الموضوع: جوانات فتيس اوتوماتيك

المشاركة الأصلية كتبت بواسطة 0sss0

انا عندى شيرى a11 2005 بفتيس اتوماتيك المهم كان عندى تسريب لزيت الفتيس فرحت لبتاع فتيس وقال لى محتاج جوانات فتيس طب دلوقتى انا فعلا مش عارف اشتريها من فين وبصراحة مش عايز اشترى من محلات الصينى خاماتهم زبالة وسعر عالى عالى على الفاضى حد يعرف الاقى فين جوانات المانى او تركى او جوانات بس تصنيع نضيف وكم هيكون سعرها

2- يا ترى فى سير كاتينة المانى يركب مع العربية ولو فى ياريت تقولوا رقمه وعدد السنون واقول ايه لبتاع المحل علشان يفهم وشكرا
اعذرونى بس خبرتى قليلة وشكرا جدا

بالنسبة للسؤال الأول للأسف ليس عندى اجابة دقيقة له لكن المعلومة المعروفة عن فتيس الشيرى a11 الاتوماتيك انه فتيس نوبيرا بسلك و ليس كهرباء و غالبا الجوانات هتكون متشابهة ان شاء الله فالأفضل تفك الجوانات و تروح لبتوع دايو و تسأله عنه و تقارنه باللى معاك أو انك تفصله عند واحد بتاع جوانات بس تقوله انك عايزه بنفس التخانة و بخامه نظيفة و الحل ده تخليه لو لم تجد عند بتوع الدايو و بكده تكون بعدت عن بتوع الصينى اللى حاجتهم ازفت من الزفت و اغلى من الالمانى كمان و بيستغلوا جهل بعض الناس اللى مش عارفين خفايا العربية
اما السؤال الثانى فعندك نوعين أو ثلاثة من ماركات سيور الكاتينة فيه واحد صاحبنا فى المنتدى غيره بماركة يابانى اسمها sun و فيه ماركة تانى ايطالى برضه بيشكروا فيها اسمها دايكو و انا شخصيا بستعمل ماركة المانى اسمها Contitech و برضه دى مشهورة جدا و بشتريها من واحد اسمه الهوارى فى شارع رمسيس امام المسرح القومى بالظبط و هو بتاع جملة و معروف جدا هناك و عنده كل الانواع انت تقوله سير كاتية فورد اسكورت 1600 كاربراتير 97 سنة و هو مكتوب على العلبه انه بتاع اسكورت مو 99 و رقمه هو CT-729 و سعره عند بتاع الجملة حوالى 80 جنيه و بره تلاقيه ب 120 جنيه تقريبا و هذا موضوع ممكن يفيدك ادخل عليه و اقرأه و انا تحت امرك
بالتوفيق