تقييم صيانة ال5000 لكيا سيراتو بأبو رواش

النهاردة كنت بعمل صيانة ال5000 للسيراتو بأبو رواش
وطبعا كنت مكلمهم قبلها وواخد ميعاد الساعة 10.30 النهاردة
المهم وصلت التوكيل على الساعة 10.45 صباحا
وأديتلهم كتيب الضمان والرخصة والمفتاح
وقعدوا يسجلوا فى بيانات العربية ما يقرب من نصف ساعة
وقلت للمهندس ملاحظاتى وكان أهمها وجود حدفة يمين فى العربية من يوم إستلامها (كنت مكسل أروح لهم علشانها)
ورحت صالة الأنتظار والبوفيه المتواضع كما فى الصور
http://www10.0zz0.com/thumbs/2008/11.../148996542.jpg

http://www6.0zz0.com/thumbs/2008/11/05/23/339611267.jpg

وجه عامل قاللى إن السيارة خلصت فطلعت وخليت المهندس يثبت لى الصيانة فى كتيب الضمان وقاللى ظبطنا الزوايا والعربية تمام .
رحت الخزنة ودفعت 130 جنيه تمن الزيت والفلتر .
طلعت أجرب العربية لقيت نفس الحدفة اليمين موجودة فرجعت التوكيل تانى وخليت المهندس يجربها معايا - هو لاحظ الحدفة بس قاللى إن دة ميل طريق
فقلتله العربية ماشى بيها 5000 كيلو كلها طرق مايلة ؟؟؟!!!
ورجعنا التوكيل ودخلها على ظبط الزوايا تانى وجربتها لقيت الحدفة اليمين موجودة برضه .
رجعتهاله ودخلها الورشة تانى بس أنا كنت خلاص إتخنقت .
طلعت العربية جربتها لقيت الحدفة بقت شمال !!!!
رجعت له وخليته يجربها هو وجربها وأعترف إنها بتحدف شمال فعلا !!!
قلت له يا باشمهندس واضح إن دة عيب كاوتش .
وهو أعترف إن دة عيب كاوتش فعلا بس بعد عذاب وقاللى إنه يتغير فى الضمان .
وعمل report بكدة فعلا و خدته منه وقاللى تروح بيه توكيل هانكوك
أخذت الreport ورحت بيه لمدير الضمان ومدير الصيانة وقالولى هم هيكشفوا على الكاوتش ولو محتاج تغيير هيغيروه !!!
طبعا لسه هحدد ميعاد مع توكيل هانكوك ويا عالم هيغيروه واللا لأ ؟؟؟
- غسيل العربية أى كلام
- حاسس إن العربية بقت مخنوقة شوية مش عارف ليه بس أنا كنت زهقت خلاص .
أنا تقييمى للتوكيل بصراحة 7 على 10 بالكتير

مبروك صيانة الـ 5000 وعقبال الـ 50000

ومش هقدر اقولك على اقولك على السلبيات اللى انت شوفتها غير انك اكيد فى مصر

كما جرت العادة محاولة تضليلك و يخليك تطلع انك انت الغلطان واللف والدوران لولا اصرارك

اقتباس:

---

وخليت المهندس يجربها معايا - هو لاحظ الحدفة بس قاللى إن دة ميل طريق
فقلتله العربية ماشى بيها 5000 كيلو كلها طرق مايلة ؟؟؟!!!

---

مش فاهم ايه اللى هيضروه انه يحدد ان العيب من الاطارات وكأنه هيدفع من جيبه ؟؟!!! ...لاء ولسه هتمر بنفس الفيلم مع بتوع الاطارات مع ان دى مسئوليتهم هما هو انا شارى العربية من توكيل هنكوك (حاجة تقرف)

ولو حصل حاجة فى الكاسيت هيقولك روح لتوكيل كينوود ( مسخرة والله)

يعنى الواحد لو مش فاهم وبيجادلهم علشان ياخد حقه يبقى كل سنة وانت طيب ...مع ان المفروض دى امانة العمل والمهنة .!!!

معلش ده قدرنا فى البلد دى :2:

ان شاء الله الموضوع يتحل . ويا جماعه كويس اصلا ان في حد بيسمعله انتو مبتشفوش التوكيلات التانية زي هيونداي مثلا .

الف مبروك الصيانة

متزعلش نفسك هتتحل ان شاء الله :)

اقتباس:

---

المشاركة الأصلية كتبت بواسطة ahmed_su

مبروك صيانة الـ 5000 وعقبال الـ 50000

شكرا لذوقك يا أستاذ أحمد

لاء ولسه هتمر بنفس الفيلم مع بتوع الاطارات مع ان دى مسئوليتهم هما هو انا شارى العربية من توكيل هنكوك

المشكلة إن توكيل هانكوك فى الإسكندرية وله فرع فى الدقى على ما يبدو بيشتغل يوم واحد فى الأسبوع !!!

يعنى الواحد لو مش فاهم وبيجادلهم علشان ياخد حقه يبقى كل سنة وانت طيب ...مع ان المفروض دى امانة العمل والمهنة .!!!

---

لازم تتمسك بحقك فى البلد دى ومتسيبوش طالما إنك على حق
وبصراحة التوكيل معجبنيش خالص دة كفاية الوقت اللى ضيعته هناك من 11 صباحا إلى 5 مساء .

اقتباس:

---

المشاركة الأصلية كتبت بواسطة Noha.M

الف مبروك الصيانة

---

شكرا يا نهى على ذوقك :original:

بس صحيح يا هانى اعدت من 11 ل 5 !!!!!!!!!!

انا كان ممكن يجيلي انهيار عصبي بجد

بس انا مش فاهمة يعني ايه يقولولك روح انت هانكوك !! ليه يعني هم مش توكيل !! هو انت واخد ضمان العربية من هانكوك ولا من eit و انا ان شاء الله لو حصلت اى مشكلة فى اى حتة فى العربية هيلففونى على توكيلات البلد .. لا بجد انا اتغظت اوى

انا المرة اللى فاتت كنت متحفزالهم و انا رايحة عشان مشكلة م/ احمد اسماعيل بس رجعت مبسوطة و فعلا معجبنيش مكان الاستراحة بس من تعبي من المشوار نمت و محستش بس لما صحيت كنت كل شوية اطلع و مخنوقة مش قادرة اقعد تحت

بجد متسيبش حقك و روحلهم تانى و ارمى العربية فى وشهم يتصرفو فيها هو ايه ينفع عربية زيرو تحدف مرة يمين و مرة شمال ليه غساله اوتوماتيك

اقتباس:

---

المشاركة الأصلية كتبت بواسطة Noha.M

بينفع عربية زيرو تحدف مرة يمين و مرة شمال ليه غساله اوتوماتيك

---

هاهاهاهاهاها :biggrin24::biggrin24::biggrin24:

ممكن يقلولو ابقى غير المسحوق :K15:

بس فعلا فى مصر علشان تخدى حقك لازم الصوت العالى

اقتباس:

---

المشاركة الأصلية كتبت بواسطة Noha.M

بس صحيح يا هانى اعدت من 11 ل 5 !!!!!!!!!!

انا كان ممكن يجيلي انهيار عصبي بجد

---

فعلا من 11 : 5
أنا جيت فى الاخر وهنجت
وبالنسبة للكاوتش أنا قعدت مع مدير الصيانة هناك وهو بالفعل رجل محترم وقاللى إن توكيل هانكوك لديه الأجهزة اللى بتكشف على الكاوتش ولو فيه عيب هيغيروه .
وقاللى إن ضمان الكاوتش بيكون تبع توكيل هانكوك ومش على ضمان السيارة وإن جهاز حماية المستهلك كان بيحاول ضم ضمان الكاوتش على ضمان السيارة ولكن لم يصدر شىء حتى الان بخصوص هذا الموضوع .

اقتباس:

---

المشاركة الأصلية كتبت بواسطة hanystar

فعلا من 11 : 5
أنا جيت فى الاخر وهنجت
وبالنسبة للكاوتش أنا قعدت مع مدير الصيانة هناك وهو بالفعل رجل محترم وقاللى إن توكيل هانكوك لديه الأجهزة اللى بتكشف على الكاوتش ولو فيه عيب هيغيروه .
وقاللى إن ضمان الكاوتش بيكون تبع توكيل هانكوك ومش على ضمان السيارة وإن جهاز حماية المستهلك كان بيحاول ضم ضمان الكاوتش على ضمان السيارة ولكن لم يصدر شىء حتى الان بخصوص هذا الموضوع .

---

ازاى الكلام دة

يعني لو الكاوتش فيه حاجة هيتغير على حسابك انت؟؟

ازاى و اذا كان العيب دة انت حاسس بيه من اول ما جبت العربية

طيب و هتسكت على الكلام دة؟؟

اقتباس:

---

المشاركة الأصلية كتبت بواسطة ahmed_su

هاهاهاهاهاها :biggrin24::biggrin24::biggrin24:

ممكن يقلولو ابقى غير المسحوق :K15:

بس فعلا فى مصر علشان تخدى حقك لازم الصوت العالى

---

المشكلة إنك فعلا بتتوقع منهم أى رد غير واع وغير مقنع ساعة حدوث مشكلة
وأنا شخصيا كنت رايح متحفز لهم عشان عارف ألاعيب التوكيلات دى

اقتباس:

---

المشاركة الأصلية كتبت بواسطة ahmed_su

هاهاهاهاهاها :biggrin24::biggrin24::biggrin24:

ممكن يقلولو ابقى غير المسحوق :K15:

بس فعلا فى مصر علشان تخدى حقك لازم الصوت العالى

---

ههههههههههههههههه

مش كدة برده هو المسحوق السبب :k41:

لا والله انا اتعصبت بجد بس انا حاسة لا قدر الله لو حصل مشكلة معايا و عارفين انى بنت لا هعلى صوتى ولاهعمل حاجة فهيستعبطونى :sad:

اقتباس:

---

المشاركة الأصلية كتبت بواسطة ahmed_su

هاهاهاهاهاها :biggrin24::biggrin24::biggrin24:

ممكن يقلولو ابقى غير المسحوق :K15:

بس فعلا فى مصر علشان تخدى حقك لازم الصوت العالى

---

مع إنى بحط مسحوق 92 من بنزينة إريال أتوماتيك :k48:

مبروك عالصيانة يا باشا وماتعصبش نفسك دي حاجات بسيطة

هو بالمناسبة فين توكيل هانكوك ده كمان ؟؟؟؟

اقتباس:

---

المشاركة الأصلية كتبت بواسطة Dr_Smart

مبروك عالصيانة يا باشا وماتعصبش نفسك دي حاجات بسيطة

هو بالمناسبة فين توكيل هانكوك ده كمان ؟؟؟؟

---

شكرا يا باشا
توكيل هانكوك فى الإسكندرية
لكنى عرفت إن لهم فرع فى الدقى بس مش عارف فين بالظبط
عموما هبقى أتصل بيهم وأعرف .

ياباشا مبروك على الصيانة

اقتباس:

---

المشاركة الأصلية كتبت بواسطة Noha.M

ازاى الكلام دة

يعني لو الكاوتش فيه حاجة هيتغير على حسابك انت؟؟

ازاى و اذا كان العيب دة انت حاسس بيه من اول ما جبت العربية

طيب و هتسكت على الكلام دة؟؟

---

أنا المفروض أتصل بتوكيل هانكوك وأحدد ميعاد أروح لهم فيه .

اقتباس:

---

المشاركة الأصلية كتبت بواسطة Abohmaid

ياباشا مبروك على الصيانة

---

متشكر أوى يا باشا - كلك ذوق

اقتباس:

---

المشاركة الأصلية كتبت بواسطة hanystar

شكرا يا باشا
توكيل هانكوك فى الإسكندرية
لكنى عرفت إن لهم فرع فى الدقى بس مش عارف فين بالظبط
عموما هبقى أتصل بيهم وأعرف .

---

مبروك هانى باشا على صيانة ال5000 وعقبالنا يارب وعلى فكرة مشكلة الحدفة اليمين موجودة عندى بس بسيط ولاحظتها وانا على صحراوى مصر اسكندرية إنما جوه اسكندرية مالاحظتهاش وربنا يطمنك على حكاية توكيل هانكوك اللى فى اسكندرية عشان لما نوصل فى النهاية إنه عيب كاوتش ماضطرش أسافر مصر
عموماً يا باشا مبروك وبإذن الله كل المشاكل تتحل على خير

اقتباس:

---

المشاركة الأصلية كتبت بواسطة princemady

مبروك هانى باشا على صيانة ال5000 وعقبالنا يارب وعلى فكرة مشكلة الحدفة اليمين موجودة عندى بس بسيط ولاحظتها وانا على صحراوى مصر اسكندرية إنما جوه اسكندرية مالاحظتهاش وربنا يطمنك على حكاية توكيل هانكوك اللى فى اسكندرية عشان لما نوصل فى النهاية إنه عيب كاوتش ماضطرش أسافر مصر
عموماً يا باشا مبروك وبإذن الله كل المشاكل تتحل على خير

---

شكرا يا باشا وعقبالك لما تعمل صيانة ال 100.000
وعموما لما الموضوع يتحل هبقى أعرفكم بالتفاصيل
ولو كانت المشكلة عندك بسبب الكاوتش برضه فالتوكيل الرئيسى فى الإسكندرية وبيشتغلوا لعملاء القاهرة يوم واحد فى الأسبوع بالدقى - يعنى مش محتاج تسافر مصر وهبقى أعرفلك التوكيل فين بالظبط فى الإسكندرية .