مشاكل في بيرسونا زيرو

**ibrahem_sayed** · 07-02-2015 10:06 PM

السلام عليكم ورحمه الله وبركاته

أنا الحمد لله أشتريت بيرسونا 2014 الاسبوع اللي فات من التوكيل
أحب أقول بس اني كنت متردد لسه وبفكر أشتري كروز مستعملة او تيدا بس بالصدفة وانا قاعد بليل وصلت للمنتدى ده وقعدت عليه 4 ساعات قريت فيها كل حاجة عن العربية وصحيت تاني يوم روحت اشتريتها مباشرة من التوكيل (( وطبعا عرفت يعني ايه توكيل عز العرب الزبالة ))
المهم وأنا بستلم العربية كان فيها حاجة زي خبطة ورا جنب التانك طبعا ما ردتش أستلم و جابولي واحدة تانية من المخزن بس وانا بستلم لاحظ شوية حاجات كده :
1-ان الباب اللي ورا مبيقفلش كويس لازم يترزع مرة واتنين جامد عشان يتقفل
2-الدركسيون فيه تزييقة لما بكسره عالاخر وانا راجع ورا او طالع لقدام
3-حاسس ان الفرامل تقيله ولو دوست عليها فجأة هتعملها معايا
4- الريموت أحيانا بيفتح الشنطة واحيانا لأ معرفش هو ليه دوسة معينة ولا ايه بس في التوكيل مش فاهمين حاجة ده حتى الراجل اللي بيسلمني العربية مكنش عارف يفهمني الكمبيوتر بتاع التابلوه ولا حتى مثبت السرعة
5-افي كمان حاجة أخيرة وانا راجع بيها من التوكيل لقيت سواق تاكسي جه جمبي بيقولي (( ألف مبروك بس العجل اللي ورا بيرقص )) وصاحبي اللي كان ماشي ورايا قالي نفس الكلام بعد ما وصلنا روحت لواد بتاع كاوتش خليته يقرط على المسامير كويس وقالي يا باشا خلي عفشجي يقرطلك عالعفشة ... تاني يوم روحت التوكيل طلع مش فاهم حاجة برضو ولما طلعنا جربناها ومشيت ورا عربيتي بعربية تانية ملقتش حاجة !!!!!! طب ده كان ايه وهتعمل كده تاني ولا لأ ؟؟؟

وأسف على الاطالة وشرف ليا اني انضميت ليكوا ......

**Sameyes** · 08-02-2015 12:50 PM

مبروك على العربية الجديدة ربنا يحفظك ويكفيك شرها. هي عربية جميلة قوية بس محتاجة شوية وقت
١- مفيش عربية كاملة في العالم
٢- التوكيل زفت
٣- أي مشكلة تلاحظها قولهم عليها في صيانة الألف وهما هيعملوها غصب عن عنيهم
٤- أي مشكلة رئيسية تأثر على صلاحية العربية وآمانة القيادة روح طوالي عليهم في التوكيل وإعملها ولو رخموا إستخدم كل الأساليب الشرعية والغير شرعية معاهم علشان هما ميستهلوش غير كده ولو عرفت تظبط حد هناك هيظبطك.. أيوه
٥- الريموت رغم وتعايش معاه ولو عرفت تظبطه هناك ياريت
٦- إبقى قولنا إيه الأخبار أول بأول
مبروك عليك مرة تانية

**frimag** · 08-02-2015 01:01 PM

ربنا يباركلك فيها ويعطيك خيرها ويكفيك شرها
أنا كنت بفكر أجيب واحدة قريب من التوكيل انشاء الله فممكن أكلمك أعرف منك شوية تفاصيل
ده أميلى ممكن نتواصل من خلاله
ehab.esmail@gmail.com

**mfarouk85** · 08-02-2015 09:41 PM

المشاركة الأصلية كتبت بواسطة ibrahem_sayed

3-حاسس ان الفرامل تقيله ولو دوست عليها فجأة هتعملها معايا
4- الريموت أحيانا بيفتح الشنطة واحيانا لأ معرفش هو ليه دوسة معينة ولا ايه بس في التوكيل مش فاهمين حاجة ده حتى الراجل اللي بيسلمني العربية مكنش عارف يفهمني الكمبيوتر بتاع التابلوه ولا حتى مثبت السرعة .[/right]

أنا برده لسة جايب persona 2014 من 3 اسابيع, هي أول عربية ليا فـمش هفيدك كتير
بس بالنسبة للشنطة بتتفتح من الريموت بس لازم تكون العربية أصلا مفتوحة, وبعدين تدوس مرتين ورا بعض عشان الشنطة تتفتح, بس هو عموما الريموت حاسس إن مدااه قصير لازم تبقى قريب , مش عارف ده معايا بس ولا حاجة عامة
بالنسبة للفرامل, هي مشوارها طويل شوية راعي بس ماتجرييش وسيب مسافة بينك وبين اللي قدامك لحد ماتاخد عليها
بالنسبة لمثبت السرعة, كل اللي بتعمله إنك تدوس على الزرار اللي في آخر دراع المثبت, ده هيخلي لمبة orange في التابلوه تنور, بعدين أول ماتوصل للسرعة اللي إنت عاوزها تدوس على الدراع لتحت أو فوق, كده السرعة هتثبت وممكن تشيل رجلك خالص من على البنزين , وهتلاقي لبمة التابلوه بقت خضرا
أول ماهتدوس فرامل, المثبت هيقف, واللمبة هترجع orange تاني ممكن تدوس على الزرار عشان تفصله خالص أو ترجع تدوس على الدراع لتحت عشان تثبت السرعة تاني

ومبروك عليك

**ibrahem_sayed** · 08-02-2015 10:43 PM

المشاركة الأصلية كتبت بواسطة sameyes

مبروك على العربية الجديدة ربنا يحفظك ويكفيك شرها. هي عربية جميلة قوية بس محتاجة شوية وقت
١- مفيش عربية كاملة في العالم
٢- التوكيل زفت
٣- أي مشكلة تلاحظها قولهم عليها في صيانة الألف وهما هيعملوها غصب عن عنيهم
٤- أي مشكلة رئيسية تأثر على صلاحية العربية وآمانة القيادة روح طوالي عليهم في التوكيل وإعملها ولو رخموا إستخدم كل الأساليب الشرعية والغير شرعية معاهم علشان هما ميستهلوش غير كده ولو عرفت تظبط حد هناك هيظبطك.. أيوه
٥- الريموت رغم وتعايش معاه ولو عرفت تظبطه هناك ياريت
٦- إبقى قولنا إيه الأخبار أول بأول
مبروك عليك مرة تانية

الله يبارك فيك يا باشا وانا انشاء الله ناوي أسود عيشتهم في صيانة ال1000 من غير ما تقول
تسلملي يا كبير

**ibrahem_sayed** · 08-02-2015 10:44 PM

المشاركة الأصلية كتبت بواسطة frimag

ربنا يباركلك فيها ويعطيك خيرها ويكفيك شرها
أنا كنت بفكر أجيب واحدة قريب من التوكيل إن شاء الله فممكن أكلمك أعرف منك شوية تفاصيل
ده أميلى ممكن نتواصل من خلاله
ehab.esmail@gmail.com

الله يبارك فيك يا باشا وياريت لو ايميل الفيس يبقى أحسن وانا تحت أمرك
lost_spectra@yahoo.com

**ibrahem_sayed** · 08-02-2015 10:47 PM

المشاركة الأصلية كتبت بواسطة mfarouk85

أنا برده لسة جايب persona 2014 من 3 اسابيع, هي أول عربية ليا فـمش هفيدك كتير
بس بالنسبة للشنطة بتتفتح من الريموت بس لازم تكون العربية أصلا مفتوحة, وبعدين تدوس مرتين ورا بعض عشان الشنطة تتفتح, بس هو عموما الريموت حاسس إن مدااه قصير لازم تبقى قريب , مش عارف ده معايا بس ولا حاجة عامة
بالنسبة للفرامل, هي مشوارها طويل شوية راعي بس ماتجرييش وسيب مسافة بينك وبين اللي قدامك لحد ماتاخد عليها
بالنسبة لمثبت السرعة, كل اللي بتعمله إنك تدوس على الزرار اللي في آخر دراع المثبت, ده هيخلي لمبة orange في التابلوه تنور, بعدين أول ماتوصل للسرعة اللي إنت عاوزها تدوس على الدراع لتحت أو فوق, كده السرعة هتثبت وممكن تشيل رجلك خالص من على البنزين , وهتلاقي لبمة التابلوه بقت خضرا
أول ماهتدوس فرامل, المثبت هيقف, واللمبة هترجع orange تاني ممكن تدوس على الزرار عشان تفصله خالص أو ترجع تدوس على الدراع لتحت عشان تثبت السرعة تاني

ومبروك عليك

الله يبارك فيك يا باشا و ألف شكر عالافادة

**shshtawy** · 10-02-2015 08:14 AM

1. الباب وصوت الدركسيون كانوا عندی وعملتهم فی صيانة الاف
2. الفرامل فی الصيانة قلهم يرجلشوا عليها ولو فيها هواه يسحبوة
3. العفشة متقلقش منها وهتلاقی السواق كان بيستزرف

**ibrahem_sayed** · 14-02-2015 03:45 PM

المشاركة الأصلية كتبت بواسطة shshtawy

1. الباب وصوت الدركسيون كانوا عندی وعملتهم فی صيانة الاف
2. الفرامل فی الصيانة قلهم يرجلشوا عليها ولو فيها هواه يسحبوة
3. العفشة متقلقش منها وهتلاقی السواق كان بيستزرف

تسلم يا كبير عالمشاركة

**memo_p910** · 14-02-2015 06:47 PM

الف مبروك واختيار موفق ان شاء الله
بالنسبه ان العجله بترقص ده كلام مش حقيقي ماتقلقش
حضرتك جبتها بكام وايه الالوان الموجوده هناك

الموضوع: مشاكل في بيرسونا زيرو

LinkBack

أدوات الموضوع

عرض

-

-

المواضيع المتشابهه

عاوز اشترى عربية زيرو وبفكر فى بيرسونا او افيو او كيا ريو ممكن الافادة

رينو ميجان ٢٠٠٨ او بروتون بيرسونا زيرو

بيرسونا أو جين2 زيرو ولا لانسر مستعمله

لانسر 2007 و لا بيرسونا \ جين2 زيرو

مشاكل كاسيت نيو اكسنت زيرو 2010

الكلمات الدلالية لهذا الموضوع

المفضلات

المفضلات

ضوابط المشاركة