العربيه مش عايزه تدور (لانوس 2013)
السلام عليكم ورحمة الله
بعد حيره ولف كتير لاقيت اخيرا عربيه لانوس 2013 واشتريتها الحمد لله
واحنا بنجرب العربيه في المعرض العربيه ما دارتش جه صاحب المعرض مدور العربيه اللي جنبها وعمل توصيله وقوم البطاريه وشرطنا عليه لو هناخد العربيه هايغير البطاريه ببطارية عربيه من عنده تمام اتفقنا على الفلوس وكل حاجه قولنا نقوم بقى نجرب العربيه جينا ندورها مادارتش تاني رحنا مغيرين البطاريه وحاول صاحب المعرض مادارتش قام جايب ريموت جهاز فصل الكهربا وداس على زرار الباور وحوال يشغل مره واتنين العربيه دارت جربناها ورجعنا دفعنا الفلوس وكتبنا العقد وقمنا شغلنا العربيبه اشتغلت عادي طلعنا على البنزينه فولنا التنك وشغلنا العربيه برضو اشتغلت عادي ركنتها تحت البيت وجيت تاني يوم بدورها حلفت مية يمين ماهي دايره جبت ريموت فصل الكهرباء وجربت كل زرايره برضو ما دارتش وحاليا مستني سيادة حضرة اللوا الكهربائي يتطعطف ويجي يشوف فيها ايه
ملحوظه العربيه عاجباني جدا والحمد لله حالتها كويسه بس مشكلة الدوراه دي (واعتقد انها مشكلة كهربا) هي اللي مضايقاني
في راي الخبراء ايه هي الاحتمالات
