رحلة لبورتو السخنة

**mrghost** · 05-02-2015 09:10 PM

السلام عليكم ورحمة الله وبركاته
عايز اروح بورتو السخنة انا والمدام ياجماعة
محدش يعرف مكان احجز فية رحله 3 ايام بعد اذنكوا

**ayman salem** · 06-02-2015 03:28 AM

لو حضرتك متعرفش حد يقدر يأجرلك شاليه في فندق بوورتو ممكن تحجز من علي موقع بوكينج او تلاقي تليفونهم علي النت

**maio_do** · 06-02-2015 01:39 PM

بورتو كايرو خد شقة فى ابراج بورتو السخنة وهى افضل مكان واليومين دول عاملين عروض كويسه الملاك الليله متزدش عن 500 جنية واقل كمان ويكفى ل 6 افراد رحله سعيدة

**nilmaster** · 06-02-2015 09:14 PM

فىكتير قرى هناك حضرتك ممكن تنزل على طول انا كنت حاجز فى قرية اسمها الحجاز اسعارها كويسة

**AmrAlex** · 08-02-2015 10:19 AM

بوست تحذيري للناس اللي عايزة تقضي اجازة سعيدة في ابراج بورتو السخنة .. الخدمات رديئة جدا والشاطيء صغير جدا وزحمة جدا ... والمفاجأة الكبرى أن المياه بتاعة الشاليهات بالساعة .. يعني بتقطع في ساعات محددة بمعرفة إدارة الابراج ... بمعنى انك بتسلم الشاليه ومعاه باسكت بلاستيك عشان تحوش فيه ماء .. وعدد 2 جركن ماء على سبيل الخدمة الفندقية المميزة !!!!!! . ولما سالناهم قالوا المية قاطعة من السويس !!! بتقطع من السويس في ساعات محددة كل يوم !!!! طبعا لما كلمنا محافظة السويس نفت أن ليها أي علاقة بقطع المية عن الابراج !!!! وأيضا .. السماسرة اللي بياجروا الوحدات بيكدبوا ويقولك حمام سباحة heated .. طبعآ بعد كدة بتكتشف انه لنزلاء الفندق فقط ومش من حقك استخدامه !!!!!!!

البوست ده منقول من جروب علي فيس بوك