نصايحكم ايه فى أول يوم شغل ؟

**a raafat** · 04-02-2015 10:33 PM

السلام عليكم

انا يا جماعه الاسبوع الجاى هنزل شغل موظف فى شركه ودى اول شغلانه ليا فى حياتى عمرى ما اشتغلت قبل كده او اتعاملت مع ناس انا شخص كلامه قليل فى ناس ممكن أخد عليها وارتاحلها واتكلم معاها براحتى جدا وناس تانيه ممكن ماخدش عليها ومعرفش اتكلم معاها خالص وده مش معناه انهم وحشين بس انا مش بعرف اتعامل معاهم مش اكتر

كنت عايز اعرف نصايح حضراتكم ايه فى اول يوم شغل ادخل ازاى اتعامل ازاى مع الناس خصوصا ومع الاسف ان الشغلانه دى جت ليا بمساعده والدى وناس تانيه وانا للأسف انجليزى متواضع ومعيش icdl -_- بس انا حاليا مقيد فى الدراسات العليا وبعمل ما جستير خلصت دبلومه بتقدير جيد جدا وحاليا مقيد فى الدبلومه التانيه اللى هتعادل الماجستير ان شاء الله بس تخصص الماجسيتر بعيد جدا عن طبيعة الشغل اللى هشتغله

مش عارف الزملاء فى الشغل هيتعاملوا معايا ازاى وهل هيعاملونى انى الواد الجديد اللى جاى بواسطه والجو ده وهيبقى فى كراهيه ليا ولا ايه ؟ ولو قابلونى بالمعامله دى اتعامل انا معاهم ازاى ؟

**ENG.MaRk** · 04-02-2015 10:55 PM

اللي يعاملك وحش عامله كويس :) أو تجنبه !!!

**MuhamedNabil** · 04-02-2015 11:45 PM

Relax :)

**طارق _عبد السلام** · 05-02-2015 12:41 AM

اتعامل بطبيعتك

**hobiko** · 05-02-2015 08:08 AM

أهم من الشفل ................ تظبيط الشغل :)

**mizomizomizo** · 05-02-2015 08:32 AM

هناك بعض النصائح البسيطة
1- متنقلش الكلام
2- متتدخلش في شغل حد مادم مش تحت ادارتك
3-خليك متماسك مهما كان ضغط العمل
4-حول تكون حيادي ودبلوماسي
5-متزميش في الشغل و الشركة
6-خلي عندك طوح و اجتماعي
7- خلي بالك من العصافير

وربنا يوفق

**ainshouka** · 05-02-2015 09:05 AM

زملاءك فى العمل على اد العمل يعنى متخليش علاقتك بيهم تزيد عن كده
لو شيلت شغل كتير وشفت غيرك مرتاح متقعدش تقول اشمعنى دا وانا كده اعرف ان انت جاى 7او 8 ساعات عشان تشتغل فيهم مش تقعد مرتاح
مترميش ودنك لاى حد فالشغل عن اى حاجات سلبيه
مش انت الوحيد اللى جاى بواسطه كتير ان مكنش كلهم جاى بواسطه

**ramymechanics** · 05-02-2015 10:48 AM

خد بالك من العصافير واللى بينقلوا الكلام . أى حد يسألك على أى حاجة عن رأيك فالشغل والمدير فولانى ترد تقول " ان شاء الله و الف الف مبروك" و متحسسش حد انك مبسوط او زعلان او تعبان من الشغل و متاخدش بالمظاهر .. انا اول شغل اترفدت منه بسبب واحد وثقت فيه وقلت له انى رايح انترفيو و اما رجعت لقيت نفسى مرفود ولو ان الحمد لله الشغل اللى رحته افضل بمراحل

**canner** · 05-02-2015 11:45 AM

السادة الزملاء قالوا فأفوا بس ح اقولك على كام ملحوظة بسيطة

- don't shit where you eat
يعنى من الاخر مكان الشغل للشغل بس و مش حاجة تانية

- متقولش انا اللى درسته حاجة و فى الشغل حاجة تانية علشان انا لحد دلوقتى لسه بقابل حاجات درستها فى الكلية

- طور نفسك بأستمرار و بتبقاش روتينى فى شغلك طور و اقرا و استخدم برامج تساعدك فى الشغل حتى لو مافيش حد شاف الكلام ده

- مايكونش همك الفلوس فى الاول لازم يبقى عندك خبرة و فاهم شغلك كويس علشان تعرف انت تساوى كام

- ماتحولشى تحفظ الكلام المجعلص اللى انا كتبه ده علشان انت غالبا ح تتحط فى مواقف و ح تتصرف تلقائى بالرغم من التحظيرات دى كلها و علشان كده بيتقال جملة مافيش حد بيتعلم ببلاش