تجربتي الحصول علي بطاقة الخصم المباشر "ديبت" البنك الاهلي المصري

كنت عملت فيزا انترنت للبنك العربي الافريقي وبعد ما عملتها اكتشفت ان في مواقع كتير بترفضها والسبب مجهول للبنك وبتوع البنك يقولولي ارجع للموقع وبتوع الموقع يقلولي ارجع للبنك فقررت اني اخليها اشحن بيها موبينيل فقط "الوحيده اللي اشتغلت معاها " وقولت ادور علي حاجه تانيه
روحت البنك الاهلي المصري وكان عندي فكره مسبقه وقولت افتح حساب جاري بدون فوائد "هروبا من الفوائد الربويه " وافتكرت اعلان اوم اطمن علي فلوسك
الحد الدني لعمل الحساب 500 جنيه مصري
مصاريف فتحه 25
مصاريف اصدار بطاقه خصم "ديبيت" 25 جنيه
مصاريف ربع سنويه 30 جنيه
وتوكلت علي الله وفتحته وقولت ما اقوم اتطمن علي فلوسي
الموظف عمل الحساب واداني رقم الحساب وقالي حط نقديه فيه بقي وتعالي بعد عشر ايام استلم الفيزا
وفعلا بعد عشر ايام استلمت الفيزا اللي طلعت مش فيزا طلعت ماستر كارد وقولت للموظف اني عايز استخدمها علي النت كتبلي طلب وقالي بعد 48 ساعه تقدر تستخدمها علي النت وكتبلي طلب تاني علشان اشترك في خدمة الاهلي نت اللي عن طريقها تعرف تفاصيل حسابك من علي الانترنت
وبالفعل بعد 48 ساعه حاولت استخدمها لكن فشلت المحاوله واتصلت بخدمة العملاء قالولي لازم تعمل سكيور كود للبطاقه ادخل اعمله وقابلتني مشكله كبيره علشان اعمل السكيور كود ده كل مره يجي في خطوة ادخال الاسم وتاريخ انتهاء البطاقه واخر 6 ارقام من البطاقه الشخصيه ويقولي البيانات غير دقيقه واعد المحاوله اتصلت بالبنك اكتر من مره ويقلولي قدمنا طلب وبعد ساعتين هاتنجح ولكن برضو فشلت لحد ما ربنا الهمني لحل بسيط اني في الخطوة اللي قبلها اللي بيطلب مني البريد الالكتروني بتاعي اسيبها فاضيه وما اكتبش الايميل بتاعي وفعلا مشيت بعدها تمام وعملت السكيور كود وده رقم بيطلبه منك الموقع اللي بتشتري منه او بتدفع فاتورتك منه وده للامان ودي ميزه الصراحه جميله جدا واشتغت معايا علي النت تمام واول ما دفعت الفاتوره لقيت رساله علي الموبايل بقيمة العمليه
المفاجأه الحلوه بقي ان ماكينات البنك الاهلي ممكن تعمل ايداع عن طريقها ودي وفرت معايا كتير اوي لان الفرع بيبيقي زحمه دايما انما عن طريق الماكينه بعمل ايداع في دقيقه واحده
مميزات البطاقه اللي شوفتها لحد الان
السكيور كود
رساله الموبايل بعد كل عمليه
انتشار ماكينات البنك الاهلي
الايداع عن طريق الماكينه
ما فيش اي عموله للبنك عند السحب النقدي او المشتريات
في عرض كاش باك 5% علي قيمة مشترياتك بحد اقصي 100 جنيه في خلال مدة العرض يعني تعمل مشتريات ب 2000 جنيه بما فيهم اي تعامل علي النت زي دفع الفواتير
العيوب
شكل البطاقه تعبان وطريقه كتابه الاسم والارقام بكتابه ممكن تتمسح مع الوقت
خدمة العملا بيكونو حافظين مش فاهمين وتقريبا معظم البنوك كده

فاضل بقي خدمة الاهلي فون كاش دي ما ردتش اشترك فيها الصراحه هي الي الان مجانيه بس هاتبقي بفلوس تقريبا 10 جنيه في الشهر
سألت الموظف لو اشتريت اي حاجه بالدولار في اي عموله هاتنضاف عليا قالي لا هو تحويل المبلغ بسعر الصرف بس

الفلوس تظهر فى البطاقة بعد كام يوم من الايداع ؟؟؟؟

اقتباس:

---

المشاركة الأصلية كتبت بواسطة a.saad

الفلوس تظهر فى البطاقة بعد كام يوم من الايداع ؟؟؟؟

---

كل الايداعات اللي عملتها كانت من عن طريق الماكينه والوصل بيطع علي طول بالحساب الجديد بعد اضافه مبلغ الايداع ولما بوصل البيت وبفتح الاهلي نت بلاقي الرصيد زاد قيمة الايداع اللي حصل

ألف شكر على التجربة
أنا معايا ماستر كارد البنك الأهلي المصري برده بس انا مفهمتش انت عملت ماستر كارد ولا ديبيت كارد ؟ أعتقد الاتنين غير بعض
اللي معايا لونها ذهبي وشكلها حلو مش وحش والاسم محفور مش بيتمسح وليها حد ائتماني بيتجنب من حسابك الجاري حسب الحد بتاعك أنا عامله 5000 جنيه وفيها شريحة يعني بقدر أستخدمها برده في ماكينات الفيزا في المحلات والمولات .. انت الي معاك عاملة ازاي ؟ وهل ينفع تستخدمها في المحلات ولا على النت بس ؟
أي بنك بيبقى فيه ماكينات إيداع بتقدر تشحن البطاقة عن طريق الماكينة بدل ما تروح الفرع بس عدد الماكينات ده بيختلف من بنك للتاني والبنك الأهلي أعتقد الماكينات منتشرة إلى حد ما عن بنوك تانية كتير
مش علطول المبلغ بيظهر في وقتها لما بتشحنه أحيانا ممكن يقعد يوم كامل بس غالبا مش بيطول يعني لو شحنت الصبح ممكن على بالليل المبلغ يسمع وده عيب لأن في بنوك تانية المبلغ بيظهر في لحظتها بس معرفش برده ده بيختلف حسب الكارت ائتماني ولا ديبيت ولا لأ
آخر حاجة لو اشتريت حاجة بالدولار بياخدوا عمولة 2.5% على إجمالي المبلغ غير سعر الصرف الرسمي يعني لو الدولار في البنك ب7.50 مثلا هما بيحاسبوك على 7.69 تقريبا بس أحيانا العمولة بتبقى لوحدها يعني هتوصلك رسالة إن المبلغ اللي اتخصم هو سعر الصرف بالضبط لكن العمولة ممكن تنضاف بعدين ده اللي لاحظته بعد تعامل سنين معاهم

لسة عامل عملية ب 1 دولار حالا ولقيته خصم 7.91 جنيه !
مفروض لو العمولة 2.5% يبقى المبلغ 7.82 لأن سعر الصرف دلوقتي 7.63
معرفش بقى هما بيحسبوا الدولار سوق سودا ولا إيه بالضبط ده حتى 7.91 ده أعلى من السوق السودا كمان !!

انا اشتركت فى خدمه اسمها فون كاش و دى مجانيه مش عارف حتبقى بفلوس و لا تقدر تعمل بييها كل عمليات فورى تحويل رصيد شحن موبايل دفع فاتوره التليفون خد 3 جنيه زياده بتملى ابلكيشن فى الفرع و بيبعت لك على التليفون لينك تنزل البرنامج و تخش بباس ورد تنقل من حسابك اى مبلغ للمحفظه بتاعه الكاش فون و اول ما تنقل بيجيلك رساله على التليفون كانك سحبت من الماكنه و الراجل راسه و الف سيف اعمل بطاقه ائتماننيه حد 5000 جنيه و رسومها 50 جنيه سنوى بس لسه ما استلمتهاش و ممكن اقسط اى حاجه اشتريها عن طرقها

اقتباس:

---

المشاركة الأصلية كتبت بواسطة أبو آسر

لسة عامل عملية ب 1 دولار حالا ولقيته خصم 7.91 جنيه !
مفروض لو العمولة 2.5% يبقى المبلغ 7.82 لأن سعر الصرف دلوقتي 7.63
معرفش بقى هما بيحسبوا الدولار سوق سودا ولا إيه بالضبط ده حتى 7.91 ده أعلى من السوق السودا كمان !!

---

اقتباس:

---

المشاركة الأصلية كتبت بواسطة أبو آسر

ألف شكر على التجربة
أنا معايا ماستر كارد البنك الأهلي المصري برده بس انا مفهمتش انت عملت ماستر كارد ولا ديبيت كارد ؟ أعتقد الاتنين غير بعض
اللي معايا لونها ذهبي وشكلها حلو مش وحش والاسم محفور مش بيتمسح وليها حد ائتماني بيتجنب من حسابك الجاري حسب الحد بتاعك أنا عامله 5000 جنيه وفيها شريحة يعني بقدر أستخدمها برده في ماكينات الفيزا في المحلات والمولات .. انت الي معاك عاملة ازاي ؟ وهل ينفع تستخدمها في المحلات ولا على النت بس ؟
أي بنك بيبقى فيه ماكينات إيداع بتقدر تشحن البطاقة عن طريق الماكينة بدل ما تروح الفرع بس عدد الماكينات ده بيختلف من بنك للتاني والبنك الأهلي أعتقد الماكينات منتشرة إلى حد ما عن بنوك تانية كتير
مش علطول المبلغ بيظهر في وقتها لما بتشحنه أحيانا ممكن يقعد يوم كامل بس غالبا مش بيطول يعني لو شحنت الصبح ممكن على بالليل المبلغ يسمع وده عيب لأن في بنوك تانية المبلغ بيظهر في لحظتها بس معرفش برده ده بيختلف حسب الكارت ائتماني ولا ديبيت ولا لأ
آخر حاجة لو اشتريت حاجة بالدولار بياخدوا عمولة 2.5% على إجمالي المبلغ غير سعر الصرف الرسمي يعني لو الدولار في البنك ب7.50 مثلا هما بيحاسبوك على 7.69 تقريبا بس أحيانا العمولة بتبقى لوحدها يعني هتوصلك رسالة إن المبلغ اللي اتخصم هو سعر الصرف بالضبط لكن العمولة ممكن تنضاف بعدين ده اللي لاحظته بعد تعامل سنين معاهم

---

اللي عاملها ديبت كارد نوعها ماستر كارد اللي انت بتحكي عنها دي كريديت كارد وبرضو نوعها ماستر كارد تقريبا معظم كروت البنك الاهلي بيعملها مع ماستر مش فيزا وانا بشتري منها من المحلات عادي بس الفرق بينها وبين الكريدت ان دي حدها هو الحساب نفسه يعني مالهاش حد ائتماني
بس هو انت لما بتعمل ايداع الرصيد الجديد ما بيطلعلكش في الوصل ؟؟؟
ما جربتش لسه اشتري بالدولار بس كلام الموظف قالي مافيش عموله وواحد في منتدي تاني قالي برضو كده ان معاه بطاقه ديبيت وما فيش عموله ممكن يكون الموظف مش عارف او يكون في اختلاف فعلا بين الديبت والكريدت
بس بالنسبه ليا ما فيش موضوع الاهلي بوينتس بتاع نقاط المشتريات ده ما فيش غير عرضالكاش باك الخمسه في الميه وده ليه حد اقصي اني استرد ١٠٠ جنيه بس
انت استفدت من موضوع النقط ده ؟؟ كنت عايز اعرف مميزات الكريدت في موضوع المشتريات

اقتباس:

---

المشاركة الأصلية كتبت بواسطة magid1010

انا اشتركت فى خدمه اسمها فون كاش و دى مجانيه مش عارف حتبقى بفلوس و لا تقدر تعمل بييها كل عمليات فورى تحويل رصيد شحن موبايل دفع فاتوره التليفون خد 3 جنيه زياده بتملى ابلكيشن فى الفرع و بيبعت لك على التليفون لينك تنزل البرنامج و تخش بباس ورد تنقل من حسابك اى مبلغ للمحفظه بتاعه الكاش فون و اول ما تنقل بيجيلك رساله على التليفون كانك سحبت من الماكنه و الراجل راسه و الف سيف اعمل بطاقه ائتماننيه حد 5000 جنيه و رسومها 50 جنيه سنوى بس لسه ما استلمتهاش و ممكن اقسط اى حاجه اشتريها عن طرقها

---

عايز استفسر عن الفون كاش ده انت بتشحن لاي موبايل دلوقتي بنفس القيمه يعني مثلا لو شحنت بعشره جنيه بيخصم منك عشره جنيه ويتحول رصيد لرقم الموبايل بعشره جنيه ولا في عموله لفوري ؟؟؟ وايه تقصد بال ٣ جنيه الزياده دي ؟
اعتقد موضوع التقسيط ده مش كل حاجه تقدر تقسطها لازم تكون شاري الحاجه من محل اسمه مكتوب في عرض التقسيط ده http://www.nbe.com.eg/pdf/installments.pdf ده التقسيط بدون فايده
في تقسيط تاني بس ليه عموله بتختلف من مده القسط وده تقدر تعمله عن اي مشتريات من اي مكان بس لازم تكون فوق ال ٥٠٠ جنيه وده كله للكريدت كارد

اقتباس:

---

المشاركة الأصلية كتبت بواسطة أبو آسر

لسة عامل عملية ب 1 دولار حالا ولقيته خصم 7.91 جنيه !
مفروض لو العمولة 2.5% يبقى المبلغ 7.82 لأن سعر الصرف دلوقتي 7.63
معرفش بقى هما بيحسبوا الدولار سوق سودا ولا إيه بالضبط ده حتى 7.91 ده أعلى من السوق السودا كمان !!

---

عادى مش عموله بس ده سعر الصرف من النترنت او لو استخدمتها بره
انا كنت مسافر لما كان فى البنك ب 740 و محاسبينى على 766

اقتباس:

---

المشاركة الأصلية كتبت بواسطة ledous

اللي عاملها ديبت كارد نوعها ماستر كارد اللي انت بتحكي عنها دي كريديت كارد وبرضو نوعها ماستر كارد تقريبا معظم كروت البنك الاهلي بيعملها مع ماستر مش فيزا وانا بشتري منها من المحلات عادي بس الفرق بينها وبين الكريدت ان دي حدها هو الحساب نفسه يعني مالهاش حد ائتماني
بس هو انت لما بتعمل ايداع الرصيد الجديد ما بيطلعلكش في الوصل ؟؟؟
ما جربتش لسه اشتري بالدولار بس كلام الموظف قالي مافيش عموله وواحد في منتدي تاني قالي برضو كده ان معاه بطاقه ديبيت وما فيش عموله ممكن يكون الموظف مش عارف او يكون في اختلاف فعلا بين الديبت والكريدت
بس بالنسبه ليا ما فيش موضوع الاهلي بوينتس بتاع نقاط المشتريات ده ما فيش غير عرضالكاش باك الخمسه في الميه وده ليه حد اقصي اني استرد ١٠٠ جنيه بس
انت استفدت من موضوع النقط ده ؟؟ كنت عايز اعرف مميزات الكريدت في موضوع المشتريات

---

لما بعمل إيداع بيديني إيصال وكل حاجة بس المبلغ مش بيسمع غير بعدها بشوية ولو عملت إيداع يوم الخميس مثلا بعد ما البنك بيقفل ممكن ميسمعش غير يوم الأحد ! وده بيعملي مشكلة أحيانا في شغلي لأنهم بيقولوا خلال 24 ساعة عمل لكن معظم الأحيان مش بيتأخر عن 12 ساعة وأحيانا أقل
بخصوص الدولار أعتقد أي تعامل من خلال أي كارت سواء كريديت أو ديبيت لازم يكون عليه عمولة للبنك وعموما أحسن حل هو التجربة
موضوع النقط ده مكنتش مهتم بيه ومتابعتوش غير لما فكرتني انت دلوقتي ودخلت الموقع وسجلت وفوجئت إن عندي أكتر من 231 ألف نقطة :10D5C8w1107: وأقدر أشتري بيهم كوبونات خصم من محلات كتير يعني مثلا ال100 ألف نقطة بيدوني كوبون ب1000 جنيه من كمبيومي يعني ممكن النقاط بتاعتي تديني كوبون بحوالي 2300 جنيه :)
ألف شكر على التنبيه

اقتباس:

---

المشاركة الأصلية كتبت بواسطة أبو آسر

لما بعمل إيداع بيديني إيصال وكل حاجة بس المبلغ مش بيسمع غير بعدها بشوية ولو عملت إيداع يوم الخميس مثلا بعد ما البنك بيقفل ممكن ميسمعش غير يوم الأحد ! وده بيعملي مشكلة أحيانا في شغلي لأنهم بيقولوا خلال 24 ساعة عمل لكن معظم الأحيان مش بيتأخر عن 12 ساعة وأحيانا أقل
بخصوص الدولار أعتقد أي تعامل من خلال أي كارت سواء كريديت أو ديبيت لازم يكون عليه عمولة للبنك وعموما أحسن حل هو التجربة
موضوع النقط ده مكنتش مهتم بيه ومتابعتوش غير لما فكرتني انت دلوقتي ودخلت الموقع وسجلت وفوجئت إن عندي أكتر من 231 ألف نقطة :10D5C8w1107: وأقدر أشتري بيهم كوبونات خصم من محلات كتير يعني مثلا ال100 ألف نقطة بيدوني كوبون ب1000 جنيه من كمبيومي يعني ممكن النقاط بتاعتي تديني كوبون بحوالي 2300 جنيه :)
ألف شكر على التنبيه

---

الف مبروك يا باشا وعقبال النقط اللي جايه
بالنسبه للدولار موضوع العموله مكتوب هنا http://www.nbe.com.eg/BankBook/Tariffs%20Booklet.pdf للبطاجقات الائتمانيه فقط عموما انا هاجرب في اقرب وقت ونشوف
مبروك مره اخري للنقط وربنا يبارك فيك وفي اسرتك واموالك

انا معايا كارت الدبيت ولسه ماتعملتش بيه .
وعندي نفس مشكلة اسجله علي النت secure code هو لازم تكون ائتمانية مش دبيت ؟ علشان اشتري بيها ع النت
وعلشان انا فاتح الحساب ف الفرع الاسلامي قالولي احنا مش بنطلعها من عندنا لو عايز روح اي فرع تاني وبعد كده اربطها علي حسابك هنا .. هو معني كده هافتح حساب تاني جديد ف فرع تاني ولا ااايه ؟؟

اقتباس:

---

المشاركة الأصلية كتبت بواسطة ledous

عايز استفسر عن الفون كاش ده انت بتشحن لاي موبايل دلوقتي بنفس القيمه يعني مثلا لو شحنت بعشره جنيه بيخصم منك عشره جنيه ويتحول رصيد لرقم الموبايل بعشره جنيه ولا في عموله لفوري ؟؟؟ وايه تقصد بال ٣ جنيه الزياده دي ؟
اعتقد موضوع التقسيط ده مش كل حاجه تقدر تقسطها لازم تكون شاري الحاجه من محل اسمه مكتوب في عرض التقسيط ده http://www.nbe.com.eg/pdf/installments.pdf ده التقسيط بدون فايده
في تقسيط تاني بس ليه عموله بتختلف من مده القسط وده تقدر تعمله عن اي مشتريات من اي مكان بس لازم تكون فوق ال ٥٠٠ جنيه وده كله للكريدت كارد

---

بشحن لاى موبايل بنفس القيمه يعنى بسحب من الرصيد مثلا 100 و بحطه فى المحفظه بتاعه فون كاش و بشحن انا جربت فودافون ما ضفش اى مبلغ زياده بس لما جيت اسدد فاتوره تليفون الارضى زود 3 جنيه خدمه رسوم فورى

اقتباس:

---

المشاركة الأصلية كتبت بواسطة bisoo

انا معايا كارت الدبيت ولسه ماتعملتش بيه .
وعندي نفس مشكلة اسجله علي النت secure code هو لازم تكون ائتمانية مش دبيت ؟ علشان اشتري بيها ع النت
وعلشان انا فاتح الحساب ف الفرع الاسلامي قالولي احنا مش بنطلعها من عندنا لو عايز روح اي فرع تاني وبعد كده اربطها علي حسابك هنا .. هو معني كده هافتح حساب تاني جديد ف فرع تاني ولا ااايه ؟؟

---

انا اللي معايا ديبت وشغال بيها علي النت عادي خالص بس الاول لازم تقدم طلب في الفرع بتاعك انك عايز تفعلها علي النت وبعد يومين بتعمل السكيور كود بتدخل هنا البنك الأهلي المصري وتضغط علي التسجيل في الخدمة وتمشي الخطوات وكانت قبلتني مشكله اتحلت ان في خطوة كتابه الايميل بسيبها فاضيه واكمل البينات وبتسجل عادي السكيور كود

اقتباس:

---

المشاركة الأصلية كتبت بواسطة magid1010

بشحن لاى موبايل بنفس القيمه يعنى بسحب من الرصيد مثلا 100 و بحطه فى المحفظه بتاعه فون كاش و بشحن انا جربت فودافون ما ضفش اى مبلغ زياده بس لما جيت اسدد فاتوره تليفون الارضى زود 3 جنيه خدمه رسوم فورى

---

ادفع بعد كده الفواتير بتاع التليفون الارضي عن طريق الكارد ما بيخدش اي فلوس زياده وبتضاف علي انها مشتريات ليك يا بتاخد كاش باك لو انت في عرض الكاش باك يا نقاط لو انت كريديت كارد