معايا نيسان جوك بس بفكر اركب عربيه كبيره ..... ياترى السيراتو عامله ايه في الثبات و المتانه انا بقارن مابينها وبين النترا و الفلوانس وانا عارف ان الكورولا احسن عربيه بس اسف مش بحب تويوتا
عرض للطباعة
معايا نيسان جوك بس بفكر اركب عربيه كبيره ..... ياترى السيراتو عامله ايه في الثبات و المتانه انا بقارن مابينها وبين النترا و الفلوانس وانا عارف ان الكورولا احسن عربيه بس اسف مش بحب تويوتا
سيراتو عربيه ممتازه مشكلتها ان سعرها مؤخرا بقى اوفر شويه ، يعنى اقل فئه تتجاب فيها ABS و AirBags وجنوط وريموت اصلى وطاره ملتى ب 165 الف
في المقابل الفلوونس برضه ممتازه وعليها خصم دلوقتى سعر الفئه التانيه 165.500 وتزيد عن السيراتو كماليات كتير ، الشئ الوحيد اللى مبحبوش في الفلوونس هو ان فتيسها CVT بس انت معاك جوك بنفس الفتيس يعنى مش فارق معاك
رأيى هات الفلوونس
تحس ان انا كان نفسي اسمع الكلمتين دول ....تسلم يافندم فلونس ا ش ا
استاذ حسام،
بحييك على رأيك و حياديتك التامة و احب اوضح نقطة مهمة و أساسية للمقارنة بين العربيتين:
- تتميز الكيا سيراتو عن الفلوانس فى نعومة موتورها و مدى تناغم الفتيس مع الموتور
- تتميز الفلوانس عن الكيا سيراتو بعفشة أفضل بكثير و ثبات أعلى و ملموس على السرعات
باقى النقاط من شكل خارجى و داخلى و كماليات و سعر تترك لتقدير المشترى و ذوقه و تختلف من شخص لأخر
تحياتى
شكرا يابشمهندس ومنور قسم كيا
انا مجربتش الفلوونس ومش عارف حضرتك جربت السيراتو الجديده ولا لأ ، بس بخصوص العفشه في السيراتو الجديده فهى افضل بكتير في النعومه والتماسك والثبات من القديمه وانا امتلكت العربيتين فتره كبيره
النقطه التانيه السعر والتجهيزات في رأيى من النقاط الأساسيه اللى بتتحكم في قرار الشراء مش مجرد ذوق ورأى ، خاصة لما نكون بنقارن عربيتين متقاربتين جدا ومن نفس الفئه
السيراتو الجديده
اعطيها تقديرات ( ممتازة -- جيدة جداً -- جيده -- مقبولة )
ممتازه كثبات
و جيدة جدا كنعومه
وجيده كاستهلاك بنزين
و مقبوله كسعر مقارنه باسعار باقي الماركات
مع تحياتي
انا جربت السيراتو الجديده هاي لاين و جربت الفلوينس الفتيس و الماتور القديم ... السيراتو عجبتني اكتر بكتير من ناحيه التسارع و العفشه و الفتيس السلس جدا بدون نتشات ... الفوينس بقي كانت سواقه مختلفه تماما تقيله جدا في الطلعه و مفيش اي استجابه لو حبيت اشد و حسيت بنتشه الفتيس المشهوره سعتها ...عموما انا كده بقارن الفلوينس القديمه بالسيراتو الجديده هاي لاين كمان و ده مينفعش و كده بنظلم الفلوينس ... مجربتش الفلوينس الجديده بس ملاكها بيقولو كل المشاكل دي اتحلت في الشكل الجديد و التسارع بقي ممتاز و الفتيس ال cvt ممتاز ... عموماانا لو مكانك حشتري السيراتو و لو بتفكر في الفلوينس روح اعمل تيست درايف في التوكيل للشكل الجديد و جربها الاول و اتاكد انها عجباك و مناسبه لطريقة سواقتك و مبروك مقدما
أحسن حل تحاول تجربهم اﻷول فعﻻ قبل اما تاخد قرارك.
Sent from my SM-N9005 using Forum Runner
لو عربية عائلية شوية اميل للرينو فالخيارين
100000000000 شكر ياجماعه بس انا بعد تفكير و لف لقيت ان السيراتو فعلا مبالغ فيها بالنسبه للسعر و الفلوانس بطه بلدي بعد ماعملت تيست درايف ....نفس ماكنه السيراتو و نفس الاوبشن تقريبا مع فرق في السعر كانت الالنترا شكلي هجيبها
الالنترا برضو نفس فكرة السيراتو سعرها مبالغ فيه جدا والي يخليك تشتريها يبقي تغاضى عن السعر واشتري السيراتو
الفئه 164000 في الالنترا اللي زيها في السيراتو عامله 177000 في 13000 الف جنيه فرق في ايه ؟ السيراتو مبالغ فيها جدا
معاك بس في فرق في الثبات بين الالنترا والسيراتو >> لصالح السيراتو اثبت
بس لو انته مش بتاع جري وكده مش هتفرق
حتي لو في فرق بين الالنترا واليراتو زي ما بنقول متنساش ان في شكل جديد للالنترا اخر السنة دي و دة طبعا لازم ينزل سعرها عن السيراتو
الفئه ال 164 جنط 16 طاره ملتي بلوتوث abs فتحه سقف USB,AUX ده اللي فاكرة
بسم الله الرحمن الرحيم ،،،فى الاول وعن تجربه فلوسك اللى هتحطها فى السيراتو صدقنى مش هتندم على ولا جنيه فيها لانها بجد عربيه انا شايفها ممتازه جدا من حيث الشكل طبعا والاوبشن اللى جوه والوسع اما بقى السحب والماتور فحدث ولا حرج والثبات كمان حكايه غير فكره الواحد فى الكورى بس مقارنتها بالانترا انا شايف ان حضرتك تستنى شويه وتجيب اعلى فءه تقدر عليها فى السيراتو وبجد مش هتندم على قرارك دالان الانترا اه شكل حلو من بره وواسعه وماتور حلو بس ثبات انا شايفه اقل من السيراتو بمرااااحل وعن تجربه واتمنى ربنا يوفقك ان شاء الله للاحسن
ياشا تسلم واحنا هنا فى المنتدى لازم نفيد بعض وانا كنت فى نفس حيرتك دى حوالى شهرين ما بين التويوتا والسيراتو والفورد فوكاس والاسترا والفلوانس او بى ام ٢٠٠٩ فا تخيل بقى مدى الحيره بس بصراحه السيراتو كانت شدانى شكل من جوه وبره ولقيت ناس كتير تقولى الزيرو زيرو بردو علشان حوار البى ام المهم ركبت العربيات دى كلها طبعا اكتر واحده كنت مقتنع بيها بس للاسف كانت ضيقه شويتين من جوه كانت الفوكاس دا غير انى سالت اصحابى وكل واحد كان براى مختلف بس الاغلبيه رشحولى السيراتو مع العلم كنت مستغليها جدا خصوصا انى لما احب اركب احب اركب الهاى لاين بتاعه اى عربيه بما انى كدا كدا هدفع مقدم وهقسط الباقى فا جبت السيراتو التوب لاين وكيل ومش عاوز اقولك انا بجد فوجءت بالعربيه دى لان اخويا معاه السيراتو ٢٠١٠ بس مختلفه تماما عنها سواء ثبات او نعومه وصدقنى جرب تسوق اللى هى جنط ١٧ وسيبك من كلام الحفر والكلام دا ربك اللى بيستر وهتبقى بجد حاسس ان فلوسك راحت مكان صح ومش هتندم على الخطوه دى
ءالحمد لله خلصت خلاص في السيراتو الهاي لاين هاجرب بقى و احكيلكم بس مستني الورق عشان الترخيص
هاي لاين sx مش توب لاين جتها ب 183 ولون موكا
الف الف مبروك ربنا يباركلك فيها ويكفيك شرها
ليا سؤال بخصوص التقسيط هو تبع بنك ايه وفايدة كام لاني ناوي ان شاء الله اشتري انا كمان بس محتار جدا في موضوع البنك
شكرا يا باشا علي الرد وربنا يباركلك فيها ويكفيك شرها
هو بس معلش سؤال اخير هي زياده الدولار زودت سعرها ولا لأ
لا لسه بس اعتقد ان هو عشان لسه في ستوك عندهم لكن الجديد ممكن يزيد يا اما هيجي على حسان الاوبشنز
انا لما كلمت الوكيل اسال قالي ان الفئه الموجوده التالته اللي ب 177 و لو عايز الهاي لاين اللي ب 185 حجز شهر و نص فاعتقد انها ممكن تغلى يا اما عايزين يخلصوا ستوك الفئه دي الله اعلم
تسلم يا باشا الف شكر
يا باشا الف مبرووك وان شاء الله هتعجبك قوى وربنا يحفظهالك ويباركلك فيها
السيراتو افضل عربيه سيدان فى مصر الان بدون مبالغة انا بتكلم عن 2014 و 2015 الشكل الجديد تكنولوجيا مختلفهة تماماً عن الشكل القديم واداء محترم جداَ
وبالنسبه للعربيات 7 راكب الكارينز بدون منافس برده الكارينز الجديدة مش القديم
كيا ابدعت فى العربيتين دول
الف مبروك و ربنا يبارك لك فيها .
Sent from my GT-I8262 using Forum Runner