كيا سيراتو 2015

**Shrif zayed** · 12-02-2015 04:54 PM

يا باشا الف مبرووك وان شاء الله هتعجبك قوى وربنا يحفظهالك ويباركلك فيها

**ads** · 13-02-2015 04:29 PM

المشاركة الأصلية كتبت بواسطة Shrif zayed

ياشا تسلم واحنا هنا فى المنتدى لازم نفيد بعض وانا كنت فى نفس حيرتك دى حوالى شهرين ما بين التويوتا والسيراتو والفورد فوكاس والاسترا والفلوانس او بى ام ٢٠٠٩ فا تخيل بقى مدى الحيره بس بصراحه السيراتو كانت شدانى شكل من جوه وبره ولقيت ناس كتير تقولى الزيرو زيرو بردو علشان حوار البى ام المهم ركبت العربيات دى كلها طبعا اكتر واحده كنت مقتنع بيها بس للاسف كانت ضيقه شويتين من جوه كانت الفوكاس دا غير انى سالت اصحابى وكل واحد كان براى مختلف بس الاغلبيه رشحولى السيراتو مع العلم كنت مستغليها جدا خصوصا انى لما احب اركب احب اركب الهاى لاين بتاعه اى عربيه بما انى كدا كدا هدفع مقدم وهقسط الباقى فا جبت السيراتو التوب لاين وكيل ومش عاوز اقولك انا بجد فوجءت بالعربيه دى لان اخويا معاه السيراتو ٢٠١٠ بس مختلفه تماما عنها سواء ثبات او نعومه وصدقنى جرب تسوق اللى هى جنط ١٧ وسيبك من كلام الحفر والكلام دا ربك اللى بيستر وهتبقى بجد حاسس ان فلوسك راحت مكان صح ومش هتندم على الخطوه دى

**ads** · 13-02-2015 04:36 PM

السيراتو افضل عربيه سيدان فى مصر الان بدون مبالغة انا بتكلم عن 2014 و 2015 الشكل الجديد تكنولوجيا مختلفهة تماماً عن الشكل القديم واداء محترم جداَ

وبالنسبه للعربيات 7 راكب الكارينز بدون منافس برده الكارينز الجديدة مش القديم

كيا ابدعت فى العربيتين دول

**akodous** · 15-02-2015 09:08 AM

المشاركة الأصلية كتبت بواسطة Shrif zayed

يا باشا الف مبرووك وان شاء الله هتعجبك قوى وربنا يحفظهالك ويباركلك فيها

تسلم يافندم

**akodous** · 15-02-2015 09:10 AM

المشاركة الأصلية كتبت بواسطة ads

السيراتو افضل عربيه سيدان فى مصر الان بدون مبالغة انا بتكلم عن 2014 و 2015 الشكل الجديد تكنولوجيا مختلفهة تماماً عن الشكل القديم واداء محترم جداَ

وبالنسبه للعربيات 7 راكب الكارينز بدون منافس برده الكارينز الجديدة مش القديم

كيا ابدعت فى العربيتين دول

كلام مضبوط 100 % حسيت كده فعلا مع اني لسه مادوستش قوي عشان لسه مستني الورق و الترخيص بس بالامانه حاجه محترمه قوي تقفيل و اداء و شكل ابدعوا الصراحه