عرض للطباعة
ليه بستورد اللحمة من استراليا و البرازيل مع ان فى دول اوروبية عندها ثروة حيوانية وممكن نستورد منها ولا الدول دى ليس عندها قدرة تنافسية؟
وهل فكرة تصدير اللحوم من اوروبا فكرة مجدية ولا فاشلة وهل الواحد سهل يلاقى مشترين منه ولا لا
وهل لو فاشلة فى مصر ايه الدول العربية اللى برضه عندها مشاكل فى اللحوم وممكن يتصدر لها
ملحوظة فقط
استيراد اللحوم لها حيتان والجميع يعلم ذلك وكلهم قيادات في الجيش
وهما عارفين المكسب يزيد ازاي يعني لو الاستيراد من اوروبا حيكسبهم اكتر حيستوردوا من هناك
وعموما الجواب في الفيديو ده على لسان وزير الاستثمار المهندس يحيى حامد
http://www.youtube.com/watch?v=xDiR6fCgVuc
استراليا قارة .... 7 و شوية مليون كيلومتر مربع ..... و 23 مليون بني ادم
عندها مساحات و مزارع .... و امطار و انهار .... تسمح لها تربي عجول و خرفان اضعاف احتياجها و تصدر .....
و جوها طول السنة كويس مفيش جو متجمد زي اوروبا
البرازيل برضه 8 و شوية مليون كيلومتر مربع ...... اي نعم 200 مليون بني ادم مش زي استراليا ..... بس مراعي طبيعية و امطار طول السنة ...... و مساحة طويلة عريضة
انت لو عايز تلعب صح ....... السودان ...... مش اوروبا ...... جنبك و عندها لحمة تأكل افريقيا كلها .....
ملحوظة : انا قلت السودان قبل ما اشوف الفيديو اعلاه و الكلام عن السودان !
السودان ضد مصالح الحيتان
حتي لو الناس اكلت الميته
ماتفرقش معاهم
هههههههه يعنى الجيش والمخابرات هما السبب فى الاستيراد عشان يكسبوا !اقتباس:
المشاركة الأصلية كتبت بواسطة مُصْطٓفٓى
زي اولاد رجب الإخواني كده؟؟؟اقتباس:
المشاركة الأصلية كتبت بواسطة مُصْطٓفٓى
ده اكبر مستورد لحوم في مصر
لتوضيح الفارق بين الاستيراد من السودان و البرازيل و استراليا
السودان تصدر لحوم مبرده (بالبلدى كده متشمعه) و دى بيتم تصديرها عن طريق الطيران
لذا كمياتها تكون صغيره نوعا ما و نقلها اغلى
------------
استراليا و البرازيل
لحوم مجمده
يتم استيرادها بحرا
المركب فى طلعه واحده بتجيب اضعاف الكميات التى سيتم استيرادها عن طريق السودان
-----------
و لكن هذا لا ينفى ان هناك حيتان و لكن مصلحتهم فى وجهه الاستيراد و هم من حاولوا افشال الاستيراد من السودان
ايام ما قالوا اللحمه السودانى فيها دود و بتدخل من ابوسمبل بايظه
------------------------------------
الاستيراد بيتم بواسطه الجكومه عن طريق وكيل و هو رجل الاعمال
و يتم سفر وفد من البيطريين لمراقبه عمليه الاستيراد
او مراقبه العمليه من اولها (من اول الذبح ) كما فى حالة السودان
---------------------------------------------------------------------------------------------
معلومه صغيره , فى البرازيل
علبه الجبنه النستو اغلى من كيلو اللحم
فالجوار السودان والاسهل
لكن نظريات غريبة
كلام زى الفل بس برضه محدش ادانى رد احترافى ولو فرضنا السودان ليه برضه مبنشوفش اللحمة السودانى زى مابنشوف الاسترالى و البرازيلى؟
انا بسأل بهدف شىء محدد عندى صديق فى اوروبا عرض اننا نفتح مجزر ونصدر المنتجات بتاعتنا برة وخصوصا الشرق الاوسط بس قلت له سيبنى افكر لانى شاكك فى جدوى المشروع ده
هل هيبقى مربح وقادر على المنافسة ولا هيبقى صعب على اللحمة بتاعت شرق وروبا تنافس الاسترالى و البرازيلى
وخلينا نتكلم عن مصر والدول الاخرى لان قريت ان لبنان يستهلك فى الشهر ماتستورد مصر فى سنة
مش كل حاجة تقراها تصدقها
ازاي 4.5 مليون هيستهلكوا 12 ضعف اللي بيستهلكه 90 مليون ؟؟؟؟؟
على فكرة في بيوت في مصر مش بتشوف اللحمة الا في العيد وبتجيلهم من اضاحي الناس الخيرةاقتباس:
المشاركة الأصلية كتبت بواسطة أحمد كمال
ربنا يرزقهم ويباركلهم ويصلح حالهم
لكن قد تكون لبنان دولة مصدر لمنتجات اللحوم او اللحمة عندهم رخيصة
جربت الفكرة دي سنة 2010 و فشلت فشل ذريع, ليه؟!اقتباس:
المشاركة الأصلية كتبت بواسطة keula
سوق اللحوم المستوردة في مصر عبارة عن حيتان و مافيا كبيرة جداً, و الكلام ده عن تجربة شخصية في السوق المصري و كلام بعض لواءات في الجيش عندهم شركات استيراد و كان عندي الفرصة أني أقابلهم و نتكلم في تفاصيل اللعبة! للأسف هي دي الحقيقة!
و على فكرة, عرفت منهم أن مصر بتصدر لحوم لبعض الدول الخليجية؟ تخيل!
أنا مش بحبطك على قد ما حبيت أشاركك بنصيحة.
يعني اللبناني في المتوسط بيستهلك ٢٤٠ ضعف المصري من اللحمة
كلام فارغ
هات لي مصدر !