احكلنا عن اطرف موقف حصلك مع بداياتك فى السواقة
::driving::driving::driving::driving::driving::dri ving
عرض للطباعة
احكلنا عن اطرف موقف حصلك مع بداياتك فى السواقة
::driving::driving::driving::driving::driving::dri ving
الحمد لله عديت من غير مواقف
مرة الصبح، كان الاوتوستراد واقف. فا واحد خد غرزة و حك في اكصدام العربية اللي قدامة و جري بسرعة.. فا انا اللي ورا بقي.. فا نزلي، و انت اللي خبطني.. حرام عليك، يا استاذ مش انا! والهي مش انا! اللي خبطك جري.. لغاية ما اقتنع عشان عربيتي مفهاش اي حكة! و كان يوم ازرق!
كنت فاكر ان اي عربيه ممكن تطلع علي التاني :d
اول ما اتعلمت السوافه كان علي عربيه متسوبيشي فان غريبه كده
فكان تالت مره ليا عليا وهارجع بقي بالعربيه فعصايه الفتيس كانت في الدريكسيون
فبدل ماجيب مارشدير جبت اولاني وببص ورا واللي قاعد جنبي بيبص معايا والاقي العربيه بتبعد والمشكله بقي ان كان قدامي حيطه ههههههههههه
كان موقف مسخره بس لحقت العربيه في الاخر
اتعلمت علي 128 مفيهاش حاجة سليمة غير اكر البيبان
ماشي في جامعة الدول هوب الاقي ميني باص افتكر يطلع و انا كابس فرامل علي الاخر و مفيش مبتقفش بس مخبطوش
التاني في نفس اليوم في إشارة مصطفي محمود العربية فصلت اكتر من 4 مرات و الشارع واقف ورايا
كانت لانوس اتوماتك ركنت على جنب عشان اعدي عربية وجاي طالع قمت كابس بنزين بدل فرامل و كنت في عربية راكنة على جنب
و كنت خلاص هدخل فيها بس لحقت نفسي و قمت دايس فرامل و الحمد لله عدت على خير
كان معايا عربيه 127 وكنت خارج من شارع جانبي بظهر العربيه
فكان فى واحد نايم تحت عربيه بيصلح فيها حاجه وممدد رجله ف الشارع
بس انا مكنتش شيفه علشان راجع بظهري
فجاه زي مكون طلعت فوق طوبه واسمع حد بيقول اااااااااااه
عديت العجل الى ورا والعجل الى قدام عاااادي مهتمتش
فجاه ببص قدامي لقيت ركب بني ادمين على الارض والراجل بيقول ااااااااااااااه
انا استغربت مين ده وايه الى جابه هناااا
كان معايا ولدتي وقتها قلتلى انزل شوفه ايه حصله ... قولتلها سعتها دانا هنزل اشتمه ايه الى جابه تحت العربيه ههههههه
نزلت الراجل ياعيني مكنش قادر يتكلم بس شويه واسترد عافيته وكان عايز يتخانق معايا بس كان جمب بتنا فالجيران تعملو معاه واانا سبتهم وكملت مشوارى
انا كنت لسه بتعلم علي 128 وداخل في شارع وكان ضيق وجنبي عمود نور دخلت فيه بجنب العربيه كله
نظرات الناس لان كنت صغير فالسن
حوالي 11 سنة كان الناس بتسيب الطريق
وتفضل تبص عليا بس طبعا كانت شوارع داخلية