بعد إلي حصل لأخت زميلنا محمود..الحل ايه؟

السلام عليكم يا أحلى منتدى....

بعد إلي حصل لأخت الأخ محمود ...حفظنا الله وإياها من كل شر

لقيت من المهم جدا أننا نوصل لحل للمشكله دي..وأول فكره جت في دماغي ...إن كل واحد يكتب رقم تلفون مستشفى او عياده يكون وعن تجربه شخصيه واثق فيها وفي امكانياتها
سبحان لله..بحيث لا قدر الله لو احتاج اي فرد للخدمه في يوم من الايام ..يكون معاه رقم التلفون جاهز وبرضه يكون ضامن الخدمه


يارت إلي يعرف ارقام تلفونات يكتبها ويوضح اسم المنشأه ومكانها ....

ويارب ما نحتاج نتصل بيهم في يوم من الايام

اللهم احفظنا فوق الارض..... وتحت الارض..... ويوم العرض عليك..... يا ذا الجلال والاكرام

هوه ايه اللي حصل معلش مش متابع

للاسف المشكلة لا تنتهي بمجرد حضور الاسعاف الخدمات الصحية في مصر في الحضيض فعلا سواء معدات او كادر بشري الا ما رحم ربي

مشكلة مالهاش حل دى عايزة عناصر كتير علشان تتحل
الشرطة وعسكرى المرور
تنظيم المرور علشان عربية الاسعاف تقدر توصل
يكون فى اسعاف اصلا
عقوبات شديدة جدا جدا للمستهترين بحياة الناس

اقتباس:

---

المشاركة الأصلية كتبت بواسطة X_MM_X

هوه ايه اللي حصل معلش مش متابع

---

http://www.nilemotors.net/Nile/showthread.php?t=45638

معتقدش انك هتلاقي اي نمرة مكتوبة ..
مش تشاؤم ولا حاجة ..
بس هو ده الواقع !!
مظنش حد فينا دخل هو او حد من اهله اي مستشفى وخرج يشكر فيها .. بالعكس ده بيخرج يشتم فيها وفي الناس والبلد ..

مفيش ولا رقم حتى الأن ...

هو دى اللى كنت متوقعه ...

حالك يحزن يا بلدى :k30::k30:

اهم حاجه سترربنا

انا اللي شفته يوم الحادثة و الله يا جماعة عرفت إن أي حد يحصله حادث يصاب فيه إصابة جامدة و يفضل علي قيد الحياة فا ده من رحمة ربنا فقط لا غير .. لأن مفيش حد بيحاول ينقذك سواء إسعاف أو مستشفي أو ناس أو الشخص سبب الحادث نفسه لو شاف إنه يقتلك عشان يهرب مش هيتردد .

دار الفؤاد اللي هي المفروض أنضف مستشفي في مصر كانوا هيجننوني و يشلوني .. و باقي المستشفيات طلعوا عيني و كل حاجة مخلصتش إلا بالوسايط و الزعيق و الخناق و قلة الأدب .