هو لسه في كدة توشيبا survey
النهاردة وانا خارج من الشغل جالي اتصال هاتفى من واحد لهجتة غريبة بعض الشيء
ماهتمتش وعرفت منه انه بيسال عن جودة معاملة شركة توشيبا لانه من الشركة وعرف اني كان عندي عطل بجهاز التي في الخاص بي وقعد يسال عن خدو بقشيش واتصلح في قد ايه وراضي عن الاصلاح بنسبة كام وكان في الضمان ولا خرج وكل حاجة
بصراحة ماكنش اعتراضي على شيء غير اني اتصلت بيهم مرتين قبل ما يجو وده غالبا عشان مواعيد رمضان
سالني حضرتك كمان عملت اتصال بخدمة ما بعد البيع لاجهزة اللاب توب من توشيبا وده اتصالين عن سلعتين في شهر واحد
استغربت جدا من مدى قوة شبكة المعلومات بتاعتهم وانها مربوطة ببعض كدة رغم اني دي تعتبر شركة وادارة ودي شركة وادارة تانية بس في الاخر تحمل علامة واحدة
اخبرتة اني كان عندي مشكلة بسيطة بخصوصتنزيل ويندوز اكس بي على جهاز مخصص لفيستا وبصراحةكانت لصديق بس انا عملتها باسمي لاني على معرفة جيدة بمدير الصيانة هناك وقولتلة ان الدنيا زي الفل
قاللي يا ريت تقولنا رايك عن اجهزة توشيبا بفة عامة والي متوقعة منها واداء ما بعد البيع وكل حاجة
قولتلة رايي بكل صراحة واني معجب باداء توشيبا جدا
اخر حاجة قولت للراجل اني مستغرب لكنتك وتقطيع الصوت
قاللي انا اماراتي وبكلم من لندن واحنا شركة بتعمل تقييم بتطلبة الشركات الكبرى لوكلائها في باقي الدول
بصراحة لولا اني شغال في شركة مالتي ناشيونال وعارف قد ايه التقييم ده صعب ومقرف وبيبقوا عايزين يمسكو عليك اي غلطة واحترمت جدا جدا انهم جايبين شركة تققيم من برة تقيم وواخدين عينة عشوائية من التليفونات وخاصة اللي اتكرر زيارتهم لمركز الصيانة
بجد تحية مني لتوشيبا مصر على الاسم اللي عملتة
وتحية اكبر لتوشيبا برة في البحث والتحري وراء وكلائها لضمان الحفاظ على الاسم
طبعا لو كان التقييم ده مصري كان .....
ولا بلاش