ماتور نوبيرا ولا ليجانزا

**هيثم الشرقاوى** · 08-02-2015 03:53 PM

السلام عليكم ورحمة الله وبركاته
انا هشترى عربية نوبيرا اتوماتيك 2002 بس عايزة ماتور وفتيس اتوماتيك واتفقنا على 35000 بالمناسبة السعر كدة رايكم فية اية وهيا عايزة 2 اكسدام وفانوس خلفى
المهم ينفع اركب ماتور ليجانزا بفتيسه او ماتور نوبيرا الفتيس الكهربا ولا اركب الماتور بتاعها بالفتيس العادى وخلاص ولا رايكم اية يا رجالة
وجزاكم الله خيرا

**ha elshorbagy** · 08-02-2015 08:05 PM

خلي كل حاجة علي وضعها علشان ميحصلش مشاكل فى الدفيرة بتاعة الكهرباء راي شخصي

**zendo** · 08-02-2015 08:49 PM

هات الحاجة بتاعتها على وضعها بلاش لعب فى العربية

**Dr.Solom** · 09-02-2015 03:28 PM

ماتور الليجانزا يركب بفتيسه بس السعر اللى بتتكلم فيه ده معناه ان العربية متدمره مش حوار مكنه وفتيس
اكيد صالونها ضاربه اعصار وعايزه كاوتش وعفشه و سمكره ودوكو غير الكهربا الخ الخ

**midogad331** · 09-02-2015 07:52 PM

هل العربية محتاجة حاجه تاني غير الماتور والفتيس علشان نقدر نحدد السعر وماتور النوبيرا ممتاز ومتغيرش كتير في العربيه هات حاجتها الاصلي

**ramadanshehatt** · 10-02-2015 12:45 PM

للمعلومة .. انا كنت لسة بشترى قطع غيار استيراد وكان فى زبون بيشترى موتور ليجانزا 2000 cc الراجل قاله اخره 4.5 وبالفتيس 6.000 وعامله واجب انه ينزل ل 5500 والضفرة كاملة 500 جنيه

**هيثم الشرقاوى** · 10-02-2015 12:47 PM

جزاكم الله خير

**هيثم الشرقاوى** · 10-02-2015 12:59 PM

المشاركة الأصلية كتبت بواسطة dr.solom

ماتور الليجانزا يركب بفتيسه بس السعر اللى بتتكلم فيه ده معناه ان العربية متدمره مش حوار مكنه وفتيس
اكيد صالونها ضاربه اعصار وعايزه كاوتش وعفشه و سمكره ودوكو غير الكهربا الخ الخ

حبيبى يا دكتور سولم
على فكرة انا هيثم الى جتلك البيت قبل كدة
اخبارك اية يا كبير
وبالنسبة للعربية هى دواخل فابريكة بالكامل هتعوز شغل فى العفشة الامامية فقط مع العلم ان المساعدين كويسين
الصالون هيعوز كسوة فقط عشان هوة علية كسوة فوق فرش الفبريكة شغالة بس انا هغيرها للتنضيف
الكاوتش والبطارية يعتبروا جداد الكاوتش كومهو اكستا ماشى حوالى 12000 والبطارية من 3 شهور
التكييف شغال والكاسيت شغال ولو جبت اكسدامات نفس اللون ممكن اكبر دماغى ومروشش
ولو ملقتش هسمكر سمكرة خفيفة وادى وش نظافة
اية رايك واية رايك فى فكرة الاتوماتيك عموما واعمل اية فى الفتيس الاتوماتيك عشان يقعد اطول فترة ممكنة عشان ناس كتير بيقولى اتوماتيك النوبيرا وحش
والسلام عليكم ورحمة الله وبركاته

**هيثم الشرقاوى** · 10-02-2015 11:23 PM

الحمد لله لسه جاى من الحرفيين دلوقتى وجبت ماتور نوبيرا اوتوماتيك الفتيس الواير مش الكهربا
كامل بفتيسه وعمل 4500 جنية
وهنركب بكرة ان شاءالله تنصحونى باية واخلى بالى من اية مع الميكانيكى مع العلم انى هخلى الماتور القديم كقطع غيار واعمل اية عشان احافظ على الفتيس
ومعلش صدعتكم معايا والسلام عليكم ورحمة