من المتسبب الحقيقي في فوضي الشارع المصري ؟؟

**Samir Elshahawy** · 06-11-2008 09:54 AM

صباح الخير عليكم جميعا اعضاء نايل موتورز المحترمين ..

اسعدتني مشاركاتكم و أرائكم و لكن لي تعليق بسيط و هو ان اختيار ماسبق لم يسقط سهوا و لو وضعته لاختاره كل الاعضاء و انا أولهم , لكني تعمدت اسقاط هذا الاختيار كي نضع ايدينا علي الاسباب بالترتيب الصحيح وفق اهميتها لنبدأ بعد ذلك في مناقشة كل مسبب علي حدة و كيفية علاجه

و شكرا لكم علي أرائكم و مشاركاتكم القيمة

**Ghamrawy** · 06-11-2008 11:15 AM

كل ما سبق أكيد + غباء المشاة

**Ahmed_Elkhateb** · 06-11-2008 11:24 AM

يا جماعه المشكله اولا فى الشوارع البايظه الغير منظمه الشوارع الضيقه المعفنه اللى بليل بتبقى ضلمه اصلا ومتشفش انت داخل على اشارة مرور ولا داخل على كمييييين
وبعدين يا جماعه لو حد نزل المنيا مثلا انا كنت فى فرح بتاع واحد صحبى فى المنيا والله يا جامعه المرور هناك حاجه فوق الخيال المطبات الصنعيه الجميله الموريحه ماشى اشارات المرور اللى هيا ارقام الديجتال مفيش عسكرى واقف ولا حاجه بس الطريق نضيف اصلا يجبرك انك تقف فى الأشاره واسهم بتنور بليل وشغل جمييييييييل اوووووووى انا مشوفتش الكلام ده فى القاهره اللى هيا العاصمه بتاعة مصر والله الواحد تعب اصلا بسبب المواضيع ديييييييييه

**محمد ابراهيم 1** · 06-11-2008 11:30 AM

فاكرين فيلم أبو العربى انا حقول لكم على كلمه منه

العيب مش فى المصرى العيب فى الحكام

**دموع الثلج** · 06-11-2008 11:45 AM

جميع ما سبق

**Mohd_Adel_Amin** · 06-11-2008 11:48 AM

المشاركة الأصلية كتبت بواسطة tutankhamoun

إذا كنت تمتلك محل للذهب
أول شئ تفعله هو تأمينه ضد السرقات

فكما يوجد في الشارع المحترمين و الأمناء

يوجد الكثير ممن ليس لديهم ضمير و مستعدون للسرقة

لذلك تقفل المحل جيدا عند المغادرة و تؤمن البضاعة داخله بأقصى الإمكانيات المتاحة لك

هذا هو حال الشارع
تركت الشرطة الناس تفعل ما يحلوا لها
فغاب الرقيب
فأصبحت شوارعنا هرجلة و فوضى
و الناس في مصر مش بتيجي غير بالضرب على الدماغ
شوف لما بيكون فيه لجنة على الدائري أو رادار
الكل ماشي محترم
مش علشان هما محترمين
لاءة
علشان خايفين ........... و الجُبن سيد الأخلاق

لذلك الحل في مصر هو العقوبات الرادعة

و بالنسبة لمسببات المشكلة
كل ما سبق طبعا
بس بييجي قبلهم

عدم وجود نظام لإمتحان السائقين
غياب العقاب

----------------
95 % من السائقين في مصر لا يعرفون معنى العلامات التي على الطريق أو حتى فائدة الخطوط المرسومة عليه
و كله بطيخ في بطيخ

يبقى الأساس هو المشكلة ......... كينفعش تبني بيت بدون أساس ........ و إلا هايسقط مع أول زلزال خفيف أو هزة أرضية من بلدورز معدي من جنبه

النظام المصري في كل شئ تقريبا ........... فاشل
يجب على الحكومة اتباع الدول التي سبقتنا في النظم الادارية
أصل المشكلة مش مشكلة مرور فقط
دي مشكلة نظام اداري فاشل

و عليكم السلام و رحمة الله و بركاته

تحليل منظم وواضح ولا يحتمل الزيادة .. كلامك زي الفل يا باشا

**youssefmustang** · 06-11-2008 12:07 PM

90% من المشاكل الشعب 10% الحكومة ومن الصح (ده رأى انا ) انهم لو فعلا عايزين ينظمو الطرق ويحلو مشاكل المواصلات يبقى الاتى:
اقل مخالفة تبقى 5000 جنيه
حبس 3سنين
اذا تكررت المخالفة ياخدو عربيتو ويصادروها
شكرا

**hesham_tawfiq** · 06-11-2008 12:22 PM

اسمحولى اختلف مع معظم الناس اللى بتلوم رجال المرور فى المشكله
اعتقد المشكله فى اللى سايق لانو المفروض عارف واجباته قبل حقوقه فالطريق ودا للاسف غايب تماما عن الناس وبعدين الحكومه مش هتوقف عسكرى ولاامين ولا حتى ظابط على كل ناصيه عشان يظبط المرور واذا كانو هما اغلبهم حراميه فاحنا اللى بنديهم فلوس برضانا محدش بيغصب علينا.
وكمان في معظم الدول الغربيه والمحترمه الشوارع داخل المدن اتجاهين بدون اى فواصل بينهم ومع ذلك مبيحصلش التهريج اللى عندنا
انا عن نفسى اخترت ان سبب المشكله هو اسلوب قائدى السيارات فى القياده خصوصا الشباب الاهبل والمستهتر اللى مبيتعبش فى فلوس العربيه او معتمد ان التأمين هيغطى اى حادثه
وصدقونى او متصدقونيش انا بحمد ربنا جدا على ازحمه اللى فوسط البلد والشوارع اللى واقفه دايما لان لو كانت شوارعنا منتظمه وواسعه فى ظل وجود النوعيه دى من قائدى السيارات ربنا وحده هو اللى يعلم كان ممكن تحصل كوارث اد ايه واللى مش ملاحظ يشوف الحوادث كل يوم على الظرق السريعه زى طريق الواحات واكتوبر والمحور ومعظم الحوادث دى السبب فيها مش المكروباصات للاسف
اسف للاطاله وشكرا على الموضوع المهم اخيرا فالمنتدى

**محمد ابراهيم 1** · 06-11-2008 12:24 PM

انا أتفق مع tutankhamoun فى كل شىء ذكره لكن لى تعليق بسيط

المشاركة الأصلية كتبت بواسطة tutankhamoun

تركت الشرطة الناس تفعل ما يحلوا لها
فغاب الرقيب
فأصبحت شوارعنا هرجلة و فوضى
و الناس في مصر مش بتيجي غير بالضرب على الدماغ

الناس فى العالم كله كده

المشاركة الأصلية كتبت بواسطة tutankhamoun

لذلك الحل في مصر هو العقوبات الرادعة

لأ الحل فى تطبيق القانون وليس العقوبات الرادعه لأن العقوبات الرادعه إذا لم تطبق فلا قيمة لها
يبقى المهم التطبيق وأؤكد لك إنك لو طبقت غرامه 20 جنيه بس حتلاقى الناس تلتزم إلا قليلا من الناس اللى مش فارقه معاهم الفلوس

**Ahmad** · 06-11-2008 12:26 PM

سلام عليكم,

الحقيقة أنا شايف أن المسئول الأول عن المشكلة دي هي وزارة التربية و التعليم !!
هي مشكلة تربية و أخلاق و دين و ضمير في المقام الأول. لأن لو الحاجات دي مزروعة صح في كل واحد مننا كانت الدنيا بقت غير الدنيا.

ربنا يصلح الحال.

مشاهدة نتائج الإستطلاع: ماهو في رأيك اكتر مايسبب الفوضي في الشارع المصري ؟

الموضوع: من المتسبب الحقيقي في فوضي الشارع المصري ؟؟

LinkBack

أدوات الموضوع

عرض

-

-

-

-

-

-

المواضيع المتشابهه

فوضي الشعب ام فوضي الحكومه

المتسبب الحقيقي لمذابح السيارات علي كوبري المنيب

عجائب الشارع المصري

طرائف في الشارع المصري

في الشارع المصري

الكلمات الدلالية لهذا الموضوع

المفضلات

المفضلات

ضوابط المشاركة