك بتتفانى في شغلك عشان ترضي ضميرك قدام ربنا و تحقق حاجة لنفسك, مش عشان تبسط مديرك أو تتكبر على زمايلك..

**ahmed2y** · 06-02-2015 02:02 PM

خاليك فى حالك وفى شغلك الجواب على قد السؤال ومتعملش شهم وتبين كرمات وجدعنة وتشيل أكتر من طاقتك لأنك لو غلطت او قصرت فى حاجة محدش هيسمى عاليك ويقول أصل شغلة كتير او مضغوط بلاش حماس الشباب الزيادة مش فى بلادنا الكلام دك البيشتغل بيغلط والى مبيشتغلش مبيغلطش وأوعى تجيب سيرة حد بالحلو ولا الوحش خاليك محايد او كلمة او رأى او حكاية هتقولها اعرف ان الكل هيعرفوا مفيش اسرار المصرين يموتو فى الوغى رجالة وستات اما بالنسبة للشغل مشهيكون مشكلة كلة هتتعلمة والى قالبك هناك يعنى أكيد كأنو زيك واتعلمو ويمكن متعلموش واية مشية معاهم وربنا معاك ومتفهمش كلامى غلط ولا أنة محبط

**a raafat** · 07-02-2015 10:46 PM

تمام شكرا يا جماعه على النصايح الغاليه والأفاده
ان شاء اعمل بنصايحكم واكون على طبيعتى مع ان طبيعتى هادى ومش بتكلم بس اللى فهمته من نصايح الناس انى اكون فى حالى ومتكلمش يبقى هكون على طبيعتى وربنا ييسر الامور