فتيس ليون ٢٠١٥

**RedBull_30** · 08-03-2015 09:10 PM

من الاخر يا جماعه !! فتيس dsg 7 نقلات يبقى هيبوظ هيبوظ , لكن ال 6 نقلات زي اللي موجود في موديلات الاودي و الباسات سي سي وكمان الشيروكو هو اللي مفهوش مشاكل ..
من الاخر ال 7 نقلات ده مش متلائم مع ظروف القيادة في مصر وكمان طبيعة الجو .
ولو حبينا نتكلم عن محركات ال tsi ومتطلبات التشغيل زي بنزين ال 95 , هتكون الحقيقة صادمة وهي ان بنزين 95 في حد ذاته اللي في مصر مش 95 .. للاسف هو اقل من كده بكتير .
من وجهة نظري ان مصافي البترول في مصر شغالة بتكنلوجيا قديمة جدا بشكل ميسمحش ليها انها تنتج جودة ال 95 .
الله اعلم بقى ال 92 اللي كلنا بنستخدمه ده يبقى ايه !!!

**amorio** · 08-03-2015 10:19 PM

هل هناك فرصة لطلب جماعي من وكيل سيات باستيراد ليون مانيوال ؟

**shekosheko45** · 14-03-2015 09:28 AM

يا شباب انا معايا 2014 و جابت ميكاترونيك الحمد لله و بقالها 3 اسابيع فى التوكيل فى انتظار الميكاترونيك الجديد مع العلم انى مهندس ميكانيكا و ماشى على كتالوج التعامل مع الفتيس ده ان مشتريها من سنه بالظبط وعامله 38000 كم .. بس بصراحه توكيل العبور ناس محترمين لما اتأكدو انها هتطول ادونى ابيزا 2013 امشى بيها لحد لمل عربيتى تتصلح للعلم اتقاللى ان دى اول حاله تجيلهم من الموديل الجديد

**shekosheko45** · 14-03-2015 09:55 AM

انا اسف على تاخير الرد علشان انا مش بدخل هنا كتير بس ده رقمى لو حد محتاج معلومات 01005006128

**Mosallam79** · 18-07-2015 06:19 AM

المشاركة الأصلية كتبت بواسطة yoyo.yasso

احنا توكلنا على الله واشتريناها اول امبارح
العربيه ما شاء الله تحفه
و رحنا بيها مشاوير كتير لحد دلوقتى ملحظناش حاجه وجوزى اتصل بالتوكيل قبل ما نشتريها وسألهم قالولوا اننا جايلنا تنبيه من الشركة الام ان المشكلة دى خلاص اتحلت فى موديلات ٢٠١٥ وانها كانت فعلا موجودة فى موديل قبل كده بس دلوقتى خلاص معرفش بأه ده كلام بيريحونا بيه ولا ايه
وبالمناسبه احنا حطينا بنزين ٩٢ عادى مش ٩٥ يعنى
ادعولنا بالبركة وان ربنا يرزقنا خيرها ويكفينا شرها يارب وتبقي قدم سعد علينا
ومتشكرة لردودكم واهتمامكم

السلام عليكم

انا عايز اشتري الليون بس خايف جدا من قربها من الأرض و المطبات و كمان من موضوع الفتيس ... يا ريت حضرتك تطمني على النقطتين دول

**M.Elwan** · 18-07-2015 03:12 PM

المشاركة الأصلية كتبت بواسطة redbull_30

من الاخر يا جماعه !! فتيس dsg 7 نقلات يبقى هيبوظ هيبوظ , لكن ال 6 نقلات زي اللي موجود في موديلات الاودي و الباسات سي سي وكمان الشيروكو هو اللي مفهوش مشاكل ..
من الاخر ال 7 نقلات ده مش متلائم مع ظروف القيادة في مصر وكمان طبيعة الجو .
ولو حبينا نتكلم عن محركات ال tsi ومتطلبات التشغيل زي بنزين ال 95 , هتكون الحقيقة صادمة وهي ان بنزين 95 في حد ذاته اللي في مصر مش 95 .. للاسف هو اقل من كده بكتير .
من وجهة نظري ان مصافي البترول في مصر شغالة بتكنلوجيا قديمة جدا بشكل ميسمحش ليها انها تنتج جودة ال 95 .
الله اعلم بقى ال 92 اللي كلنا بنستخدمه ده يبقى ايه !!!

حضرتك متاكد ان الباسات cc ٦ نقلات ؟

**NaderNabil** · 19-07-2015 12:39 AM

الفتيس ال dsg الموجود في جميع سيارات مجموعة فولكس ٧ سرعات.

ال٦ سرعات ده كان أول جيل و تقريباً مانزلش مصر أصلاً.

**Yoyo.yasso** · 04-08-2015 01:36 PM

المشاركة الأصلية كتبت بواسطة mosallam79

السلام عليكم

انا عايز اشتري الليون بس خايف جدا من قربها من الأرض و المطبات و كمان من موضوع الفتيس ... يا ريت حضرتك تطمني على النقطتين دول

وعليكم السلام ورحمة الله
بعتذر عن التاخير فى الرد
حضرتك اتطمن هى مش واطيه خااالص احنا كان معانا قبلها بيجو 307 وكانت اوطى منها ومغلبانا فى المطبات انما دى بتاخد مطبات ولو اتزنقت وعديت من بلاعه عاليه بردو شغاله مفيش اى احتكاك الحمد لله ،، لو فى ٣ قاعدين ورا ساعات فى بعض المطبات بتحك انما طول ما هى فاضيه مفيش اى مشكلة

بالنسبه للفتيس هى معانا بقالها ٦ شهور اهو ماشيه ١١ الف والحمد لله مفيش مشاكل خالص